Фудбал

Барселона ќе го продолжи договорот со Левандовски, но во потрага е и по нов напаѓач

Барселона се подготвува за исклучително активен преоден рок, а еден од главните приоритети на клубот ќе биде доведување на нов напаѓач, сподели инсајдерот Фабрицио Романо.

Во клубот се свесни дека Роберт Левандовски е во завршна фаза од кариерата и дека тимот нема соодветна алтернатива во напаѓачката постава.

Сепак, Барселона смета на Левандовски да продолжи да го води нападот, барем на краток рок.

Причината за ова е што полскиот интернационалец веќе преговара за продолжување на договорот со клубот, што ќе го задржи на „Камп Ноу“ најмалку уште една сезона.

Одлуката доаѓа по неговите одлични настапи оваа сезона, во која поранешниот напаѓач на Баерн Минхен веќе постигна 34 гола во сите натпреварувања, надминувајќи го неговиот учинок од првата сезона во Барселона.

Левандовски беше клучен играч во напаѓачкото трио Ламин Јамал – Левандовски – Рафиња, што сезонава им прави огромни проблеми на противничките одбрани.

Важно е да се напомене дека клаузулата за продолжување на неговиот договор е автоматски активирана, што значи дека неговиот актуелен договор со Барселона ќе трае до 2026 година.

Сепак, клубот сака да потпише целосно нов договор со кој Левандовски би можел да остане во клубот до 2027 година. Се очекува новиот договор да содржи и меѓусебна клаузула за раскинување, која би можела да се активира веќе следната година.

Барселона истовремено бара долгорочно решение во нападот и разгледува неколку опции.

Еден од потенцијалните кандидати е Александар Исак од Њукасл Јунајтед, но проблем е високата цена - „страчките“ за неговиот трансфер бараат дури 140 милиони евра.

Иако на пазарот има и други алтернативи, засега е јасно дека Левандовски останува во Барселона, а неговиот договор би можел да биде продолжен до 2027 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Маж со автомобил се забил во оградата на луксузниот дом на Бијонсе и Џеј-Зи

Дезориентиран возач е уапсен откако со автомобилот удрил во портите на луксузниот имот на музичките ѕвезди Бијонсе и Џеј-Зи во Ист Хемптон.

Шеесет и тригодишен маж, чиј идентитет не е откриен, со автомобил удрил во влезната врата на имот во сопственост на Бијонсе и Џеј-Зи во Ист Хемптон.

Според информациите од полицијата, возачот изгледал дезориентирано и не застанал пред затворената капија, туку продолжил да вози со голема брзина по пристапниот пат. Тој бил уапсен и пренесен во болница, а полицијата поднела пријава против него за неовластен упад на имот и предизвикување штета.

Детективот Џенифер Дан за „Page Six“ потврди дека 63-годишникот од Бронкс нема криминално досие. Таа објасни дека тој изгледал збунето на самото место, како и по неговото апсење.

„Тој не упати никакви закани ниту ги спомна имињата на станарите. Можно е случајно да ја избрал таа куќа, доколку во тој момент имал здравствени проблеми“, рече Дан.

Истрагата откри дека пред инцидентот мажот застанал пред друга куќа на истата улица.

Таму разговарал со сопственикот и се распрашувал за жена со одредено име. Откако му кажале дека таа не живее таму, тој продолжил понатаму. Сопственикот на таа куќа исто така ѝ потврдил на полицијата дека мажот изгледал збунето.

Тагови: Бијонсе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Над 1.500 лица за неколку дена побарале медицинска помош, Гостивар се справува со последиците од масовното труење

Гостивар и натаму се справува со последиците од масовното труење..

. Над 1.500 лица за неколку дена побарале медицинска помош, а само во последните 24 часа имало 260 пријави на случаи со стомачни тегоби. Забраната за пиење вода во меѓувреме, останува на сила . Утринава на терен беше и министерот за здравство Сашо Клековски, а оценка за ситуацијата даде и премиерот Мицкоски .

Во Гостивар денеска беше Дејан Трајковски.

Неговиот извештај погледнете го во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ин мемориам: Почина великанотТрајан Јовковски

Вчера на ден 17.07.2026, по кратко боледување почина Великанот на МОК, кајакарот Трајан Јовковски.

Погребот ќе се одржи утре на ден 19.07.2026 на гробиштата во Бутел од 9:30 - 10:30 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.