Била 7 години во менопауза, а потоа родила дете – лекари објаснуваат како е тоа можно (видео) - Канал 5

Живот

Била 7 години во менопауза, а потоа родила дете – лекари објаснуваат како е тоа можно (видео)

Тес Мостен мислела дека никогаш нема да има дете.

Била 7 години во менопауза, а потоа родила дете – лекари објаснуваат како е тоа можно (видео)

За 47-годишната Тес Мостен животот бил неочекуван пресврт. После месеци стомачни болки, подуеност, мачнини, била убедена дека се работи за сериозна болест, можеби рак на јајници. Општиот лекар ѝ препорачал итен преглед спремајќи ја за најлошото. Наместо тоа, доживеала чудо, била бремена три месеци.

За време на ултразвукот, лекарот прво ѝ потврдил дека јајниците се во ред, а потоа на екранот ѝ покажал јасна слика од бебе.

-Дали е ова мое? – изговорила збунето.

Следниот ден, Тес и нејзиниот сопруг се вратиле на уште еден преглед и го виделе нивното бебе како го цица палецот.

За Тес бременоста била речиси незамислива. Влегла во рана менопауза уште на 40-годишна возраст и 7 години верувала дека за неа е невозможно да се оствари како родител. Со сопругот Нил од 2003 г, поминала 3 неуспешни обиди за вонтелесно оплодување и потрошиле повеќе од 23.000 евра. Кога изгубиле секаква надеж, се случило чудо.

Нејзината ќерка Моли се родила во јануари 2017 г. , а името го избрал нејзиниот сопруг бидејќи симболизира „чудо“.

Лекарите сметаат дека бременоста се случила благодарение на хормонската терапија што Тес ја земала за да ги ублажи симптомите на менопауза. Терапијата веројатно ја поттикнала овулацијата, иако тие случаи се исклучително ретки. Симптомите на бременост на почетокот – подуеност, болки и мачнина, често погрешно се толкуваат како симптоми на тумор кај жена во менопауза.

Иако бременост на крајот од петтата деценија денес може да случи благодарение на медицината, природното зачнување во тие години е исклучително ретко. За Тес и нејзиниот сопруг статистиката не е важна, за нив Моли е чудо што се случило после цела деценија откако веќе поверувале дека никогаш нема да станат родители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Капитенот на Тотенхем заминува во Мадрид

Капитенот на Тотенхем го најавува заминувањето, оди кај Симеоне  во Мадрид за 40 милиони евра .

Капитенот на Тотенхем заминува во Мадрид

Кристијан Ромеро синоќа потврди дека го напушта англискиот премиерлигаш Тотенхем по пет сезони поминати во лондонскиот клуб.

Аргентинскиот централен дефанзивец го објави своето заминување преку проштална порака, а неговиот трансфер во Атлетико Мадрид сега чека само официјална потврда.

Тотенхем и Атлетико постигнаа договор вреден приближно 40 милиони евра, при што англискиот клуб ќе добие и 15 проценти од евентуална идна продажба. Ромеро имаше договор со Тотенхем до 2029 година, но гласините за неговото заминување кружеа во текот на целото лето, а Атлетико беше неговата посакувана дестинација. Аргентинскиот интернационалец одигра 124 натпревари и постигна 12 гола за Тотенхем во текот на пет сезони.

Минатата сезона ја носеше капитенската лента, а сега заминува за да соработува со својот сонародник, Диего Симеоне. Интерес за него покажаа и Интер и Арсенал, но Атлетико беше клубот што на крајот го реализираше трансферот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Маж извлечен од урнатите четири дена по земјотресот во Колумбија

Во Колумбија маж е извлечен од урнатите четири дена по силниот земјотрес. 

Маж извлечен од урнатите четири дена по земјотресот во Колумбија

Мажот бил пронајден под урнатините на хотел во градот Переј-Ра, што претставува редок зрак надеж по потресот од 7,4 степени кој ја погоди земјата и однесе најмалку 280 животи..

Околу 400 луѓе и натаму се водат како исчезнати. Земјотресот што ја погоди колумбија во понеделникот наутро, со епицентар во Сан Хозе Дел Палмар во покраината Чоко, урна повеќе станбени блокови и оштети куќи, училишта и болници низ западот на земјата..

Тагови: земјотрес Колумбија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата.

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата, изјави европскиот комесар за управување со кризи, откако белгиските власти побараа итни засилувања за да го стават под контрола најголемиот пожар што ја погодил земјата во последните неколку децении.

Огнот го зафати „От Фан“ (Hautes Fagnes), најголемиот белгиски природен резерват, каде што пожарот беснее уште од петокот. Локалните пожарникари, земјоделците и ангажираните воени сили се обидуваат да го спречат ширењето на пожарот.

Според извештаите на локалните медиуми, кои се повикуваат на податоци од гувернерот на провинцијата Лиеж, до денес попладне изгореле околу 1.600 хектари.

Ова е најголемиот пожар регистриран во Белгија досега – кој го надминува дури и пожарот од 2011 година, кога изгореа речиси 1.400 хектари – според податоците на Европскиот информативен систем за шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер