Балдони бара отштета од 400 милиони долари од Блејк Лајвли: Ми рече да си го корегирам носот - Канал 5

Шоу биз

Балдони бара отштета од 400 милиони долари од Блејк Лајвли: Ми рече да си го корегирам носот

Откако Блејк Лајвли поднесе тужба против нејзиниот колега и режисер Џастин Балдони за сексуално вознемирување, тој ѝ возврати неа и на нејзиниот сопруг Рајан Рејнолдс со нова тужба во која бара отштета од најмалку 400 милиони долари.

Балдони бара отштета од 400 милиони долари од Блејк Лајвли: Ми рече да си го корегирам носот

Откако Блејк Лајвли поднесе тужба против нејзиниот колега и режисер Џастин Балдони за сексуално вознемирување, тој ѝ возврати неа и на нејзиниот сопруг Рајан Рејнолдс со нова тужба во која бара отштета од најмалку 400 милиони долари за уцена, клевета и нарушување на приватноста.

Во тужбата откри различни детали, како на пример дека Блејк се шегувала со неговиот физички изглед, особено со носот, за време на снимањето на филмот It Ends with Us. „Во еден момент Лајвли „излезе од улогата“ и почна да се шегува на сметка на носот на Балдони, на што тој се смееше и се пошегува, иако Лајвли рече дека треба да размисли за пластична операција“, пишува во дел од новата тужба што ја поднесе Балдони, пренесува Daily Mail.

Исто така, се забележува дека „наводите дека Балдони несоодветно го коментирал нејзиниот физички изглед не се точни и дека всушност било обратно“.

„Оваа најнова тужба на Џастин Балдони, студиото Wayfarer и нивните соработници е само уште едно поглавје во книгата на насилникот. Ова е приказна која постои долго време: една жена доаѓа со конкретни докази за сексуално вознемирување, а насилникот се обидува да ја сврти приказната против неа“, велат адвокатите на Блејк Лајвли за Page Six.

YouTube video

Тие, исто така, ја обвинија продуцентската куќа на Балдони, Wayfarer Company, дека поднела несериозни обвиненија за „да ја спречат јавноста да разбере дека она што тие го прават е одмазда за обвинувањата за сексуално вознемирување. Тие се обидуваат да ја променат приказната за да изгледа како г-ѓа Лајвли да ја презеде креативната контрола и го сврте целиот тим против г-дин Балдони“.

Тие тврдат дека доказите ќе покажат дека и другите членови на актерската екипа имале непријатни искуства со Балдони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер