Белгија и Холандија бараат кратење на фондовите за земјите што не ги почитуваат правилата за азил на ЕУ - Канал 5

Свет

Белгија и Холандија бараат кратење на фондовите за земјите што не ги почитуваат правилата за азил на ЕУ

Белгија и Холандија упатија писмо до еврокомесарот за внатрешни работи и миграција Магнус Брунер со кое бараат Европската комисија да им ја ускрати помошта на оние земји што не ги почитуваат правилата за азил на ЕУ.

Белгија и Холандија бараат кратење на фондовите за земјите што не ги почитуваат правилата за азил на ЕУ

Белгија и Холандија упатија писмо до еврокомесарот за внатрешни работи и миграција Магнус Брунер со кое бараат Европската комисија да им ја ускрати помошта на оние земји што не ги почитуваат правилата за азил на ЕУ, познати како Даблинска конвенција.

Според одредбите од Даблинската конвенција, одговорност за обработка на барањето за азил има првата државата од ЕУ во кој влегол апликантот. Противниците на ова правило тврдат дека на тој начин целиот товар околу прифаќањето на мигрантите паѓа на државите на надворешни граници на ЕУ, како Грција, Италија и Шпанија. За да се надмине овој „недостиг“, со новиот Пакт за миграција на ЕУ се предвидува воспоставување на систем за прераспределба на азилантите низ сите членки од блокот, но и натаму останува правилото за „прва држава“.

Во своето писмо, Белгија и Холандија инсистираат почитувањето на правилата од Даблинска конвенција да биде услов за користење на средствата од солидарните фондови на ЕУ.

- Целосното почитување на даблинскиот систем е предуслов, затоа што солидарноста мора да оди рака под рака со одговорноста, се наведува во писмото потпишано од белгиската министерката за азил, миграција, интеграција и урбана политика Анелин ван Босајт и холандскиот министер за надворешни работи, азил и миграција Давид ван Вил.

Тие предлагаат и „замрзнатите средства“ од солидарните фондови наменети за земјите што „не ги исполнуваат или одбиваат да ги исполнат своите законски обврски“ за азилот да може да се пренасочат за потребите на другите членки на ЕУ.

Во писмото се бара Комисијата да обезбеди „значителен напредок“ во спроведувањето на Даблинската конвенција до стапувањето во сила на Пактот за миграција на ЕУ во јуни 2026 година, како и да ги идентификува „системските недостатоци“ во националните системи за азил на земјите члени.

Белгија и Холандија тврдат дека нивните системи за азил се под акутен притисок од секундарните мигрантски движења, односно од баратели на азил кои влегуваат во ЕУ преку некоја од „јужните земји“, но потоа се движат кон север. Според нивните податоци, речиси 60 отсто од апликациите за азил во двете земји се поднесени од вакви „секундарни“ мигранти, кои ги оптоваруваат нивните капацитети за прием на мигранти и јавните услуги.

Барањето на Белгија и Холандија би можело одново да ги разгоре тензиите меѓу „северот“ и „југот“ на ЕУ. Земјите од северниот дел на блокот ги обвинуваат оние од јужниот, пред се Италија и Грција дека не ја почитуваат Даблинската конвенција и дозволуваат мигрантите да минат низ нивна територија и потоа да аплицираат за азил во некоја друга членка од ЕУ.

Почитувањето на даблинските правила беше и една од темите на средбата на министрите на земјите членки задолжени за миграција, што се одржа минатиот месец во Луксембург. Во изјава при доаѓањето на средбата Ван Босајт изјави дека сите членки мора да ги почитуваат правилата од Даблин, што беше протолкувано како „забелешка“ на сметка на Рим и Атина.

Белгија беше и меѓу групата земји членки кои минатиот месец побараа воспоставување на координиран систем на ниво на ЕУ за депортирање на мигрантите од Авганистан, кои не ги исполнуваат условите за стекнување на право за легален престој или кои со своите криминални активности се сметаат за закана за јавниот ред.

Тагови: ЕУ мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум позира топлес покрај базен: Обожавателите ја нарекуваат „кралица“

Хајди Клум (53) го искористи сончевиот викенд за релаксација покрај базен. Во неделата, манекенката објави фотографија на Инстаграм на која седи на работ од базенот, со нозете во водата и кренати раце.

Хајди Клум позира топлес покрај базен: Обожавателите ја нарекуваат „кралица“

Таа носеше само долен дел од црно бикини и качкет, додека покрај неа седеше нејзината 22-годишна ќерка, Лени. Лени во скутот држеше кученце по име Фриц – кое Хајди го вдоми во април. „Недела“, напиша таа кратко покрај фотографијата.

Хајди не се крие

Објавата брзо го привлече вниманието на нејзините следбеници, кои го преплавија делот за коментари со комплименти. Некои ја нарекоа „кралица“ и „божица“, додека други едноставно напишаа „вау“.

Хајди со години отворено зборува за својот став кон сопственото тело и голотијата. Во интервју за списанието „People“, таа објасни дека ваквиот пристап за неа е сосема природен.

„Отсекогаш сум била многу отворена во однос на своето тело. Кога се сончам во градината, понекогаш не носам горен дел. Јас сум Европејка... моите деца никогаш не ме запознале поинаку, што веројатно е причината зошто тие се поопуштени во однос на сопствените тела“, изјави таа.

Манекенката исто така истакна дека никогаш премногу не се грижела за тоа како изгледа пред другите. „Отсекогаш сум имала самодоверба. Немам проблем да шетам наоколу во долна облека. Не се кријам по ќошиња“, појасни Хајди.

Таа не сака инјекции за слабеење

Клум претходно зборуваше за тоа како се справува со телесните промени што доаѓаат со стареењето. Според неа, во тоа има поддршка од нејзиниот сопруг, Том Каулиц (37), кој ја охрабрува да не биде опседната со стандардите за слабост наметнати од модната индустрија.

Денес, таа смета дека неколкуте килограми вишок воопшто не ѝ пречат и дека таквата фигура одлично ѝ прилега. Истовремено, таа изјави дека нема интерес за лекови за слабеење, како што се „Ozempic“, „Wegovy“ или „Mounjaro“.

Наместо тоа, таа се стреми да одржува рамнотежа преку исхраната и редовната физичка активност. Не поминува часови во теретана, бидејќи претпочита поедноставни форми на вежбање. Дома, во Лос Анџелес, таа често скока на трамболина или изведува вежби со сопствена тежина, вклучително и чучњеви.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Жена со ебола пренесена во Швајцарија, има сомнеж за уште еден случај

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Дури ни соработката со „Xpeng“ не помага: „Volkswagen“ во криза

Уделот на кинескиот пазар во вкупната добивка на групацијата е намален од речиси 50 отсто на околу 10 отсто, а партнерството со локалниот производител „Xpeng“ сè уште не ги дава очекуваните резултати.

Дури ни соработката со „Xpeng“ не помага: „Volkswagen“ во криза

Со години, Кина беше еден од најважните пазари за „Volkswagen“, но ситуацијата значително се промени.

Уделот на Кина во вкупната добивка на групацијата падна од речиси 50 отсто на околу 10 отсто, а партнерството со кинескиот производител „Xpeng“ сè уште не ги носи очекуваните резултати.

„Volkswagen“ инвестираше 700 милиони долари во „Xpeng“, стекнувајќи удел од 4,99 отсто.

Двете компании развија заедничка електрична и електронска архитектура за нови електрични возила, вклучувајќи ги моделите „ID. Unyx 08“ и „ID. Unyx 09“.

Концептот беше автомобилите да се развиваат и произведуваат во Кина, приспособени за локалните купувачи.

Сепак, продажбата на првиот модел е далеку под предвидувањата. Според податоците објавени од Ројтерс, во периодот од април до август, месечно се продавале во просек само 267 примероци од моделот „ID. Unyx 08“.

Тоа е помалку од десет отсто од првичната цел од 3.622 возила месечно.

Поради овие слаби резултати, „Volkswagen“ ја намали целта за продажба за 2026 година од 32.600 на 12.300 автомобили.

Целта за 2027 година исто така е ревидирана, намалувајќи се од 70.400 на 64.000 возила. Технологијата и продажната мрежа како предизвик

Моделот „ID. Unyx 08“ се одликува со модерен дизајн и богата дигитална опрема. Сепак, според извештаите, тој заостанува зад одредени кинески конкуренти во поглед на технологијата и брзината на полнење.

Продажната мрежа претставува дополнителен предизвик: моделот првенствено се продава преку околу 166 продажни места на „Volkswagen Anhui“, наместо преку значително пошироката мрежа на партнерства со „FAW“ и „SAIC“. Сепак, „Volkswagen“ останува посветен на Кина. Компанијата очекува месечна продажба од најмногу 4.900 примероци од седанот „ID. Unyx 09“, со долгорочна цел до 2034 година да достигне 90.000 возила годишно.

Овој модел ќе им конкурира на возила како што се „Tesla Model 3“ и „Xiaomi SU7“.

Германскиот производител, исто така, ја разгледува можноста за извоз во Европа на возила произведени во Кина.

Сепак, дополнителните царини за автомобилите произведени во Кина би можеле да го отежнат овој план. Поради тоа, како алтернатива се разгледува производство во германските погони, кои моментално работат со капацитет под максимумот.

Извор: Б92

Тагови: Volkswagen Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер