Култура

Билјана Драгиќевиќ Пројковска најдобра актерка, „Кокошка" најдобра претстава на PITF!

Претставата „Кокошка", во копродукција на независната театарска група Вортекс и Театар Комедија, ги освои двете најзначајни награди на јубилејното десетто издание на Интернационален театарски фестивал во Приштина, кое се одржа од 18 до 23 мај, год.

Претставата „Кокошка", во копродукција на независната театарска група Вортекс и Театар Комедија, ги освои двете најзначајни награди на јубилејното десетто издание на Интернационален театарски фестивал во Приштина, кое се одржа од 18 до 23 мај, годинава во Приштина.

Наградата за најдобро актерско остварување на фестивалот ѝ беше доделена на Билјана Драгиќевиќ Пројковска за улогата на Ала во претставата „Кокошка“, додека претставата ја доби и главната награда за најдобра претстава на фестивалот.

Во образложението на стручното интернационално жири за актерската награда се наведува дека изведбата на Билјана Драгиќевиќ Пројковска се одликува со исклучителна актерска зрелост, храброст и прецизност во изразот. Нејзината интерпретација, според жирито е „апсолутно ослободена од вишок, кристално јасна и целосно уверлива“.

Оваа награда за Билјана Драгиќевиќ Пројковска е најновата во низата актерски награди и признанија, национални и меѓународни, кои, оваа брилијантна македонска актерка ги добива во последните неколку години за речиси секој проект во кој учествува.

Во однос на наградата за најдобра претстава, жирито ја издвои „Кокошка“ поради нејзината автентична сценска енергија и доследниот уметнички, експериментален пристап, преку кој претставата создава современ и препознатлив театарски јазик.

Со тоа, „Кокошка“ се вброи меѓу најзабележителните остварувања во официјалната програма на годинашното издание.

Во годинешната официјална селекција на Интернационален театарски фестивал во Приштина учествуваа продукции од Косово, Црна Гора, Италија, Босна и Херцеговина и Македонија.

Претставата е во режија на Теодора Силјаноска, која ги потпишува и сценографијата и изборот на музика. Во актерската екипа настапуваат Билјана Драгиќевиќ Пројковска, Ане Блажовски, Кристина Гиева, Toме Станковски и Ванеса Тримчевска. Костимографијата е на Марија Пупучевска, а сценските движења ги креираше Дарко Велиќ.

Во наредниот период, претставата ќе биде прикажана во официјалната селекција на Меѓународниот фестивал за современа драма- Kolyada - Plays, како и на Скопско лето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: За првпат откако е изграден, го реконструираме мостот „Естакада“

Најфрекфентниот мост во градот добива нов живот, градиме инфраструктура што ќе служи на генерациите, напиша градоначалникот на Скопје, Орце Ѓорѓиевски на Фејсбук.

Целосно го реконструираме мостот „Естакада“ - важна сообраќајна врска за Гази Баба и за цело Скопје!

„📍 Денес, заедно со мојот колега Бобан Стефковски, го означивме почетокот на санацијата на мостот „Естакада“ во Гази Баба, проект кој со години беше барање на илјадници жители и една од најважните сообраќајни точки во овој дел од градот.

✔️ Овој мост има особено значење, затоа што се наоѓа на еден од најфреквентните излези од Скопје и претставува важна врска за граѓаните кои секојдневно се движат кон и од општините што гравитираат во овој дел.

Тука минуваат работници, ученици, семејства, компании, транспорт и затоа нашата обврска е оваа сообраќајна артерија да биде безбедна, функционална и достоинствена.

👷‍♀️ Санацијата опфаќа пристапни рампи на вкупна површина од 10.000 м², од кои 3.800 м² ќе бидат целосно обработени со гребење и вградување два нови слоја асфалт, додека на делот од мостот ќе се постави нов асфалтен слој.

🫵 Дополнително, ќе се изврши замена на рабници, изработка на асфалтни тротоари, чистење, санација и бојадисување на заштитната пешачка ограда, како и замена на постоечките капаци за шахти.

Вкупната должина на делот што се санира изнесува 1,5 километри коловоз.

📍Ова е вложување во безбедноста, во подобрата поврзаност и во секојдневието на илјадници граѓани.

♥️ Скопје заслужува модерна, безбедна и функционална инфраструктура.

Затоа најавувам дека ќе продолжиме со санација на сите мостови во градот каде што има потреба.

🫡 Продолжуваме да го градиме Скопје - чекор по чекор, проект по проект, со дела што се гледаат.“- стои во објавата.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Požar na Buni, vatrogasci na terenu. Opširnije pročitajte na portalu https://t.co/ulFqWb6hu6 pic.twitter.com/F07QflzkyJ
— Bljesak.info (@Bljesak) June 15, 2026

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.