Билатералните односи и ЕУ перспективата во фокусот на средбата Османи-Сакеларопулу

Претседателката на државата увери дека нашата земја останува стабилен поддржувач на европската перспектива на Македонија, секако секогаш со главен критериум поставените услови и почитување на принципите на добрососедство. 

Напредокот на билатералните односи по Договорот од Преспа, ситуацијата во регионот и европската перспектива на Македонија, биле темите за кои разговарале, претседателката на Грција Катерина Сакеларопулу и министерот за надворешни работи на Македонија Бујар Османи, јави дописничката на МИА од Атина.

Како што соопштија од кабинетот на Сакеларопулу, грчката претседателка рекла дека односите меѓу двете земји се во нов продуктивен период, нешто што се потврдува и со редовните контакти на високот ниво и истакнала дека Грција очекува уште поблиска соработка меѓу двете земји.

-Претседателката на државата увери дека нашата земја останува стабилен поддржувач на европската перспектива на Македонија, секако секогаш со главен критериум поставените услови и почитување на принципите на добрососедство. Потенцираше дека целосното, доследно и добронамерно спроведување на Договорот од Преспа е клучно, како за интегративниот процес на Македонија во Европската Унија, така и за нашите билатерални односи , соопштија од кабинетот на Сакеларопулу по средбата со Османи.

Министерот за надворешни работи на Македонија, ја информирал грчката претседателка за имплементацијата на Договорот од Преспа и за можностите за соработка меѓу двете земји и ѝ се заблагодарил на Грција за поддршката на европскиот пат на нашата земја.

Од претседателската палата, Османи замина за грчкото МНР, каде што е во тек средбата со министерот за надворешни работи на Грција.

Дендиас и Османи, како што соопшти МНР, ќе разговараат за теми поврзани со билатералните односи меѓу двете земји, интензивирање и продлабочување на политичкиот дијалог во различни области, како и Акцискиот план за соработка и имплементацијата на Договорот за стратешко партнерство (Преспа).

Од Министерството за надворешни работи на Грција соопштија дека фокусот на разговорите ќе биде на прашањата поврзани со билатералните политички и економски односи, вклучително и соработката за справување со последиците од пандемијата, како и теми од регионален интерес со акцентот на европската перспектива на Западен Балкан.

Шефовите на дипломатиите на двете земји, како што веќе објави МИА, по средбата ќе потпишат и три меморандуми за соработка: едниот ќе биде за цивилна заштита, другиот за соработка на дипломатските академии и третиот меѓу „Invest North Macedonia" и „Enterprise Greece".

По потпишувањето, на меморандумите ќе следи и прес конференција во грчкото МНР на шефовите на двете дипломатии.

Османи ќе се сретне и со алтернативниот шеф на грчката дипломатија, додека пак еднодневната работна посета на Атина ќе ја заврши со средба со премиерот на Грција Кирјакос Мицотакис.

Научниците откриле зошто некои луѓе може да ,,комуницираат” со мртвите

Научниците идентификувале карактеристики кои прават некои луѓе поверојатно да веруваат дека ги слушаат пораките на мртвите.

Според најновото истражување, меѓу медиумите кои наведуваат дека комуницираат со задгробниот живот, постои предиспозиција за високо ниво на апсорпција на задачи, необични аудитивни искуства во детството и голема склоност кон аудитивни халуцинации.

Ова откритие може да им помогне на експертите подобро да разберат зошто менталните болести како што е шизофренијата често се придружени со вознемирувачки аудитивни халуцинации.

Научниците честопати се интересираат за таканаречените спиритуалистички искуства каде што луѓето тврдат дека гледаат или слушаат нешто што не доаѓа од докажан надворешен стимул; оваа тема е од интерес и за антрополозите кои проучуваат религиозни и духовни искуства, но исто така и за научниците кои истражуваат патолошки халуцинаторни состојби.

Експертите особено сакаат да разберат зошто некои луѓе со аудитивни халуцинации ги припишуваат на духовно искуство, додека други ги доживуваат како нешто вознемирувачко што го загрозува нивното ментално здравје.

„Спиритуалистите веројатно известуваат за необични слушни искуства кои се позитивни, кои ги среќаваат рано во животот и кои често можат да ги контролираат“, објаснува психологот Питер Мосели од Универзитетот во Нортамбрија во Велика Британија.

Мозели и неговиот колега, психологот Адам Пауел од Универзитетот во Дурам во Велика Британија анкетирале 65 спиритуалисти од Националниот сојуз на Велика Британија и 143 членови на општата популација одбрани преку социјалните медиуми за да утврдат што ги разликува спиритуалистите од пошироката јавност кои обично немаат способност да „зборуваат“ со мртвите.

44,6 проценти од анкетираните спиритуалисти пријавиле дека слушаат гласови секојдневно, а 79 проценти рекле дека ваквите искуства се дел од нивниот секојдневен живот. И додека повеќето рекле дека слушаат гласови во нивните глави, 31,7% рекле дека ги слушале како доаѓаат однадвор, пишува Science Alert.

Резултатите од истражувањето покажало дека спиритуалистите веруваат во паранормални појави многу повеќе од просекот на општата популација и дека за нив е помалку важно што мислат другите луѓе за нив. Тие обично го искусиле своето прво искуство со аудитивни халуцинации како млади луѓе; просекот бил 21,7 години, а тие исто така пријавиле изразена способност за фокусирање. Нивото на фокус е поим кој опишува целосен фокус на менталните задачи и активности или изменети состојби.

Се покажало дека спиритуалистите се повеќе склони кон искуства кои личат на халуцинации и дека пред нивните необични искуства тие обично не слушнале за спиритуализмот, туку наишле на овој термин додека барале одговори на нивните прашања.

Студијата забележала дека високото ниво на концентрација кај општата популација е силно поврзано со верувањето во паранормалното, но малку или воопшто со склоноста кон аудитивни халуцинации. Во двете групи, спиритуалисти и членови на општата популација, не биле забележани разлики во нивото на паранормално верување и чувствителност на визуелните халуцинации.

Експертите веруваат дека овие резултати покажуваат дека притисокот од врсниците, позитивниот социјален контекст или сугестивноста поради вербата во паранормалното тешко дека ќе влијае на „можноста“ да разговараат со мртвите. Наместо тоа, луѓето што ги „слушаат“ мртвите, прифаќаат спиритуалистички поглед на светот затоа што тоа се совпаѓа со нивното претходно искуство.

„За нашите учесници, спиритуализмот е одговор на невообичаени искуства од детството, како и на честите аудитивни феномени што ги доживуваат како медиуми додека тоа го практикуваат“, вели Пауел.

„Овие искуства произлегуваат повеќе од поседување одредени склоности или способности отколку од верување во способност за контакт со мртвите“, додаде тој.

Експертите велат дека идните студии ќе истражат разновиден културен контекст за подобро разбирање на односот помеѓу фокусот, верувањето и необичното искуство при комуникација со мртвите.

Истражувањето наречено When spirits speak: absorption, attribution, and identity among spiritualists who report "clairaudient" voice experiences е објавено во списанието Mental Health, Religion and Culture.

Бодибилдерот кој се ожени со кукла, сега премина на пилешко (ВИДЕО)

Бодибилдерот од Казахстан Јури Толочко, најпознат по тоа што се ожени со секс кукла, објави бизарно видео на својот Инстаграм профил.

Имено, како што ги информирал своите придружници пред неколку недели, куклата Марго е на поправка, а во меѓувреме наоѓа нови „хобија“. По снимањето на видео во кое разменува страсти со необичен 18+ предмет, сега тоа го прави со пилешко.

"После венчавката, Марго се расипа. Го знаете тоа. Сакам да имам многу секс, сакам БДСМ, сакам чуден секс. Таа секогаш трпеше такви работи, но тогаш нешто тргна наопаку. Наскоро ќе се поправи, таа се опоравува. Ќе биде дома наскоро, но се плашам дека ќе ја скршам повторно. Одлучив да најдам други сексуални предмети, во моментов барам. Во различни култури постои традиција дека мажот има неколку жени Веројатно ќе биде исто и со мене “, започна Јури под бизарното видео.

"Марго ќе биде мојата најстара сопруга, но ќе имам други помлади сопруги и сопрузи. Ја почитувам Марго, ја сакам. Значи, нема да купам друга кукла (Марго ќе биде единствената). Сепак, ако некој ми даде машка секс кукла што ќе биде моја копија, со задоволство ќе ја прифатам. Ќе уживам во сексот со себе. Сега барам предмети што можат да ми дадат фантастичен секс. Знаете дека можам да доживеам оргазам со предмети и храна ... ", напишал Јуриј.

„Еден од најлудите ликови на светот“, „Масирање на мртво животно и правење видео за тоа? Светот полуде“, „Искрено те поддржувам, но ова е премногу“, „Ова воопшто не е правилно“ , “се само некои од коментарите.

„Правете го она што го сакате“, „Вие сте генијалец“, „Ова е толку смешно“, напишале оние што не гледаат ништо лошо на видеото.

Претседателот на Тунис добил писмо со сомнителен прав

Кабинетот на претседателот на Тунис добил писмо со сомнителен прав, а истрагата е во тек, изјави за Ројтерс извор од Кабинетот.

Како што е истакнато, претседателот Каис Саид не го отворил писмото и се чувствува добро.

Државната новинска агенција на Тунис цитира официјално лице без да го открие неговото име, кој изјавил дека пликот не содржел никаков документ, туку само сомнителен прав.

Тој додал дека претседателот Каис Сајед не го отвори писмото, туку негов вработен го отворил.

Писмото и сомнителниот прав биле испратени во лабораторијата на испитување.

Во меѓувреме, неофицијална страница на Фејсбук со името на претседателот објавила дека претседателот Сајед бил цел на обид за труење поради писмото кое содржело отровна материја.

Во август, туниски дневен весник објави дека полицијата добила извештаи за обиди за труење на претседателот, но полицијата открила дека ваквите тврдења не се точни, објави Ројтерс.

притисни ентер