Автомобилизам

Бестселер на мали автомобили: „Opel“ ја претстави новата корса

Доаѓа новата Opel Corsa – и доаѓа оваа година. Уште посмела, уште поемотивна, поинтуитивна за управување и со целосно нови електрични и хибридни погони.

• Мал и полн со карактер: со лицето на брендот Opel Vizor и нов дизајн на задниот дел

• Дигитален и интуитивен Cockpit базиран на Snapdragon® Cockpit платформи од Qualcomm Technologies, Inc., нова инфозабава со голем 10-инчен екран на допир во боја

• Уште попрецизно: нови Intelli-Lux LED® matrix светлa

• Corsa Electric: нов електричен мотор со 115 kW/156 КС и опсег до 402 km (WLTP)

• Хибрид за сите: новата Corsa е првиот Opel со 48-волтен хибриден систем

Новата Corsa воодушевува со својот нов дизајн, вклучувајќи го карактеристичното лице на брендот Opel Vizor напред и буквите на Opel поставени самоуверено во средината на задниот дел. Најсовремените технологии го прават возењето порелаксирано. Како опција, новата Corsa е опремена со целосно дигитален кокпит базиран на Snapdragon Cockpit платформи од Qualcomm Technologies со нова, интуитивen инфозабавен систем и 10-инчен екран на допир во боја. Intelli-Lux LED® matrix светла без сјај, кои Corsa ги донесе во сегментот на мали автомобили во 2019 година, се исто така уште подобри и попрецизни – сега со 14 LED елементи. А најновата интерпретација на бестселерот на мали автомобили може да се пофали и со висока технологија под капакот на моторот. Corsa Electric сега доаѓа и со поголема моќност и подобрена батерија што овозможува опсег до 402 km според WLTP. Останатите погони се исто така вистинска новина. Corsa е првиот модел на Opel кој ќе биде достапен како хибрид со систем од 48 волти. Така, новата Corsa им овозможува на клиентите избор на погони, од чисто електричен до хибридни и високоефикасни мотори со внатрешно согорување, што е незабележано во овој сегмент.

„Opel Corsa е бестселер повеќе од 40 години. Во изминатите две години беше најпродаваниот мал автомобил во Германија и во 2021 година најпродаван автомобил во Велика Британија. За нас, овој успех е потврда за нашата работа и дава дополнителна мотивација за уште поголемо напредување. Новата Corsa е уште помодерна, уште поемотивна и подобра. Со нејзиниот неверојатен дизајн, најсовремените технологии кои се карактеристични за повисоките сегменти и новата електрична и хибридна технологија без емисии, сакаме да ги инспирираме клиентите и да им покажеме што можат да очекуваат од еден мал автомобил денес“, изјави извршниот директор на Opel, Florian Huettl.

Смел, елегантен, полн со емоции: новиот дизајн на Corsa со Opel Vizor

Совршени пропорции и прецизност до најмалите детали, сето тоа спакувано во смел и елегантен изглед – ова е новата Opel Corsa. Дизајнерите го направија бестселерот на мали автомобили уште помодерен и уште постилски. Највпечатлива карактеристика е непогрешливиот Opel Vizor, карактеристичното лице на брендот кое ги краси сите нови модели на Opel. Црниот Vizor го покрива предниот дел на Corsa и беспрекорно ги интегрира решетката на возилото, LED предните светла и централниот Opel Blitz во еден елемент. Во зависност од нивото на опременост, логото на брендот на предната и задната страна е претставено во привлечна црна или мат сатенска сребрена боја. Оптичките „влезови за воздух“ во долниот дел на предниот браник се поголеми и поистакнати од порано, што ја прави Corsa уште повпечатлива на патот.

Страничниот поглед на новата Corsa импресионира и со карактеристичните линии. Се чини дека „пробиениот“ С-столб дозволува покривот, кој доаѓа во црна боја (во зависност од нивото на опременост), да „лебди“ над возилото. Задниот дел исто така прикажува јасна слика: табличката на Corsa сега се појавува, како што за прв пат беше видено пред неколку месеци на ограниченото издание „Opel Corsa 40“, во центарот на задната врата. И бојата Grafik Grey, достапна за прв пат за Corsa, помага на оваа најнова генерација да блесне во нов сјај.

Интуитивен и фокусиран на најважното: новиот дизајн на кокпитот

Благодарение на бројните нови карактеристики како новите модели на седиштата, новата рачка на менувачот и дизајнот на управувачот, кај Corsa се создава современа атмосфера во внатрешноста. Сепак, најважното – и визуелно и технички – е опционалниот целосно дигитален кокпит со нов инфозабавен систем. Интегрираната платформа Snapdragon Cockpit од Qualcomm Technologies има подобрена графика, мултимедија, компјутерска визија и вештачка интелигенција (AI) за да обезбеди поинтегриран, контекстуално свесен и постојано приспособлив систем на кокпит кој може да се развива за да ги задоволи преференциите на патниците.

Исто како и во развојот на најновата генерација на Astra, беше применет принципот „Детокс до максимум“: системот за навигација овозможува поврзани услуги, препознавање на природниот глас „Hey Opel“ и ажурирања преку воздух. Дополнително, дисплеите на 10-инчниот екран на допир во боја на навигацискиот и мултимедијалниот систем и на екранот за информации за возачот се уште појасни, така што сите важни информации можат да се видат во дел од секунда. А најновата генерација има уште еден адут. За прв пат, паметните телефони компатибилни со Apple CarPlay и Android Auto ќе бидат поврзани со мултимедијалните системи на возилото и исто така ќе се полнат - и двете безжично.

Уште попрецизно: Intelli-Lux LED® matrix светлa со 14 LED елементи

Од 2019 година, приспособливите Intelli-Lux LED® matrix светлата без сјај кај Corsa покажаа како иновациите во сегментот на мали автомобили се достапни за секого. Инженерите континуирано работат на нивен понатамошен развој и новата Corsa има придибивки од тоа. Вкупното 14 наместо осум поединечно контролирани LED-елементи обезбедуваат стадиумско искуство во возењето што сега ги „отсекува“ другите учесници во сообраќајот уште попрецизно од порано.

Има и бројни други најсовремени системи за помош кои го прават возењето и маневрирањето порелаксирано. Понудата се движи од новата панорамска камера за возење наназад со висока резолуција до приспособливиот темпомат и ограничувачот на брзината и странична заштита до предупредувањето за можен преден судир со автоматско сопирање при итни случаеви и детектирање на пешаци.

Помоќна, поефикасна: Corsa Electric со подобрена батерија и нов мотор

Opel ќе стане целосно електричен бренд во Европа до 2028 година, 12 модели се веќе електрифицирани денес - а Corsa беше пионер во демократизацијата на електричните погони во портфолиото на Opel. Затоа, не е изненадувачки што Corsa-e ја освои наградата „Златен управувач“ во 2020 година. Целосното електрично возење во Corsa значи: патување без емисија на штетни гасови без компромиси – и кога ги извршувате секојдневните задачи и кога возите поради задоволство.

Новата Corsa Electric сега го носи ова на повисоко ниво: со поширок избор, поголема моќност, подобрена батерија и поголем опсег. Corsa Electric ќе доаѓа со две опции за електричен погон: бестселерот на мали автомобили ќе се нуди со 100 kW/136 КС и дополнително подобрен опсег до 357 km, како и со 115 kW/156 КС и опсег до 402 km според WLTP. Така, Corsa Electric не само што е многу ефикасна – со својата електрична енергија од батеријата и вртежниот момент од 260 Nm, таа исто така обезбедува чисто уживање при возењето. И кога Corsa Electric треба да се наполни, тоа може да се направи брзо. При брз полнач, батеријата достигнува до 80 проценти од вкупниот капацитет за само 30 минути (20-80 проценти).

Најновата генерација освен одличен опсег овозможува и забава при возење со одговорност: за прв пат, Opel на клиентите ќе им понуди можност да се префрлат на хибрид со систем од 48 волти. Моторите од 74 kW/100 КС и 100 kW/136 КС доаѓаат со нов автоматски менувач со двојна спојка. Во иднина, тие ќе ја надополнуват широката палета на економични погонски верзии од високоефикасни мотори со внатрешно согорување до целосно електричната Corsa Electric, со што постојано ќе ја продолжат електрификацијата на брендот.

За ЕУРОИМПЕКС

Компанијата Еуроимпекс е основана 1990 година како мала трговска фирма за увоз-извоз. Започнува скромно и по осамостојувањето на Македонија, Еуроимпекс е првата приватна компанија чие работење е насочено кон трговија со автомобили и моторни возила од лесна категорија уште од далечната 1992 година, со првиот увоз на Peugeot автомобили.

Соработката со брендот Opel ја започнува кон крајот на 2020та година со што прераснува во Генерален увозник и дистрибутер на брендот OPEL за Македонија, Србија, Црна Гора, Косово и Албанија; Овој успех го круниса 30 годишниот јубилеј на Еуроимпекс кој беше одбележан истата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Група научници пронашле поврзаност помеѓу употребата на марихуана и насилството

Иако консумирањето марихуана најчесто се поврзува со релаксација, група научници откриле неочекувана поврзаност со насилството.

Futurism пренесува мета-анализа на студии за канабисот, објавена минатиот месец од тим истражувачи во Обединетото Кралство во списанието *Psychological Medicine*, која утврдила значајна поврзаност помеѓу употребата на канабис и „зголемениот ризик од насилство“.

Клучен наод на истражувањето е дека корисниците на канабис се статистички посклони кон вршење насилни дела. Понатаму, студијата покажала дека преку консумирање на оваа дрога, особено жените и мешаните групи испитаници се под зголемен ризик да станат жртви на насилство.

Истражувачите не тврдат дека дрогата директно поттикнува насилство, бидејќи за тоа сè уште не постои научен консензус. Сепак, резултатите „ја истакнуваат важноста од решавање на ова прашање, како на општествено, така и на клиничко ниво“, се наведува во трудот.

Сложениот однос и бројните фактори

„Како некој што работи на клиника, имам видено како интензивната употреба на канабис може да биде еден од факторите што придонесуваат за насилство“, изјавила коавторката на студијата, Марта Ди Форти, професорка на „Кингс колеџ“ во Лондон (King's College London).

„Како што канабисот станува сè повеќе комерцијализиран и легализиран ширум светот, дискусијата за ризиците главно се фокусираше на поединецот што го користи“, додава коавторот сер Робин Мареј, професор по психијатриски истражувања на „Кингс колеџ“. „Овој преглед покажува дека насилството – без разлика дали станува збор за сторител или жртва – исто така мора да биде дел од тој разговор.“

Ризичните ситуации и менталното здравје

За потребите на оваа студија, истражувачите анализирале 63 студии за канабисот, кои опфаќале вкупно нешто повеќе од 265.000 учесници. Научниците утврдиле дека корисниците на канабис „можат да се доведат во ризични ситуации“, што би можело да ја објасни нивната „зголемена ранливост“ на насилство. Понатаму, корисниците можат да бидат изложени на влијание од „луѓе од нивната околина кои користат други дроги или се вклучени во криминални активности“. Ризикот од насилство бил поизразен кај психијатриските пациенти. Претходните истражувања покажале дека лицата кои веќе страдаат од нарушувања на менталното здравје, како што е психозата, може да доживеат „полоши клинички исходи“ ако продолжат да користат канабис.

„Со оглед на повисоките стапки на употреба на канабис кај лицата со тешки ментални нарушувања во споредба со општата популација, тие претставуваат особено високоризична популација во однос на насилното однесување“, се наведува во трудот.

Препораки за општеството и клиничката пракса

Истражувачите изнеле неколку клучни препораки. На општествено ниво, тие сугерираат дека „насилството треба да се земе предвид заедно со другите утврдени штети поврзани со канабисот при развивање стратегии за превенција, кампањи за јавно образование и регулаторни политики“.

На клиничко ниво, истражувањето ја истакнува „потребата стручните лица за ментално здравје рутински да ја проценуваат употребата на канабис кај лица кои покажуваат насилни тенденции, особено кај оние со тешки ментални болести“.

Сепак, за да се добие појасна слика за врската помеѓу употребата на канабис и насилството, идните студии ќе треба да ги „разоткријат причинско-последичните релации“ со подетално истражување како, зошто и кога луѓето ја користат дрогата. Понатаму, студиите треба „да испитаат дали намалувањето на употребата на канабис преку клинички или интервенции во јавното здравство води до намалување на насилното однесување“, заклучуваат истражувачите.

Извор: index.hr

Рецепти

Едноставен трик за поховани тиквички кои се меки однатре, а крцкави однадвор

Идеални за ручек, вечера и ужина.

Благодарение на благиот вкус и меката внатрешност, похованите тиквички со златна коричка се одличен избор за ручек, вечера и лесен оброк помеѓу главните јадења. Може да се послужат самостојно, со омилениот сос или како прилог со месо и други специјалитети.

Освен што едноставно се приготвуваат, тиквичките се зеленчук кое лесно се вклопува во различни комбинации. Содржат малку калории, а се добар извор на витамини и минерали, вклучувајќи го витаминот C, калиумот и растителните влакна. За побогат вкус, може да ги збогатите со рендан пармезан или омилените зачини. Со неколку основни состојки и малку време, ќе добиете вкусно јадење кое ќе им се допадне дури и на оние кои не се големи љубители на зеленчук.

Состојки:

2-3 рендани тиквички

2 јајца

шолја брашно

шолја лебни трошки

пола шолја рендан пармезан

сол и бибер по вкус

масло за пржење

свеж магдонос за декорација

Начин на подготовка:

Тиквичките добро измијте ги и исушете ги со кујнска хартија. Исечкајте ги на кругови со дебелина околу половина центиметар. Потрудете се парчињата да бидат со приближно иста дебелина за рамномерно да ги испржите. Во чинија истурете брашно, во друга изматете јајца со малку сол и бибер, а во трета ставете лебни трошки. Ако сакате тиквичките да имаат уште побогат вкус и изразена коричка, во лебните трошки додајте рендан пармезан и добро измешајте.

Секое крукче најпрво извалкајте го во брашно, а потоа натопете го во изматените јајца, на крај добро извалкајте го во лебните трошки со пармезанот. Гледајте смесата да ја прекрие целата површина на тиквичката за при пржењето да добие крцкава кора.

Во поголема тава загрејте доволно масло на средно јака температура. Потоа внимателно спуштајте ги крукчињата од тиквичката и пржете ги 2-3 минути од секоја страна, односно додека не добијат убава златно - кафена боја и не станат крцкави.

Готовите тиквички ставете ги во чинија со обложена кујнска хартија за да се исцеди вишокот масло. По желба посипете ги со свеж копар или магдонос, и послужете ги додека се топли.

Извор: index.hr

Судбина

Мајка монструм: Отишла во Лас Вегас да се коцка и пет дена ги оставила сами четирите мали деца (ВИДЕО)

Мајка на четири деца од Флорида е уапсена на аеродром откако наводно ги оставила своите деца сами дома со денови додека патувала за Лас Вегас.

Ирена Милер, 50, беше приведена од заменик-шерифската канцеларија на округот Осеола веднаш штом излезе од авион на меѓународниот аеродром Орландо во петокот.

Снимките од камерата на телото покажуваат како полицајците се приближуваат кон Милер, која носела кафеав деловен костум и шал, на мостот за заминување, а потоа ја шетаат низ аеродромот до полициското возило што чека, објавува „Дејли меил“.

Потоа таа била однесена во канцеларијата на шерифот, каде што била обвинета за четири обвиненија за занемарување на дете без да предизвика сериозни телесни повреди и е приведена во затворот во округот Оринџ.

Полицајците изјавија дека истрагата за наводното занемарување на дете од страна на Милер започнала откако добиле телефонски повик кратко по 20:30 часот во среда.

Во повикот, малолетник пријавил дека неговиот деветгодишен брат бил удрен од тег што му паднала на главата во нивниот стан на булеварот Парквеј во Кисими.

Кога полицајците пристигнале на местото на настанот, пронашле четири деца, на возраст од девет, 11, 12 и 14 години, без надзор.

Деветгодишното момче било однесено во болница со брза помош и противпожарна служба поради повредите. Подоцна бил пуштен од болница.

Во меѓувреме, полицајците успеале да ја контактираат Милер по телефон, која наводно им рекла дека работи во Лас Вегас и планира да се врати дома во петок.

Mom arrested for leaving four children home alone during days-long work trip across the country https://t.co/2NVJqCz85O https://t.co/oL3qA7htqO
— New York Post (@nypost) October 27, 2026

Истражителите подоцна дознале дека Милер отпатувала во Лас Вегас на 18 октомври, пет дена пред нејзиното закажано враќање дома.

Според нејзините објави на социјалните мрежи, Милер, професионална фотографка, изгледа работела со клиент поврзан со франшизата „Better Homes and Gardens Real Estate“.

Таа наводно им рекла на заменик-шерифите дека има дадилка која патува од Тампа секое утро за да ги подготви децата за училиште и дека дадилката ќе ги проверува попладне, но дека не ѝ треба дадилката да преноќи.

По разговорот со децата, заменик-шерифите го контактирале таткото на децата, кој ги вратил сите четири деца во својот дом.

Кога Милер слета на меѓународниот аеродром во Орландо во петокот, заменик-шерифите ја чекаа и ја уапсија на местото на настанот.

„Канцеларијата на шерифот на округот Осеола нема да толерира занемарување на деца“, рече шерифот Крис Блекмон во соопштението.

„Овие случаи ќе бидат истражени и ќе бидат поднесени обвиненија против родителите кои не ги надгледуваат или не се грижат правилно за своите деца.“

Не е јасно дали мајката-монструм ангажирала адвокат да зборува во нејзино име.

Тагови: Лас Вегас мајка