Свет

Балтичките земји го напуштија меѓународниот договор за забрана на противпешадиски мини

Балтичките држави Естонија, Латвија и Литванија ги известија Обединетите нации за нивното повлекување од Конвенцијата од Отава со која се забранува употребата на противпешадиски мини, објавија министерствата за надворешни работи на трите земји.

Трите поранешни советски републики кои граничат со Русија, сега сите членки на ЕУ и НАТО, поднесоа официјална декларација која ќе стапи на сила шест месеци по нејзиното примање. „Со оваа одлука, испраќаме јасна порака: нашите земји се подготвени и можат да ги користат сите потребни мерки за да ги одбранат своите територии и слобода“, се вели во декларацијата.

Конвенцијата од Отава предвидува сеопфатна забрана за употреба, складирање, производство и транспорт на сите видови противпешадиски мини, кои се сметаат за особено нехумано оружје. Договорот е склучен во 1997 година, а оттогаш го потпишале повеќе од 160 земји, но ниту Русија, ниту САД, ниту Кина не се меѓу нив.

Повлекувањето од конвенцијата претходно беше одлучено од владите на трите земји и одобрено од парламентите на балтичките држави. На овој начин, тие ја следат заедничката препорака на министрите за одбрана, како и на Полска, а Финска се приклучи.

Се плашат од Русија

Отфрлањето на конвенцијата е одраз на заканата што ја претставува Русија и војната што земјата ја води против Украина, која балтичките држави ја сметаат за директна закана за сопствената безбедност. Целта на таков потег е да се зајакнат одбранбените капацитети и да се овозможи на војската поголема флексибилност и слобода на донесување одлуки, рекоа потписниците.

Хуманитарните организации и бројни добитници на Нобелова награда ја критикуваа нивната одлука и ги повикаа владите на трите земји да се заложат за договорот.

Генералниот секретар на ООН, Антонио Гутереш, исто така изрази загриженост за оваа одлука, но балтичките држави нагласуваат дека дури и по повлекувањето од договорот, тие ќе продолжат да се придржуваат кон принципите и стандардите на меѓународното хуманитарно право и заштитата на цивилното население.

Тагови: балтичките држави противпешадиски мини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Гостивар може да се користи само како техничка, не и за пиење и готвење

Водата во Гостивар може да се користи како техничка, но не и за пиење и готвење.

Надлежните најавија дека со континуиран мониторинг ќе се следи квалитетот на водата сè додека не се потврди дека е исправна за пиење, а во меѓувреме, градот ќе продолжи да биде снабдуван со пакувана вода...

Премиерот Христијан Мицкоски во врска со случајот со водата во Гостивар истакна дека надлежните за состојбите се консултираат со експерти и посочи дека партиите не треба шират хистерија.

-На сите треба да ни е јасно дека станува збор за одговорност која што е на општината и тоа е многу важно да се констатира, бидејќи тие услуги се исклучиво одговорност на општината. Има начин како општината комуницира со државните институции во делот на проверки и слично.

СДСМ преку соопштение ја критикуваше изјавата на Мицкоски . Според нив требало да се консултираат експерти, од самиот почеток на кризата.од партијата велат дека по денови меѓусебно префрлање на одговорноста и различни изјави од надлежните, сега владата се повикува на стручни лица.

„Во нормална држава, експертите и надлежните институции ќе беа вклучени уште од првиот ден. Наместо тоа, јавноста слушаше политички изјави и објаснувања“, наведуваат од СДСМ.

Партијата бара одговорност за случајот со загадената вода во Гостивар и прашува кој ќе ја понесе одговорноста за, како што наведуваат, труењето на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Цените на нафтата продолжуваат да опаѓаат

Цените на нафтата значително паднаа откако САД и Иран објавија тридневно примирје, со што се зголеми надежта за смирување на конфликтот.

Цената на барел сурова нафта „Брент“, која е глобален ценовен репер, во еден момент падна за повеќе од 9 отсто, на под 88 долари. Ова претставува значаен пресврт во однос на минатата недела, кога цената надмина 100 долари, пишува Би-Би-Си.

До падот на цените дојде по изјавата на американската амбасадорка во Обединетите нации дека нападите врз Иран биле прекинати втора ноќ по ред со цел да се „отвори простор за преговори“. Портпаролот на иранската армија во неделата потврди дека Техеран, како одговор, ги прекинал „одмаздничките“ напади во регионот.

Избувнувањето на војната со Иран претходно предизвика нагло зголемување на цените на нафтата, бидејќи конфликтот практично го затвори Ормускиот теснец. Станува збор за клучна поморска рута низ која поминуваат околу 20 отсто од светската нафта и течниот природен гас (LNG).

Кога Иран и САД во јуни потпишаа меморандум за разбирање за прекин на воените операции и повторно отворање на теснецот, цената на нафтата падна на предвоеното ниво од околу 70 долари за барел. Сепак, пропаѓањето на примирјето претходно овој месец повторно ја зголеми загриженоста за глобалното снабдување со енергија, што повторно ги крена цените.

Минатата недела цената за првпат од мај достигна 100 долари за барел. Дополнителна неизвесност внесоа и нападите на јеменските бунтовници Хути врз танкери со нафта во Црвеното Море, со што беше загрозена клучната извозна рута преку која Саудиска Арабија го заобиколува Ормускиот теснец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево со температура од 30 до 35 степени.

Според Управата за хидрметеоролошки работи денес времето ќе биде сончево со мала до умерена локална облачност.

Ќе дува слаб до умерен, наместа долж Повардарието повремено засилен, ветер од северозападен правец. Минималната температура ќе биде во интервал од 12 до 21, а максималната ќе достигне од 30 до 35 степени.

Во Скопје сончево со мала до умерена локална облачност. Ќе дува слаб до умерен ветер од променлив правец.

Минималната температура ќе се спушти до 18, а максималната ќе достигне до 33 степени.

Од утре следува период на стабилно. сончево и топло време со мала локална облачност и пораст на температурите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.