Бигорски манастир ја одбележа манастирската слава, замонашени петмина браќа

Славното Бигорско светилиште денеска го прослави споменот на раѓањето на својот заштитник – Христовиот Пророк и Крстител, светиот Јован.

Со големото литургиско торжество чиноначалствуваше неговото високопреосвештенство митрополитот Дебарско-кичевски, г. Тимотеј, а му сослужуваа и неговото преосвештенство, епископ Аморејски г. Никифор, игумен на Свештената Ставропигијална Патријаршиска Обител на Влатадите во Солун, неговото преосвештенство епископ Антаниски, г. Партениј, игумен на Бигорскиот манастир, како и голем број архимандрити, јеромонаси, јероѓакони, свештеници и ѓакони од Македонија, Грција, Албанија и Бугарија.

-Пред почетокот на Архиерејската литургија, нашиот многупочитуван митрополит г. Тимотеј, замонаши петмина наши собраќа. Новите рожби на нашиот старец и владика Партениј, отците Јоаникиј, Јоаким, Филип, Ангелариј и Григориј го примија рамноангелскиот монашки чин и сега заедно со нив Бигорското братство брои 25 монаси, односно 30 членови. Ова е првпат во нашата понова историја одеднаш да бидат замонашени петмина браќа, а радоста е дотолку поголема што на ова сеправославно торжество присуствуваа архимандрити, јеромонаси, свештенство, монаси и верен народ не само од земјава, туку и од сите соседни земји, но и од Европа и Америка. За време на Божествената Литургија, пак, нашиот брат, новозамонашениот отец Григориј беше ракоположен во свештеноѓаконски чин, изјави сестра Ефимија за МИА.

Митрополитот Дебарско-кичевски, г. Тимотеј, им се обрати на новозамонашените браќа и им посака да го „носат монашкиот образ за прослава на Триединиот Бог, за афирмација на МПЦ – Охридска архиепископија, за углед и достоинство на оваа света Обител и за спасение на нивните души“.

-Како христијани сите сме повикани да бидеме послушници на волјата Божја. Но, да не заборавиме дека на оваа должност се повикани особено монасите, кои го зеле својот крст и тргнале по Христа. Кој може да врви по Христа, ако не го зел крстот на богопослушноста? Каква полза за човекот ако не го знае Божјиот закон, а ја исполнува својата волја? Нели свети апостол Павле ни вели: Пред Бога не се праведни оние што го слушаат Законот, туку ќе се сметаат за праведни само оние што постапуваат според Законот. Овие зборови се однесуваат на нас христијаните, но најмногу на новозамонашените. Честитајќи им го ангелскиот чин, им напомнуваме да се потсетуваат на тоа дека ние сите сме повикани да ја исполнуваме Божјата, а не својата волја. Нека го носат монашкиот образ за прослава на Триединиот Бог, за афирмација на МПЦ – Охридска архиепископија, за углед и достоинство на оваа света Обител и за спасение на нивните души, посака г.г. Тимотеј.

Европските складови за гас ќе бидат полни до зимата за десет пати повисока цена од лани

Европските земји веројатно ќе успеат да ги наполнат своите складишта за гас пред зимата како што е планирано, но трошоците ќе изнесуваат повеќе од 50 милијарди евра, десет пати повеќе од просечните трошоци за полнење од претходните години.

Европските влади стравуваат дека намалувањето на руското снабдување преку главниот гасовод - Северен тек 1 - ќе предизвика големи проблеми за Германија и другите земји во нивните напори да ги наполнат подземните складишта за гас. Сепак, се чини дека Германците успеваат да ги пополнат со комбинирање на намалување на побарувачката, користење на некои електрани на јаглен и зголемување на увозот на течен природен гас (LNG).

Просечното ниво на искористеност на европските складишта за гас минатата недела било 70,5%, според податоците на Гас Инфраструктура Европа (ГИЕ). Европската унија планира до 1 ноември да има капацитет од 80 отсто за да обезбеди резерви за зимските месеци со почетокот на најголемата побарувачка. ЕУ, исто така, постави привремени цели за секоја земја и за секој месец.

Германија, која е најтешко погодена од намалениот проток на гас од Русија, е поамбициозна и има намера да наполни 95% од складиштата до ноември. Тоа е помогнато од зголемениот увоз на ЛНГ. Се проценува дека ЕУ увезла 21,4 милиони тони ЛНГ во првата половина од годината. Лани во истиот период увезла 8,2 милиони тони.

Во јуни, за прв пат во историјата, придонесот на американскиот ЛНГ во снабдувањето со гас во Европа бил поголем од гасот од Русија.

Иако Европа е на добар пат да ги исполни целите за капацитети за складирање гас, аналитичарите предупредуваат дека нејзината зависност од рускиот гас е далеку од завршена и дека Европа останува зависна од тоа колку студена ќе биде зимата и колку руски гас ќе тече кон Европа до напролет. . Неизвесноста во двата случаи веројатно ќе ги задржи цените високи дури и ако залихите продолжат да растат во текот на следните месеци.

Аналитичарите и индустриските експерти предупредуваат дека полнењето на складиштата до целните нивоа би било невозможно доколку Русија целосно го прекине снабдувањето на Германија преку гасоводот Северен тек 1. , додека цените достигнаа рекордни нивоа.

Цената на гасот во холандскиот центар ТТФ, кој е репер за Европа, од почетокот на годината е речиси тројно зголемена поради забавувањето на испораката на руски гас преку Северен тек 1 и намалениот светски пазар. Ова е причината зошто купувањето гас на големо е скапо.

Се смета дека хипотетичката замена на Северен тек 1 во текот на зимата со гас од други извори, а врз основа на идните цени на ТТФ за зимската сезона, би ја чинела Европа повеќе од 50 милијарди евра, околу 10 пати повеќе од просечната цена во изминатите години.

Легендарниот Роџер Вотерс на неговата турнеја низ САД го нарекува Бајден воен злосторник(ВИДЕО)

Роџер Вотерс, англиски музичар и ко-основач на групата Пинк Флојд, го нарече американскиот претседател Бајден воен злосторник.

Вотерс моментално е на турнеја во САД, а како дел од визуелните ефекти на концертите покажува фотографија од Бајден со натпис „воен злосторник“.

Вотерс го објасни својот став во неодамнешното интервју за CNN. „Претседателот Бајден? Тој додава масло на огнот во Украина, за почеток. Тоа е огромно злосторство. Зошто Соединетите Американски Држави не би го охрабриле претседателот Зеленски да преговара за запирање на оваа страшна војна во која загинаа... ние не дури знаеме колку Украинци и Руси? рече рокерот.

„Мораме да ја погледнеме историјата и да утврдиме кога започна војната. Можеме да кажеме дека започна во 2008 година. Оваа војна се сведува на акциите и реакциите на НАТО, кој посегнува по руската граница, што ветија дека нема да го направат во преговорите со Горбачов, кога советската армија се повлекуваше од цела Источна Европа“, додаде тој.

Тој рече дека САД немаат улога на ослободител, а тоа го спореди со Втората светска војна во која влегоа САД по јапонскиот напад на Перл Харбор: „Пред тоа бевте изолационисти. Да не заборавиме дека во Втората светска војна 23 милиони Руси загинаа штитејќи ме мене и тебе од нацистите“.

Во продолжение Вотерс се осврна на ситуацијата на Пацификот: „Кина не го опколи Тајван. Тајван е дел од Кина и тоа е прифатено во меѓународната заедница од 1948 година. А ако не го знаете тоа, тогаш не читате доволно."

Сем Асгари ја брани Бритни по изјавата на поранешниот дека нејзините деца не сакаат да ја видат

Сем Асгари, сопругот на Бритни Спирс, се огласи по изјавите на поранешниот сопруг на пејачката, Кевин Федерлајн.

Имено, Федерлајн изјавил дека децата „не сакале да ја видат Бритни и не сакале да одат на нејзината свадба“. Спомна и како се чувствуваат непријатно бидејќи Бритни објавува разголени фотографии на Инстаграм.

„Му посакувам сѐ најдобро и се надевам дека ќе гледа попозитивно во иднината за доброто на сите вклучени. Но засега чувајте го името на мојата сопруга надвор од јавноста“, напиша Асгари на Инстаграм.

„Неодговорно е да се даваат такви изјави. Момчињата се многу паметни. Наскоро ќе наполнат 18 години и ќе можат сами да носат одлуки. Ќе сфатат дека е тешко да се има татко кој не направил многу да биде пример за нив. Ова наскоро ќе заврши. Не го познавам лично Кевин и немам ништо против него, освен што ја клеветеше мојата сопруга“, додал Сем, пренесува Page Six.

Потсетуваме, по изјавата на Кевин се огласи и Бритни.

"Тажно е да се слуша мојот поранешен сопруг како зборува за односот помеѓу мене и моите деца. Како што сите знаеме, никому не му е лесно да се одгледуваат тинејџери. Ме загрижува фактот што причината се базира на мојот профил на Инстаграм. Беше многу пред Инстаграм.Им дадов сѐ...Само, мама ми рече дека треба да им ги дадам на нивниот татко...“, напиша пејачката на Инстаграм.

Инаку, Кевин Федерлајн и Бритни Спирс беа во брак од 2004 до 2007 година.

притисни ентер