Бензема потпиша за Ал Итихад, познати се детали од договорот

Карим Бензема (35) по 14 години го напушти Реал Мадрид и вчера вечер потпиша договор со саудискиот шампион Ал Итихад.

Фабрицио Романо открива дека Французинот потпишал до јуни 2025 година и дека има опција да продолжи за една година. Дополнително, платата на Бензен ќе биде околу 200 милиони евра по сезона, а во таа бројка се вклучени и бројни комерцијални придобивки.

Бензема во вторник ќе го одработи последниот прес во Мадрид, по што ќе отпатува за Саудиска Арабија. Бензема е актуелен освојувач на „Златната топка“ и втор стрелец во историјата на Реал Мадрид со 353 гола. Тоа го направи на 647 натпревари, со што беше петти на вечната листа на играчи на Реал со најмногу настапи за клубот.

„Кариерата на Карим Бензема во Реал Мадрид беше пример за вистинско однесување и професионализам и ги претставуваше вредностите на нашиот клуб. Бензема го заслужи правото сам да одлучува за својата иднина“, се вели во соопштението на Реал и продолжува:

„Мадридистас и сите навивачи ширум светот уживаа во неговиот магичен и уникатен фудбал што го направи една од најголемите легенди на нашиот клуб и светскиот фудбал. Реал Мадрид е и секогаш ќе биде негов дом, а ние му посакуваме сѐ најдобро на него и на целото негово семејство во оваа нова фаза од животот“.

Утре без струја делови од Илинден и Арачиново

Без електрична енергија утре ќе бидат корисниците од селата Мршевци, Бујковци, Бучинци и Грушино, како и фотоволтаиците Фото Солар, Сити Фешн и Го Страт во општините Илинден и Арачиново.

Од Регионалниот центар за управување со криз Скопје, повкувајќи се на информација од ЕВН Македонија, соопштуваат дека прекинот ќе биде во временскиот интервал од 07 до 14:30 часот.

Зеленски му се заблагодари на Бајден за поддршката за Украина

Претседателот на Украина, Володимир Зеленски изјави дека Киев ја почитува „тешката, но силната“ одлука на американскиот претседател Џо Бајден да се повлече од кампањата за реизбор.

- Украина му е благодарна на претседателот Бајден за неговата непоколеблива поддршка на борбата за слобода на Украина, која заедно со силната двопартиска поддршка во САД, беше и останува клучна, објави Зеленски на Икс.

Тој потсети дека во изминатите неколку години биле донесени многу важни одлуки кои ќе останат запаметени како храбри чекори што ги презеде Бајден како одговор на предизвикувачките времиња.

Болтон: Трамп нема идеја како да стави крај на војната во Украина

 Републиканскиот претседателски кандидат Доналд Трамп нема идеја како да стави крај на војната во Украина, изјави неговиот поранешен советник за национална безбедност Џон Болтон во интервју за Си-ен-ен.

Болтон алудираше на изјавата на Трамп, дадена за време на неодамнешниот разговор со претседателот Володимир Зеленски, дека ќе донесе мир и ќе стави крај на руско-украинската војна.

- Тоа е лудост. Тој нема поим како ќе преговара и како ќе стави крај на таа војна, наведе Болтон.

Поранешниот советник за национална безбедност нагласи дека блискоста на Трамп со рускиот претседател Владимир Путин ќе доведе до отстапки во корист на Москва што би биле погубни за Украина.

притисни ентер