Свет

Билд: Според германска разузнавачка служба, Путин се подготвува за голема војна со НАТО

Во новиот извештај на Сојузната разузнавачка служба на Германија (БНД) и Бундесверот се наведува дека руските власти најверојатно се спремаат за сеопфатна војна против НАТО.

Во извештајот се наведува дека Кремљ ги доживува односите со Западот како системски конфликт и е подготвен да употреби сила за постигање на своите цели.

Според германската разузнавачка служба, до крајот на оваа деценија Русија може да биде целосно подготвена за „широкораспространета конвенционална војна“. Сепак, според проценките на литванската разузнавачка служба ВСД, Москва засега не е способна да го нападне целиот сојуз, но може да го „тестира НАТО“ со ограничена воена операција против една или неколку земји членки, за да утврди дали воената алијанса ги сфаќа своите обврски сериозно.

Во извештајот се потенцира дека и покрај фокусираноста на руските трупи во Украина, руските воздухопловни и поморски сили остануваат борбено способни. Доколку војната во Украина заврши, руските единици можат брзо да се префрлат на границите со балтичките земји. Во документот се наведува и дека „руските загуби се надоместуваат“, а одбранбената индустрија на земјата произведува повеќе отколку што е потребно за актуелниот конфликт.

Воените трошоци на Русија растат со рекордно темпо – во 2025 година тие ќе достигнат околу 120 милијарди евра, што претставува повеќе од 6 отсто од БДП на земјата. Во споредба со 2021 година, воениот буџет е фактички зголемен четирикратно. Според плановите на Кремљ, бројот на војници треба да порасне до 1,5 милиони, додека количината на оружје и техника на границата со НАТО да се зголеми за 30 до 50 отсто.

Свет

Трамп изјави дека „100 проценти ќе има трговски договор“ со ЕУ

Американскиот претседател Доналд Трамп изрази „100 проценти“ увереност во постигнувањето „трговски договор“ во тековниот царински спор со Европската унија, за време на денешната средба со италијанската премиерка Џорџа Мелони во Белата куќа.

- О, ќе има трговски договор, 100 отсто, рече Трамп.

Тој одговараше на новинарско прашање што ќе се случи ако нема договор на крајот од 90-дневната пауза што ја одреди – и реагираше речиси со потсмев, пренесе ДПА.

- Што, мислите дека нема да има … се разбира дека ќе има трговски договор. Многумина сакаат да склучат договор, многу, многу. И ние ќе направиме трговски договор. Целосно го очекувам, но тоа ќе биде фер договор, рече Трамп.

Минатата недела, по значителните турбуленции на берзите и финансиските пазари, Трамп неочекувано одлучи да им одобри на многу земји, вклучително и на ЕУ, 90-дневна пауза од одредени царини.

Овие царини се казнени и се засноваат на трговскиот дефицит на соодветните земји, а исклучок е Кина.

Со оваа одлука, Трамп привремено стави дел од својот обемен царински пакет во мирување. ЕУ, исто така, соопшти дека ќе ги суспендира планираните одмазднички царини за американските производи на 90 дена.

Фото: ЕПА

Тагови: Доналд Трамп Мелони

Фудбал

Ван Дајк останува во Ливерпул до 2027

Капитенот на Ливерпул, Вирџил ван Дијк денеска го продолжи договорот со англискиот клуб до 2027 година.

„Многу сум среќен и горд. Има толку многу емоции кои ми поминуваат низ главата токму кога зборувам за тоа. Се чувствувам горд и радосен. Тоа е неверојатно. Патувањето што го имав досега во мојата кариера и можам да го продолжам за уште две години во овој клуб е неверојатно и многу сум среќен“, изјави Ван Дајк.

Холандскиот фудбалер му се приклучи на Ливерпул во јануари 2018 година од Саутемптон за тогаш рекордна сума од 75 милиони фунти за дефанзивец.

Досега Ван Дајк одигра 314 натпревари и постигна 27 голови за Ливерпул, со кој меѓу другото ја освои Лигата на шампиони во 2019 година и Премиер лигата во 2020 година.

Тагови: Ливерпул Ван Дајк

Свет

ММФ не предвидува рецесија годинава и покрај царините на Трамп

Трамп воведе царини од најмалку 10 отсто за сите стоки што влегуваат во САД почнувајќи од 5 април, и до 145 отсто за кинески стоки, покрај постојните царини воведени пред тој да се врати во Белата куќа.

Царинските мерки на американскиот претседател Доналд Трамп ќе влијаат на глобалната економија и ќе предизвикаат големо забавување на економскиот раст годинава, но без транзиција во рецесија, изјави денеска извршната директорка на Меѓународниот монетарен фонд (ММФ), Кристалина Георгиева.

И покрај несигурноста предизвикана од трговската политика, „нашите проекции за раст се во голема мера намалени, но не укажуваат на рецесија“, рече Георгиева во својот традиционален воведен говор пред пролетните состаноци на ММФ и Светската банка.

Состаноците почнуваат следната недела, кога меѓународните финансиски институции ќе ги претстават своите ажурирани прогнози за светската економија.

Трамп воведе царини од најмалку 10 отсто за сите стоки што влегуваат во САД почнувајќи од 5 април, и до 145 отсто за кинески стоки, покрај постојните царини воведени пред тој да се врати во Белата куќа.

Тагови: ММФ