Билборд објави листа на најдобрите пејачки на 21 век - Канал 5

Шоу биз

Билборд објави листа на најдобрите пејачки на 21 век

Билборд објави листа на најдобрите пејачки на 21 век, погледнете која е на врвот.

Билборд објави листа на најдобрите пејачки на 21 век

Популарниот американски музички магазин -Билборд, објави листа на најдобрите пејачки на 21 век, која предизвика многу различни реакции поради неочекуваните имиња кои се појавија на неа.

Очекувано, Тејлор Свифт се најде на врвот на листата. Досега има освоено 14 Греми. На второ место е Ријана, која последниот албум „Anti“ го објави во 2016 година, додека Бијонсе е на третото место.

Контроверзната Бритни не е во првите пет.

По нив следат Адел, Кети Пери, Лејди Гага, Пинк, Аријана Гранде, Мајли Сајрус и Алиша Кис. Изненадувачки, Бритни Спирс се најде на 14-то место.

Нејзините обожаватели го изразија своето незадоволство на социјалните мрежи.

"Бритни дефинитивно треба да биде во топ 10. Таа е кралица на женскиот поп", "Таа влијаеше на повеќето пејачки кои влегоа во топ 10. Како Бритни не е во топ 5? Кети Пери е петта, некој ме шегува?", се дел од коментарите.

Фановите на Бијонсе се бесни бидејќи Тејлор Свифт повторно е подобро рангирана.

. „Мразам кога луѓето ја потценуваат нејзината работа. Таа напорно работи од првиот ден“, „Заслужи повеќе“, мислат тие. Мараја Кери, Џенет Џексон и Мадона се меѓу пејачките кои исто така не успеаја да влезат во топ 10.

Комплетната листа на најдобрите пејачки на 21 век според Билборд е следнава: Тејлор Свифт, Ријана, Бијонсе, Адел, Кети Пери, Лејди Гага, Пинк, Аријана Гранде, Мајли Сајрус, Алиша Кис, Кели Кларксон, Мараја Кери, Кери Андервуд, Бритни Ејлили, Спирс, Лавињ и Кристина Агилера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и потопло, со дневна температура до 32 степени

Времето денес ќе биде сончево со мала до умерена локална облачност. Ќе дува слаб до умерен ветер од југоисточен правец, информираат од УХМР.

Сончево и потопло, со дневна температура до 32 степени

Минималната температура ќе биде во интервал од 8 до 16, а максималната ќе достигне од 26 до 32 степена.

Во Скопје, сончево со мала облачност. Ќе дува слаб ветер од југоисточен правец. Минималната температура ќе се спушти до 13, а максималната ќе достигне до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“, поранешниот директор Бајрами на обвинителна клупа

Во Основниот кривичен суд Скопје денеска треба да продолжи судењето за „Државна лотарија“ откако на истражните органи во земјава минатата недела им се предаде првообвинетиот Перпарим Бајрами, поранешен директор на Државна лотарија.

Продолжува судењето за „Државна Лотарија“, поранешниот директор Бајрами на обвинителна клупа

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Покрај Бајрами, во случајот се обвинети и поранешниот вицепремиер, Артан Груби, Методија Димевски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу.

Обвинението, кое го застапуваат јавните обвинители Даниел Коцев и Александар Давчевски, се однесува на дејства преземени во текот на 2023 и 2024 година, со кои обвинетите ги пречекориле службените овластувања и предизвикале штета на „Државната лотарија“ во износ од 596.125.511 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер