Била на третман во Турција од 14.000 фунти: Ме искасапија, имам дупки на стомакот, немам гради - Канал 5

Живот

Била на третман во Турција од 14.000 фунти: Ме искасапија, имам дупки на стомакот, немам гради

Сара Плат (33) од Јужен Велс, отпатувала во Турција за да го среди стомакот, да ги зголеми градите и да се затегне откако ослабела и имала опуштена кожа.

Била на третман во Турција од 14.000 фунти: Ме искасапија, имам дупки на стомакот, немам гради

Таа била во искушение поради цената на постапката, која во Турција ја чинела една третина од она што би платила за истата услуга во Британија. Наместо да се опоравува под турското сонце, таа била оставена во валкана хотелска соба и по враќањето во Британија завршила со девет корективни операции, пишува Дејли мејл.

- Телото ми е осакатено, имам две дупки во стомакот, немам гради, имам грпка на грбот и сѐ ме боли. „Она што се случи таму ми го уништи животот“, рече Плат.

Според информациите од Британската асоцијација на естетски пластични хирурзи (BAAPS), бројот на луѓе кои бараат болничко лекување во Британија по естетски зафат во странство е зголемен за 94 отсто за последните три години. Оваа година било потребно да се лекуваат дури 124 лица.

- Основата на практиката на пластична хирургија е да се направи вистинската операција на вистинската личност во вистинско време. Причината зошто операциите се поскапи во Британија е затоа што имаме регулаторна рамка и контроли, рече претседателот на БААПС, Марк Пацифико.

Сара ја научила таа лекција на потешкиот начин. По неколку години здравствени компликации, вклучително и итна хистеректомија, мајката на четири деца се здебелила и ѝ отстраниле дел од желудникот. Кога ја изгубила тежината, останала со огромна количина на болна лабава кожа која NHS одбиле да ја отстранат.

- Операцијата во Велика Британија чинеше 33.000 фунти, што беше над моите можности. Најдов место во Турција каде што ќе чини 15.000 фунти. Тоа не беше најевтино, но клиниката и хирургот имаа многу критики со пет ѕвезди кои веројатно беа лажни, рече Сара.

Во февруари со родителите одлетала во Анталија, хотелската соба била чиста и пространа. Кога дошла на предоперативни анализи на крвта, видела дека е на одделението за плодност и породување. Се сретнала со хирургот и ѝ било кажано дека постапката е закажана за 8 часот наутро.

-Таксито што го испратија доцнеше, поради што стигнав дури во 7:50, документите беа на турски, а кога ја побарав англиската верзија ми рекоа дека нема време и дека ќе го изгубам местото. Ме фати паника, но почувствував дека сум во премногу длабока дупка за да излезам, раскажува Сара.

Таа била сместена во инвалидска количка и паркирана надвор од операционата сала каде што можела да ги види лекарите како прават царски рез. Пред да каже нешто, ја однеле во собата и ја започнале процедурата. Операцијата траела 13 часа, таа се разбудила во компресија во страшни болки. Набрзо открила дека хирургот, покрај стомакот и градите, и го отстранил вишокот кожа од рацете и колковите.

-Кога го откопчав костумот изгледав како да имам три гради. Медицинската сестра рече дека е оток, но и дека е сало што го оставиле. Телото ми беше црно и зелено, а болката беше неверојатна. Му се јавив на мојот сопруг и му реков да се грижи за нашите деца бидејќи ќе умрам, рече таа.

По враќањето во Обединетото Кралство отишла кај општ лекар кој и дијагностицирал сепса, предизвикана од нејзиниот турски хирург.

- Открив и дека се заразив со MDRO (повеќе отпорни микроорганизми) од користење валкани инструменти. Траумата е толку голема што имам кошмари и ПТСН, би дала сѐ за да го вратам времето назад, изјавила Сара.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 34 загинати во експлозија на метан во рудник во Пакистан (ВИДЕО)

Најмалку 34 рудари загинаа во четврток откако експлозија закопа дел од комплекс од рудник за јаглен во покраината Белуџистан во Пакистан, соопштија официјални лица.

Најмалку 34 загинати во експлозија на метан во рудник во Пакистан (ВИДЕО)

Спасувачките операции се во тек за пронаоѓање и извлекување на уште двајца рудари кои беа заробени под земја, изјави Мухамед Фахад, директор за операции на покраинската управа за управување со катастрофи.

Покраинскиот министер за рудници и минерални ресурси, Шоаиб Ношервани, претходно изјави за Ројтерс дека 36 лица биле во урнатиот дел од рударскиот комплекс кога се случила експлозијата. Спасувачките екипи работеле на длабочина од околу 1.200 метри, изјави Мухамед Атиф, главен инспектор за рударство во покраината.

Висок регионален службеник за рударство, Абдул Гани Балох, изјави дека „два меѓусебно поврзани рудници се оштетени во силна експлозија на метан“. Експлозијата се случила во Соранге, оддалечена област во близина на Квета, главниот град на покраината Белуџистан.

Тагови: Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Џорџина објави снимка со Роналдо- сите гледаат во нивните прстени (ФОТО)

Џорџина Родригез и Кристијано Роналдо во последните денови беа видени како носат впечатливи дијамантски прстени, што повторно ги разгоре гласините дека ќе се венчаат овој викенд. 

Џорџина објави снимка со Роналдо- сите гледаат во нивните прстени (ФОТО)

Португалските медиуми објавија дека церемонијата наводно е закажана за сабота во имотот Кинта да Регалеира во Синтра. Сепак, оваа информација сè уште не е потврдена, а многумина се сомневаат во нејзината веродостојност бидејќи, според достапните информации, локацијата е отворена за посетители во текот на викендот, пишува Дејли Меил.

Прстенот привлече внимание

Двојката беше фотографирана како се качува на јахтата на Роналдо на Мајорка во вторник, двајцата носејќи впечатливи прстени. Џорџина, исто така, објави фотографии на Инстаграм на кои таа и Роналдо носат ист накит додека влегуваат во приватен авион. Роналдо го носи својот прстен од минатата година. Првпат привлече внимание со него за време на посетата на тогашниот американски претседател Доналд Трамп, а го носеше и за време на Светското првенство претходно овој месец.

Тој и порано зборуваше за свадба

Новите шпекулации следат по претходната објава на Роналдо дека планира да се ожени со Џорџина по Светското првенство оваа година, на кое Португалија беше елиминирана во осминафиналето од Шпанија. Во разговор со Пирс Морган, тој рече:

„Се надевам дека ќе дојдам на свадбата со победничкиот трофеј“. Додаде дека е целосно сигурен во својата одлука. „Ќе се оженам со неа затоа што верувам дека е вистинско време. Не само затоа што таа е мајка на моите деца, туку и затоа што е личноста што ја сакам најмногу“.

Спонтано запросување

Двојката се сврши во август минатата година по осум години врска, а Џорџина објави на Инстаграм: „Да, да“. Роналдо подоцна откри дека запросувањето воопшто не било планирано за тој момент.

„Беше околу еден часот наутро. Моите ќерки спиеја. Мојот пријател ми даде прстен да му го дадам на Џио, и токму кога ѝ го подавав, две од моите деца влегоа и рекоа: „Тато, ќе ѝ дадеш прстен на мама и ќе ја замолиш да се омажи за тебе“, му рече тој на Пирс Морган.

„Помислив: „Ова е совршениот момент“. Знаев дека еден ден ќе ја запросам, но не планирав да биде токму тогаш“. Фудбалерот додаде дека долго време избирал прстен. „Таа постојано ме прашуваше за прстен бидејќи нејзиниот сон беше да има прекрасен дијамант. Работев напорно и конечно најдов еден што ѝ се допаѓа.“

Семејство и почеток на врската

Роналдо и Џорџина ги имаат ќерките Алана и Бела. Братот близнак на Бела, Анхел, почина кратко по раѓањето. Фудбалерот ги има и близнаците Ева Марија и Матео, кои ги доби со помош на сурогат мајка, и најстариот син Кристијан Џуниор од претходна врска.

Двојката се запознала во 2016 година во Мадрид, каде што Џорџина работела како продавачка асистентка во продавницата на Гучи. Роналдо ја забележал таму за прв пат.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Добредојде во Охрид за српскиот премиер Ѓуро Мацут!

Попладнево во Охрид го пречекав премиерот на Република Србија, Ѓуро Мацут, кој престојува во посета на нашата земја.

Муцунски: Добредојде во Охрид за српскиот премиер Ѓуро Мацут!

Домаќин на посетата е претседателот на Владата, Христијан Мицкоски. Во фокусот на разговорите ќе бидат натамошното унапредување на политичкиот дијалог и продлабочувањето на економската соработка меѓу двете земји.

Охрид, како град со исклучително историско, духовно и културно значење, претставува мост меѓу двете земји и соодветно место за средба посветена на пријателството, добрососедството, регионалната стабилност и соработката, објави на ФБ министерот Тимчо Муцунски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер