Леонардо ДиКаприо откри што нема да заборави во неговата кариера - Канал 5

Шоу биз

Леонардо ДиКаприо откри што нема да заборави во неговата кариера

Во својата долга кариера, Леонардо ди Каприо соработуваше со бројни режисери и отелотвори различни легендарни ликови, но од сите негови актерски искуства, никогаш нема да заборави една работа.

Леонардо ДиКаприо откри што нема да заборави во неговата кариера

За време на интервјуто за IGN, актерот откри момент од филмот „Фати ме ако можеш“ од 2002 година, кој оставил голем впечаток кај него. Во филмот, Ди Каприо го играше добро познатиот измамник Френк Абигнејл. Иако актерот во тоа време се обидувал да премине во улоги на повеќе возрасни, тој се согласил да го глуми тинејџерот бидејќи бил заљубен во Френк Абигнејл и верувал дека тој е интересен лик.

„Фати ме ако можеш“ беше и првата соработка на актерот со режисерот Стивен Спилберг и актерот Кристофер Вокер, кој го играше таткото на неговиот лик во филмот. „Отсекогаш сум сакал тој да го глуми мојот татко“, изјави Ди Каприо. "Тој зрачи со посебна енергија. Тоа е како да има способност да чита космички пораки и тоа се рефлектира во неговата глума".

"Тој е различен од сите други и мислев дека е одличен за улогата. Мислам дека отелотворува уникатен лик. Ме потсети на Вили Ломан во Смртта на продавачот или нешто слично. Френк Абигнејл постариот беше тажен човек. Неговиот дух беше скршен“, додаде актерот.

Кога актерот го прашале која сцена со Вокен особено го импресионирала, тој се присетил на моментот за кој верува дека засекогаш ќе остане врежан во неговото сеќавање.

„Имав сцена со него што е едно од најнезаборавните искуства во мојата кариера - не знам дали се сеќавате на сцената, но тоа е сцената кога одам дома да го видам татко ми, а потоа тој почнува да зборува за мајка ми. И одеднаш тој само почнува да воздивнува“, се присетува ѕвездата на „Враќање“. „Седев спроти него кога почна да го прави тоа и беше сосема неочекувано. Тоа го немаше во сценариото“.

Ди Каприо рече дека бил во шок бидејќи мислел дека Вокен има срцев удар и за малку ќе престанел да снима за да му помогне.

"Тоа е само доказ за тоа каков одличен актер е. Ме воодушеви. Тоа беше едно од оние искуства кога толку длабоко се претопуваш во светот на филмот што почнуваш да мислиш дека тоа е реалност", откри Ди Каприо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски формира нов сателит – ЗНАМ 2.0

ЗНАМ се распаѓа и веќе не постои ниту во анкетите ниту во гласови. 

СДСМ: Мицкоски формира нов сателит – ЗНАМ 2.0

Последните двајца што останаа, Максим Димитриевски и Горан Минчев се тепаат за фотелји и ги делат последните тендери за да ја наплатат својата улога на последните избори, кога ја предадоа својата партија, а потоа и своите гласачи.

Христијан Мицкоски веќе работи на создавање на нов инструмент, нов сателит- ЗНАМ 2.0, кој треба да му послужи за разбивање на опозициските гласови на следните избори.

ВМРО загуби 150 илјади гласови, поддршката им се намалува од ден на ден, резултати нема.

Буџетот е во колапс, а веќе нема пари ниту за редовна исплата на пензиите.

Затоа на Мицкоски му се брза да создаде нов инструмент за манипулација на изборниот процес и збунување на гласачите.

ЗНАМ 2.0 е уште еден проект во низата обиди на Мицкоски да ја одржи власта по секоја цена.

Но граѓаните веќе ја препознаа оваа игра на Мицкоски и нема да дозволат да бидат измамени.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Драчево и Влае денеска без струја

Поради планирани технички зафати во електродистрибутивната мрежа, денеска (29 јуни) без електрична енергија ќе останат делови од општините Кисела Вода и Карпош, информираат од ЕВН Македонија.

Делови од Драчево и Влае денеска без струја

Од ЕВН Македонија АД известуваат дека денеска без електрична енергија ќе останат:

– Улицата Герника бр.8 и бр.10 Драчево, општина Кисела Вода, од 5:00 до 13:00 часот;

– Улицата Иван Хаџиниколов бр.3 и бр.5 Драчево, општина Кисела Вода, од 5:00 до 13:00 часот;

– Улицата Вангел Дину и дел од непарни броеви на улицата Франц Прешерн, населба Влае, општина Карпош, од 9:00 до 13:00 часот.

Тагови: ЕВН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

СП2026: Канада прв осминафиналист

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

YouTube video

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер