БИФТЕК СО СУВИ СЛИВИ

Рецепт на Коста и Стефан.

Потребни состојки: 200 гр. јунешки бифтек, 4-5 суви сливи, ½ главица кромид, 1 зелена пиперка, 1 црвена пиперка, ½ тиквичка, ½ модар патлиџан, малку путер, малку соја сос, малку маслинова масло, малку масло од тиква, бибер и сол по вкус.

Постапка:

Бифтекот се сечка на ленти.

Модриот патлиџан се сечка на покрупни парчиња.

Тиквичката се сечка на ленти.

Црвената и зелената пиперка се сечкаат на покрупни парчиња.

Кромидот се сечка покрупно.

Во тава со загреано маслиново масло се пропржува бифтекот околу 2 минути.

Се додаваaт суви сливи и се продолжува уште малку со пржењето.

Потоа се додава сечканиот зеленчук и се продолжува со пржењето околу 4 минути.

На средина од пржењето се зачинува со малку бибер и сол и се додава малку путер.

При крај се додава малку соја сос.

Јадењето се сервира во чинија и се полева со масло од тиква.

СДСМ: Владата со четвртиот сет мерки враќа 470 милиони евра кај граѓаните и стопанството

 – Владата предводена од СДСМ го претстави четвриот пакет, составен од 31 мерка, со кои 470 милиони евра се наменуваат за помош на бизнисот и граѓаните за излез од кризата предизвиканата од пандемијата со коронавирусот.

Пакетот предвидува продолжување на субвенционирањето на плата во износ од 14.500 до 21.776 денари по вработен за за октомври, ноември и декември. Оваа мерка е наменета за сите фирми, трговци поединци, земјоделци, занаетчии и лица што вршат други услуги.

Платежни картички со 6.000 денари ќе добијат над 283.000 граѓани за поттикнување на потрошувачката и домашната економија.

Предвидени се нови 100 милиони евра поволни кредити од Развојната банка на Република Северна Македонија, зголемување на грејс периодот за бескаматните кредити од линијата Ковид-1, како и дополнително одложување на отплата на кредити за компании, до крајот на годината.

Во четвртиот пакет мерки особено внимание е посветено на туристичкиот и угостителскиот и транспортниот сектор, и меѓудругото предвидува неповратна помош за туристички агенции, за ресторани за свадби и за игротеки.

Во пакетот се предвидени и мерки за поддршка на човечкиот капитал, за општините, а Викендот без ДДВ ќе се одржи за време на продолжениот викенд 10-11-12 октомври.

Со четвртиот пакет мерки се очекува да бидат опфатени над 600 илјади граѓани.

Претходните три антикризни пакети реализирани од Владата предводена од СДСМ спасија стотици илјади работни места и обезбедија помош за десетици илјади компании.

Само преку мерката финансиска поддршка од 14.500 денари по вработен, со 79,5 милиони евра поддржани се околу 120.000 вработени граѓани и околу 20.000 компании.

Преку кредитните линии Ковид-1 и Ковид -2 во стопанството беа инјектирани 13 милиони евра за 1376 компании со близу 18.000 вработени

26,8 милиони евра завршија кај 309.000 граѓани кои добија платежни картички преку мерката „купувам домашно", а преку мерката „Дома си е дома", беа доделени ваучери за туризам на 117.000 граѓани во висина од 12 милиони евра.

Вредноста на првите три пакети економски мерки, изнесуваше 550 милиони евра.

Со четвртиот пакет продолжуваме со сеопфатна помош за граѓаните и за економијата.

Центар за комуникации со јавноста на СДСМ

ВМРО-ДПМНЕ: Катастрофалната катаклизма на Филипче продолжува

Секојдневните троцифрени бројки од заболени од КОВИД-19 се доказ дека министерот за зараза и смрт не се грижи за здравјето на граѓаните.

Додека Филипче гради згради низ Скопје, граѓаните заболени од КОВИД-19 умираат.

Бројката од 725 починати е сериозен аларм дека во државата не функционира здравствениот систем.

Наместо владата да побара одговорност од министерот за зараза и смрт, таа го наградува со сомнителни тендери.

Бројката на заразени од КОВИД-19 изнесува 17.629 и е доказ дека владата на Заев не е подготвена за вториот бран на овој вирус. Оваа бројка не влева оптимизам дека граѓаните се во сигурни раце. Оваа бројка единствено е доказ дека граѓаните се препуштени сами на себе. Сами да се грижат за своето здравје.

Македонија е единствена земја во Европа каде заболени од КОВИД-19 не се примаат во болниците затоа што биле „стари луѓе“ , а ги нема ниту најавените 16-те монтажни болници чии постапки до сега требаше да се распишат.

Очигледно здравствениот систем нема доволно капацитети, иако по изјавите на Филипче тие беа доволни, па сега нелогично се оневозможува хоспитализирање на новозаболени од коронавирус.

Со Почит,

Центар за комуникации на ВМРО-ДПМНЕ

Видео: Мајами закажа финале против Леброн и Лејкерси

Бем Адебајо е  новиот херој на Мајами.

Кошаркарите на Мајами се противникот на ЛА Лејкерс во големото финале на НБА лигата.

Жешките во шестиот дуел од финалната серија на Истокот го поразија тимот на Бостон со 125-113 и со 4-2 во победи се пласираа во ново големо финале во најсилното светско кошаркарско првенство.

Брилијантен меч одигра Бем Адебајо, кошаркарот кој на себе ја презеде одговорноста за поразот во петиот дуел од серијата. Адебајо мечот го заврши со 32 поени, 14 скока и 5 асистенции.

Стандардно добри во хомогениот тим на „жешките“ беа Џими Батлер со 22поени и 8 асистенции, Тајлер Хиро со 19 коша, 7 асистенции и 5 скока , Игодала и Робинсон со по 15 и Горан Драгиќ со 13 поени и 7 асистенции.

Кај поразениот Босон Џејлен Браун постигна 26 поени, а потфрли предводникот на Селтикси Џејсон Тејтум кој промаши дури 17 шутеви, а мечот го комплетираше со 24 поени.

Големото финале во НБА меѓу Ла Лејкерс и Мајами започнува , ноќта меѓу среда и четврток.

притисни ентер