Шоу биз

Бијонсе излезе од карантин и со маската наопаку се провози во класичен Мерцедес (ФОТО)

Пејачката Бијонсе за прв пат се појави во јавност откако се воведе карантин ширум светот, вклучително и во САД.

Папараците ја снимале додека се вози низ Беверли Хилс во стара, но луксузна марка на Мерцедес со својата помошничка зад воланот. Бијонсе се возела во Mercedes SL Roadster (w113) од 60-тите.

Кралицата Р'н'б се маскирала од љубопитните очи со очила за сонце, качулка и заштитна маска на лицето, дизајнирани специјално за неа, означени со првата буква од нејзиното име - Б. Интересно е што Бијонсе ја ставила маската наопаку со горниот дел надолу.

Во придружба на нејзиниот кабриолет биле и нејзините телохранители, кои се возеле во црн луксузен ескалад.

Бијонсе покажа големо срце во оваа криза со тоа што донираше 6 милиони долари како дел од нејзината добротворна кампања „БејГуд“. Таа се здружи со основачот на Твитер, Џек Дорси, во иницијативата #smartsmall и донираше пари на најранливите во епидемијата на коронавирус.

Формула

Верстапен најбрз на спринтот за Големата награда на Кина

Возачот на Ред Бул, Макс Верстапен, победи во спринтот за Големата награда на Кина.

Второто место го зазеде Луис Хамилтон од Мерцедес со заостанување од 13.043 секунди.

Вториот возач на Ред Бул, Серхио Перез беше трет со 15.258, секунди послабо време од победникот.

Ова е осма победа на Верстапен во кариерата во спринт.

Главната трка од Формула 1 шампионатот за Големата награда на Кина ќе се вози утре со почеток во 9 часот по македонско време. /МИА

Свет

Северна Кореја тестирала тестирала „супер голема“ боева глава и противвоздушна ракета

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

- Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри. /МИА

Фудбал

Ајакс сака да го покани Чави за главен тренер

Раководството на Ајакс го смета тренерот на Барселона Чави како главен кандидат за тренерското место на тимот од Амстердам, објави „Sport.es“.

Холандскиот фудбалски гигант смета дека 44-годишниот шпански стручњак е способен да го врати клубот на претходното ниво и е подготвен да потпише договор со него до 2026 година.

Во јануари Чави најави дека ќе ја напушти Барселона на крајот на сезоната.

По јавно објавената одлука на Чави за заминување од Барса, тимот загуби само еден натпревар - во четвртфиналето на Лигата на шампионите против ПСЖ (1:4).

Чави за шеф на стручниот штаб на каталонскиот тим беше назначен во ноември 2021 година. /МИА

притисни ентер