Бела ноќ 2026 во Скопје: Игор Џамбазов и „Гуру Харе Бенд“, „Допамин“, електронска музика и уметност низ Скопје - Канал 5

Забава

Бела ноќ 2026 во Скопје: Игор Џамбазов и „Гуру Харе Бенд“, „Допамин“, електронска музика и уметност низ Скопје

На 3 октомври, во организација на ЈУ „Универзална сала“ и Град Скопје, главниот град ќе живее во ритамот на „Бела ноќ“, со концерти, изложби, диџејски настапи и програма за најмладите.

Бела ноќ 2026 во Скопје: Игор Џамбазов и „Гуру Харе Бенд“, „Допамин“, електронска музика и уметност низ Скопје

Плоштадот „Мајка Тереза“ (на платото пред МОБ), на 3 октомври ќе обедини повеќе генерации публика со програма што започнува со детска песна и театар, а продолжува со концерти и музика по полноќ. Настанот е дел од „Бела ноќ 2026“, во организација на ЈУ „Универзална сала“ и Град Скопје, која и годинава ќе ги поврзе градските плоштади, улици, музеи и галерии во заедничка ноќ на културата.

Програмата на плоштадот „Мајка Тереза“ започнува во 18:00 часот со детскиот фестивал „Поточиња“, а во 18:45 часот следува „Театар за тебе“, интерактивен театар за деца. Од 19:30 часот публиката ќе ја раздвижи DJ Bono, по што во 20:30 часот настапува „Допамин бенд“. Во 22:00 часот, сцената им припаѓа на Игор Џамбазов и „Гуру Харе бенд“, додека од 00:00 часот музичката програма продолжува со DJ Tammy и DJ Toshevv.

Кај фонтаната „Лотус“, „Бела ноќ“ ќе донесе вечер посветена на електронската музика. Програмата започнува во 20:30 часот со Flooder & Vaso, продолжува во 22:00 часот со DJ Vecky – Fluere, а од 00:00 часот настапува Invictoz – Sempre.

На платото пред Музејот на современата уметност, од 20:00 часот, ќе се одржи „IN BETWEEN 04“, со DJ AYŪ од Берлин, DJ Peneva, DJ Stefan Strange, DJ Bole и DJ Luka, дополнувајќи ја музичката понуда на манифестацијата.

На „Боемска улица“ ќе се одржи „Боемска бела ноќ“ на која ќе настапи младиот Владмир Поповски со бенд и DJ Тоше Вељанов.

Покрај концертните и диџејските настапи, „Бела ноќ“ ќе понуди и средби со современата ликовна и мултимедијална уметност. Во Домот на градежниците ќе бидат претставени самостојната изложба на Марија Рашковиќ и групната изложба „Вортекс“. Во Чифте амам публиката ќе може да ја посети изложбата „Пресек“ на Ирена Паскали, а во „Мала станица“ мултимедијалната изложба „Меѓу светови“ на Воскресија Андреевска.

Дел од содржините ќе започнат уште во текот на денот. Во Детскиот културен центар „Карпош“, во 09:00 часот, е најавена изложба на детски ликовни творби. Во Паркот на поезијата при Градската библиотека „Браќа Миладиновци“, во 12:00 часот, ќе се одржи

„Нацртај песна“, а во 19:00 часот следува изложбата „Види ја поезијата“, поврзувајќи ги литературата, имагинацијата и визуелното изразување.

Археолошкиот музеј ќе ги пречека посетителите со бесплатен влез и содржината „35 предмети, 35 приказни“, отворајќи простор за откривање на културното наследство и приказните што ги чуваат музејските предмети.

На мапата на „Бела ноќ 2026“ се и Младинскиот културен центар, Мостот на уметноста, Боемска улица, Старата скопска чаршија, Музејот на град Скопје, „Аудио култура“ и улица „Македонија“. Заедно, овие локации ќе понудат можност за поинаква прошетка низ Скопје, исполнета со уметност, музика и средби.

Вечерната програма на манифестацијата ќе се одвива од 19:00 до 03:00 часот, со одделни дневни содржини и детска програма што започнуваат порано. ЈУ „Универзална сала“ и Град Скопје ги покануваат граѓаните и посетителите да бидат дел од „Бела ноќ“ и да го доживеат градот преку неговата креативност и културна разновидност.

На 3 октомври – Скопје не спие!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се запали патнички авион во Перу непосредно пред полетувањето (ВИДЕО)

Моторот на патнички авион Ербас А320 се запали кратко пред полетувањето на Меѓународниот аеродром Хорхе Чавез во Лима, главниот град на Перу.

Се запали патнички авион во Перу непосредно пред полетувањето (ВИДЕО)

Снимките покажуваат густ црн чад како се издига од левиот мотор. Службите за итни случаи веднаш беа испратени на местото на настанот. Патниците беа евакуирани, а според потврдата од LATAM Airlines, никој не е повреден.

Покрената е истрага

Компанијата LATAM Airlines го опиша инцидентот како „непредвиден технички настан“.

Околностите на инцидентот и неговата причина сè уште се утврдуваат, а истрагата е во тек.

Тагови: авион Перу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре претпладне сончево и облачно, попладне дожд

Утре времето ќе биде променливо облачно со сончеви периоди, а попладне со врнежи од дожд, информираат од УХМР. 

Утре претпладне сончево и облачно, попладне дожд

МАКСИМАЛНА ТЕМПЕРАТУРА

12 Попова Шапка, 15 Крушево, 20 Берово, Претор, 21 Охрид, Маврови Анови, Крива Паланка, 22 Прилеп, Тетово, 23 Виница, Скопје – Зајчев Рид, Битола, Велес, 24 Кавадарци, Штип, Скопје – Петровец, Струмица, 25 Гевгелија, 26 Демир Капија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес сончево со мала локална облачност. Дуваше слаб до умерен ветер од северен правец, поизразен долж Повардарието. До крајот на денот ќе биде стабилно и ведро, наместа со мала облачност.

ВРЕМЕТО УТРЕ

Претпладне променливо облачно со сончеви периоди. Во попладневните часови, најпрво во крајните западни делови, а потоа на повеќе места ќе има услови за слаб локален дожд. Ќе дува слаб до умерен ветер од југоисточен правец, кој наместа долж Повардарието повремено ќе засилува. Минималната температура ќе биде во интервал од 0 до 10, а максималната ќе достигне од 20 до 26 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до 6, а максималната ќе достигне до 23 степени.

ВРЕМЕТО ВО НАРЕДНИТЕ ДЕНОВИ

Под влијание на влажна и нестабилна воздушна маса, од утре до почетокот на следната работна седмица, времето ќе биде променливо облачно со врнежи од дожд кои повремено ќе бидат пообилни, а во четврток ќе бидат проследени и со појава на ретки грмежи. Утре и во четврток наместа ќе има услови за појава на утринска магла. Ќе дува слаб до умерен ветер од југоисточен правец, освен во петок кога ќе биде засилен и од северозападен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Мараја Кери го победи брат ѝ на суд, не мора да му плати 18 милиони евра

Пејачката Мараја Кери доби тужба против својот постар брат Морган Кери, кој ја тужеше за клевета поради она што го напишала за него во нејзините мемоари од 2020 година.

Мараја Кери го победи брат ѝ на суд, не мора да му плати 18 милиони евра

Судијката Лесли А. Строт од Врховниот суд на државата Њујорк вчера ја отфрли неговата тужба, заклучувајќи дека Морган не успеала да докаже дека пејачката свесно измислувала лаги или сериозно се сомневала во вистинитоста на нејзините тврдења додека ја пишувала книгата „Значењето на Мараја Кери“, пишува Hola.

Братот бараше повеќе од 18 милиони евра отштета

Морган Кери ја тужеше својата сестра затоа што таа го опиша како насилник во книгата, тврдеше дека продавал дрога и пишувал за неговите проблеми во однесувањето од детството. Тој веруваше дека со тоа таа му го оштетила угледот, за кој тврдеше дека дотогаш бил „беспрекорен“.

Во тужбата, тој наведе дека Мараја се потпирала на сеќавањата на нивната покојна мајка кога пишувала, а не на сопствените искуства. Тој исто така тврдеше дека заработката од книгата ѝ била поважна отколку да провери дали обвинувањата за него се вистинити. Поради сè, тој побара повеќе од 18 милиони евра отштета.

Судот го отфрли барањето

Судот заклучи дека Морган не успеала да докаже дека Мараја свесно кажувала лаги или дека сериозно се сомневала во вистинитоста на она што го напишала.

„Тужителот не понуди докази дека Мараја ги дала тие изјави знаејќи дека се невистинити. Фактот дека таа не го сака својот брат не е доволен за да докаже дека дејствувала со вистинска злоба“, се наведува во пресудата.

Мараја задоволна од пресудата, нејзиниот брат најави жалба

Адвокатот на Мараја Кери, Џон Розенберг, изјави дека пејачката е задоволна од одлуката на судот. Тој нагласи дека пресудата не е важна само за неа, туку и за другите автори кои пишуваат за теми од јавен интерес во своите дела.

„Значењето на оваа одлука оди подалеку од интересите на Мараја Кери во овој случај. Таа потврдува дека авторите мора да бидат заштитени кога зборуваат за прашања од јавен интерес“, рече Розенберг.

Од друга страна, адвокатот на Морган, Ричард Атман, најави жалба. Тој рече дека тие не се согласуваат со одлуката на судијата бидејќи веруваат дека таа е во спротивност со претходните одлуки донесени во истата постапка. Тој потврди дека ќе поднесе жалба што е можно поскоро.

Семејните конфликти траат со години

Објавувањето на мемоарите во 2020 година дополнително ги влоши веќе нарушените односи во семејството Кери. Во 2021 година, пејачката беше тужена и од нејзината сестра Алисон, која тврдеше дека Мараја измислува приказни за да привлече внимание и да ја зголеми продажбата на книгата.

Семејството Кери, исто така, претрпе големи загуби во последните години. Во август 2024 година, Мараја ги загуби мајка си Патриша и сестра си Алисон во ист ден. Иако пејачката сега го доби судскиот спор против својот брат, нивниот конфликт очигледно сè уште не е завршен, бидејќи Морган има намера да поднесе жалба.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер