Бебето од фотографијата е најпознатиот актер во светот: Има милиони, а пораснал во сиромаштија - Канал 5

Живот

Бебето од фотографијата е најпознатиот актер во светот: Има милиони, а пораснал во сиромаштија

Фотографијата на Леонардо ДиКаприо со неговите родители додека бил бебе го обиколи светот и сè уште е актуелна, бидејќи покажува како изгледале родителите на актерот, но и на кого најмногу личи.

Бебето од фотографијата е најпознатиот актер во светот: Има милиони, а пораснал во сиромаштија

Неговата кариера и живот сè уште ја интригираат јавноста, а нема да се изненадите зошто се решил за оваа професија кога ќе дознаете каков живот имал како дете.

Леонардо ДиКаприо е роден на 11 ноември 1974 година во Лос Анџелес, Калифорнија. Тој е единствено дете на Ирмелин Инденбиркен, правна секретарка, и Џорџ ДиКаприо, уметник и дистрибутер на алтернативни стрипови. Тие се запознале на факултет и по дипломирањето се преселиле во Лос Анџелес. Ирмелин е Германка, а Џорџ има италијанско и германско потекло. Дедото по мајка му, Вилхелм Инденбиркен, бил Германец, а баба му, Хелена Инденбиркен, била руска емигрантка која живеела во Германија. Некои извори погрешно тврдат дека бабата на ДиКаприо по мајчина линија е родена во Одеса, Украина, но нема докази дека има роднини со украинско потекло.

Можеби ќе ве интересира: Леонардо ДиКаприо има ментален проблем, за кој ретко зборува- му пречи на снимање

Неговите родители го крстиле Леонардо затоа што неговата мајка првпат го почувствувала како мрда додека гледала слика од Леонардо да Винчи во музејот Уфици во Фиренца, Италија.

Кога имал една година, неговите родители се развеле откако Џорџ се заљубил во друга жена и се иселил. За да го одгледуваат заедно, се преселиле во два поврзани бунгалови со заедничка градина во Еко Парк, Лос Анџелес. Џорџ живеел со својата девојка и нејзиниот син Адам Фарар, со кого Леонардо воспоставил блиска врска. Подоцна, Леонардо и мајка му се преселиле во други делови на градот, како Лос Фелиз. Тој ги опишал своите родители како „боеми во секоја смисла“ и како „луѓето на кои најмногу им верува во светот“.

Раскажал дека растел во сиромашна населба полна со проституција, криминал и насилство. Бил воспитуван како католик.

Можеби ќе ве интересира: Леонардо ДиКаприо откри што нема да заборави во неговата кариера

Како дете, ДиКаприо сакал да стане или морски биолог или актер. Конечно се определил за актерството бидејќи сакал да имитира ликови и луѓе и уживал во нивните реакции. Неговата страст за настапување започнала на возраст од две години, кога се качил на сцена на еден фестивал и спонтано заиграл, што предизвикало позитивни реакции од публиката. Исто така, го мотивирало тоа што Адам Фарар добил 50.000 долари за појава во ТВ реклама.

ДиКаприо изјавил дека првото ТВ појавување му било во детската емисија „Romper Room“, но бил отстранет бидејќи бил премногу немирен – иако водителката на емисијата го негира ова. Кога имал 11 години, речиси се откажал од актерството за да се посвети на брејкденс, откако освоил второ место на натпревар во Германија. На 14 години почнал да се појавува во реклами за автомобили „Matchbox“, што го смета за своја прва улога. Подоцна глумел и во реклами за „Kraft Singles“, „Bubble Yum“ и „Apple Jacks“. Во 1989 година се појавил во две епизоди од ТВ серијата „The New Lassie“.

Тагови: актер Леонардо ДиКаприо родители

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делегација на МЕРМС во Женева

58% од инсталираниот капацитет е од обновливи извори – следен чекор модерна мрежа и складирање.

Делегација на МЕРМС во Женева

Делегација од Министерството за енергетика, рударство и минерални суровини учествуваше на UNECE Sustainable Energy Week која се одржа во Палатата на нациите во Женева, со фокус на прашањата поврзани со енергетската транзиција, енергетската безбедност, достапноста на енергијата и одржливиот развој.

Во рамки на настанот се одржаа состаноци на Групата експерти за енергетска ефикасност (GEEE), Групата експерти за почисти електроенергетски системи (GECES) и Групата експерти за обновлива енергија (GERE), како и 35-тата сесија на Комитетот за одржлива енергија на UNECE (CSE).

Во рамки на 13-тата сесија на Групата експерти за обновлива енергија (GERE-13), на панел-дискусијата Exchange of experiences on how to increase the uptake of renewable energy, Марко Минов од Секторот за обновливи извори на енергија, го претстави напредокот во спроведувањето на регулаторната рамка од Законот за енергетика и новиот Закон за користење на енергијата од обновливи извори, со кои се унапредува интеграцијата на енергетскиот пазар и се создаваат предвидливи услови за развој и инвестиции во обновливите извори.

Како клучни реформи беа опфатени прекуграничната распределба на капацитети, балансирањето, оперативната сигурност, гаранциите за потекло, активните потрошувачи, енергетските заедници и конкурентните механизми за поддршка на производството од обновливи извори на енергија.

Во излагањето, Минов го истакна и значителниот раст на капацитетите од обновливи извори на енергија во Македонија, особено на фотонапонските електроцентрали, а ги претстави и Годишните планови за изградба на енергетски објекти како инструмент за предвидлив и координиран развој на енергетскиот сектор и систематско планирање на нови производни капацитети и системи за складирање на енергија.

Во рамки на дискусијата, меѓу другото беше нагласено и дека: „зголемувањето на капацитетите од обновливи извори е само дел од енергетската транзиција. Следниот предизвик е електроенергетскиот систем да стане пофлексибилен, поотпорен и способен да интегрира сè поголеми количини на варијабилни обновливи извори. Интеграцијата на нови капацитети од обновливи извори, модернизацијата на мрежна инфраструктура, пазарните механизми и складирањето на енергија ќе биде важен дел од идниот развој на енергетскиот систем“.

Во рамки на 35 сесија на Комитетот за одржлива енергија (CSE-35) на тема Strengthening Energy Security, Affordability and Sustainability in an Uncertain World, меѓу другото беше одржана и дискусија на високо ниво, посветена на приоритетите, предизвиците и можностите за зајакнување на енергетската безбедност, достапноста и одржливоста.

Во рамки на сесијата, Елена Ивановска, кабинетски службеник задолжен за следење на стратешките приоритети на Владата, која воедно претседаваше и со сесијата System-wide Solutions to Strengthen Energy Security, Affordability and Sustainability, се обрати во име на Македонија, претставувајќи ги приоритетите на земјата и конкретните активности за унапредување на сигурноста, достапноста и одржливоста на енергетскиот систем.

Во своето обраќање, Ивановска истакна дека за Македонија, трите цели (енергетската сигурност, достапноста и одржливоста) се тесно поврзани и дека забрзувањето на развојот на обновливите извори, намалувањето на зависноста од увоз на електрична енергија и обезбедувањето сигурно снабдување бараат модерна, отпорна и регионално поврзана електроенергетска мрежа.

Посебен акцент беше ставен на потребата развојот на мрежната инфраструктура да го следи брзиот раст на обновливите извори. Во таа насока, беше посочено дека Македонија од 2021 година, кога обновливите извори сочинувале околу 38% од инсталираниот производен капацитет, до 2025 година достигнала учество од околу 58%, со повеќе од 1.750 MW инсталирани капацитети од обновливи извори.

Брзиот развој на сончевата енергија носи и нови барања за преносниот систем, особено поради децентрализираното варијабилно производство, двонасочните текови на електрична енергија и потребата од балансирање на системот.

Ивановска посочи и на потребата од значителни инвестиции во преносната мрежа, унапредување на регионалната соработка и развој на механизми за флексибилност, батериски системи за складирање енергија и управување со потрошувачката.

Учеството на претставниците од Министерството: Елена Ивановска, Билјана Матевска, Марко Минов, Сара Кочева, Ангела Алексова, Ненад Стојковски и Љубица Трајковска Лешоска претставуваше можност за размена на искуства со земјите членки на UNECE, претставници на меѓународни организации и експерти од областа на енергетиката, особено во делот на забрзувањето на енергетската транзиција и создавањето пофлексибилни, сигурни и одржливи енергетски системи, но и можност за претставување на реформите и искуствата на нашата земја.

Државата останува посветена на сигурна, достапна и одржлива енергетска транзиција, со фокус на понатамошно зголемување на производството од обновливи извори, модернизација и проширување на мрежната инфраструктура, развој на складирањето на енергија, унапредување на пазарната интеграција и создавање предвидлива регулаторна рамка за нови инвестиции.

Пораката од Женева е јасна: амбициозниот развој на обновливите извори мора да биде проследен со инвестиции во мрежата, флексибилност, складирање, регионална поврзаност и институционален капацитет.

Само преку интегриран пристап може да се изгради енергетски систем кој истовремено ќе биде сигурен, отпорен и одржлив.

Со почит,

Министерство за енергетика, рударство и минерални суровини

Тагови: МЕРМС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер