Барт Де Вевер доби мандат да почне преговори за формирање нова Влада на Белгија - Канал 5

Барт Де Вевер доби мандат да почне преговори за формирање нова Влада на Белгија

 Белгискиот крал Филип денеска на лидерот на националистичката Нова фламанска алијанса (Н-ВА), Барт Де Вевер му додели мандат за започнување преговори за формирање нова Федерална влада на Белгија. 

Барт Де Вевер доби мандат да почне преговори за формирање нова Влада на Белгија

Како што јави белгискиот јавен радиодифузен сервис на холандски јазик ВРТ, со ова Н-ВА на Де Вевер ќе може да ги почне формалните преговори за формирање владина коалиција со фламанските партии Напред (Воројт) и Христијански демократи и Фламанци (ЦДВ) и валонските Реформско движење (МР) и Посветени (ЛЕ).

Ваквата одлука уследи откако на 27 јуни кралот Филип му довери задача на Де Вевер да се обиде да обезбеди парламентарно мнозинство за формирање нова Федерална влада. Крајниот рок за исполнување на оваа задача истекуваше денеска.

Политичкиот аналитичар Иван Де Вадер за ВРТ изјави дека сега откако Де Вивер и формално го доби мандатот за преговори, петте партии можат да седнат на преговарачката маса и интензивно да разговараат.

- Се уште има некои разлики што треба да се надминат, но барем ќе може да почнат интензивно да работат, истакна Де Вадер.

Иако неговата партија победуваше и на претходи изборни циклуси, ова е првпат во 20-те години колку што е на чело на Н-ВА, Де Вевер да добие мандат за формирање Влада. Тој сега има рок до 24 јули да го извести кралот дали успеал да постигне договор за формирање владина коалиција.

Лидерот на ЦДВ, Семи Махди за Радио 1 изјави дека не е нелогично Де Вевер како лидер на најголемата парламентарна партија да ја преземе одговорност да биде премиер.

- Тој мора да покаже дека е премиер на целата земја, изјави Махди, додавајќи дека му е јасно оти во Валонија би можело да биде тешко да прифатат дека премиер станува некој чии ставови понекогаш се спротивни на визиите на франкофонската заедница, но дека мора да се работи сите да го прифатат тоа.

Махди додаде и дека во преговорите за формирање на владата не треба се да се сведе само на усогласување на буџетот, бидејќи тоа не го решава проблемот.

- Сакаме темелни, долгорочни реформи во областа на пензиите, пазарот на труд и оданочувањето. Во меѓувреме, убедени сме дека другите партии ќе ги почитуваат нашите приоритети, додаде Махди.

Одлуката Де Вевер да добие мандат за формирање влада уследи откако лидерот на Воројт, Конер Русо вчера соопшти дека неговата партија се согласила да учествува во преговори со останатите четири партии за создавање владина коалиција.

Според Русо, ваквата одлука следела по конструктивната атмосфера во досегашните разговори и добиените сигнали од потенцијалните коалициски партнери дека тоа „нема да биде десно центристичка влада, туку проект за социо-економско закрепнување на земјата“

- Ќе биде тешко, но ние сакаме тоа да се направи на правичен начин, додаде Русо.

Коментирајќи го тоа што десничарот Де Вевер би станал белгиски премиер, Русо изјави дека лидерот на НВА веќе 20 години е „најмоќниот човек во Фландрија“ и има интелектуален капацитет за функцијата.

Партијата на Де Вевер победи на изборите на 9 јуни, освојувајќи 24 пратенички места во 150-члениот Претставнички дом на белгискиот Федерален парламент.

По изборите, Де Вевер изјави дека би сакал да биде нов белгиски премиер во влада која би ја сочинувале неговата Н-ВА, двете либерални партии – валонското Реформско движење (МР) и Отворени фламански либерали и демократи (Опен ВЛД) и двете демохристијански партии – Христијански демократи и Фламанци (ЦДВ) и валонската Посветени (ЛЕ). Но, по лошите изборни резултати Опен ВЛД на актуелниот белгиски премиер Александер Де Кро најави дека планира да премине во опозиција.

Поради ова, Де Вевер се реши за коалиција составена од Н-ВА, МР, ЦДВ, ЛЕ и фламанската социјалдемократска партија Напред (Воројт), која има мнозинство и на федерално ниво, но и меѓу пратениците од двете јазични заедници – холандската (фламанската) и француската (валонската).

Во Претставничкиот дом на Федералниот парламент, Н-ВА има 24 пратеници, екстремно десничарската Фламански избор (ВБ) и МР по 20, валонската Социјалистичка партија (ПС) 16, левичарската Работничка партија на Белгија (ПВДА/ПТБ) 15, ЛЕ 14, Воројт 13 и ЦДВ 11 мандати. Опен ВЛД освои седум места, фламанските Зелени шест, валонската еколошка партија Еколо три и бриселската регионална либерална партија Независни федералистички демократи (ДЕФИ) еден пратеник.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајмун нападна жена среде улица и крвнички ја изгриза (Вознемирувачко видео)

Жителите на комплексот Инфиниум Флетс во Индија се соочија со сериозен проблем откако агресивен мајмун нападна жена пред нејзиниот дом на 13 ноември, каснувајќи ја повеќе пати.

Мајмун нападна жена среде улица и крвнички ја изгриза (Вознемирувачко видео)

Жртвата претрпе сериозни повреди, додека снимките од безбедносните камери ги забележаа драматичните моменти и предизвикаа страв кај другите жители.

Повреди на телото

Вознемирувачката снимка го прикажува дивото животно како одеднаш ја напаѓа жената, која не направи ништо за да го испровоцира. Мајмунот ја каснува повеќе пати, додека таа вреска и се обидува да се одбрани.

Таа претрпе длабоки повреди на телото, поради што веднаш беше однесена во блиската болница, каде што доби медицинска помош, објавува Дејли Стар.

Жителите велат дека веќе некое време се справуваат со мајмуни во комплексот, а најновиот напад повторно го отвори прашањето за безбедноста на жителите.

Сериозен проблем

Снимката оттогаш се појави на социјалните мрежи и предизвика бројни дискусии за присуството на мајмуни во станбените области.

Соседите велат дека нападот толку многу ги исплашил луѓето што жените и малите деца сега се плашат да ги напуштат своите домови. Според нив, зголеменото присуство на мајмуни во урбаните средини стана сериозен проблем, но властите сè уште не презеле никакви конкретни чекори за да го решат. Агресивниот мајмун подоцна бил фатен од службеници на Шумскиот оддел, што исто така било снимено со камера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум.

Лагард размислува за нова раководна функција по оставката во Европската централна банка

Претседателката на Европската централна банка (ЕЦБ), Кристин Лагард, денеска изјави дека по напуштањето на таа позиција, би можела да размисли за преземање лидерска позиција на Светскиот економски форум, но нагласи дека засега не сака да шпекулира за својот иден ангажман.

Кога беше прашана за можноста да го преземе раководството на организацијата со седиште во Женева, Лагард на самитот на „Њујорк тајмс Дилбух лист“ изјави дека тоа е „една од можностите“, пренесува „Блумберг“.

Таа додаде дека ќе остане на чело на Европската централна банка до 7 февруари и дека нема планови да се пензионира.

Зборувајќи за нејзиниот иден јавен ангажман, Лагард нагласи дека мора да ја задржи политичката неутралност додека ја води ЕЦБ, особено со оглед на бројните избори што се очекуваат во Европа.

Се очекува дека по напуштањето на централната банка, таа би можела поотворено да зборува за политичката и економската состојба во Франција, чии буџетски проблеми и политичкиот застој во последните месеци придонесоа за притисок врз пазарот на државни обврзници, според агенцијата Њујорк.

„Сметам дека е моја должност да разјаснам работи, да исправам неточни изјави и да зборувам од искуството што го стекнав“, рече Лагард.

Таа претходно ги отфрли шпекулациите дека би можела да се кандидира за наследник на Емануел Макрон на функцијата претседател на Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалник добил отказ, откако било откриено дека е порно актер

Швеѓанецот Ларс Ериксон (55) ја изгуби работата минатиот месец откако беше откриено дека се појавил во филм за возрасни. Тој тврди дека филмот е направен пред да влезе во политиката!

Градоначалник добил отказ, откако било откриено дека е порно актер

Ериксон глуми во порнографски филмови од 2018 година, истата година кога го напушти Риксдаг, шведскиот парламент, објави Дејли Меил.

Сепак, неговата кариера како порно актер излезе на виделина откако Ериксон беше идентификуван во два филма за возрасни, кои беа објавени во 2025 година и во октомври оваа година, додека беше претседател на општинскиот совет на Јокмок во шведска Лапонија, според локалните медиуми.

Според извештаите, тој бил отпуштен на 19 октомври, а бил вратен на работа една недела подоцна, но без овластувања врз вработените, финансиите и буџетот на општината.

Ериксон тврди дека филмовите, снимени во Соединетите Држави, се направени пред тој да стане градоначалник на Јокмок и дека неговиот последен контакт со порно индустријата бил во 2022 година.

Тој глумел во филмовите под псевдонимот „Ханс“ и се појавил пред камерата во филмот, кој беше објавен во октомври.

Ериксон претходно беше пратеник од Социјалдемократската партија за изборната единица Вестманланд, која се наоѓа во близина на Стокхолм, во шведскиот национален парламент.

Истрагата на шведската телевизија SVT откри дека филмовите биле промовирани преку сметка на социјалната мрежа X до минатиот месец.

Сепак, Ериксон изјави за шведскиот медиум дека немал влијание врз тоа кога филмовите ќе бидат објавени и дека не ја управувал сметката, додавајќи дека таа била управувана во име на дистрибутерот.

„Со оглед на тоа што ова е легална, иако табу, активност што е завршена повеќе од две години пред да бидам подобен за вршење функција во општинската власт, тешко ми е да видам какво влијание би можело да има ова“, рече тој.

Ериксон е претседател на општинскиот совет и градоначалник на Јокмок од февруари 2024 година, но објавено е дека ќе биде разрешен од функцијата општински лидер, според весникот „Афтонбладет“, и покрај тоа што беше вратен на работа една недела по неговото првично разрешување.

Тој ќе добие пакет отпремнина еквивалентен на седум месечни плати.

Трудовата комисија на Јокмок ја оправда одлуката за отпуштање на Ериксон велејќи дека порнографските филмови претставуваат потенцијален безбедносен ризик, бидејќи криминалците би можеле да ги искористат за да го уценуваат поранешниот претседател на општинскиот совет.

Општинскиот советник Роланд Боман наведе „безбедносни причини“ кога беше прашан за одлуката на SVT. Боман тврдеше дека верува оти Ериксон не ја информирал општината за својата кариера во порно индустријата.

„Самата општина е од голем интерес за странските сили, а јас првенствено мислам на Русија. Да се ​​има таков фактор на ранливост во општина што е од големо значење од гледна точка на безбедносната политика не е оптимално, но тоа е нешто што општината би морала да го реши и отстрани“, рече Оле Лундин, професор по административно право на Универзитетот во Упсала.

Сепак, Ериксон одговори дека обидот да ја искористи својата порно кариера како средство за уцена би бил „бесмислен“, бидејќи бил отворен во одговарањето на прашања од шведските медиуми кога бил замолен за коментар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер