Бајден вети одлучна борба против тргувањето со наркотици

Претседателот на САД, Џо Бајден синоќа изјави дека Администрацијата ќе продолжи со борбата против опасни дроги кои илегално се криумчарени во САД преку Мексико и решавање на кризата со опиоди.

Здравствената криза во Америка е поттикната од синтетичките лекарства против болка наречени и опиоди, една од најсилните форми на вакви лекарства е фентанилот, кој се смета дека е 50 до 100 пати посилен од хероинот.

Фентанилот во САД легални и криумчарен, е од кинеско производство и затоа Бајден рече дека ќе ја „соочува Кина" околу ова прашање.

За време на средба со граѓаните во Синсинати, организирана од Си-Ен-Ен, тој изјави дека неговата Администрација значително го зголемилa бројот на вработени во Одделот за правда, каде се работи на проблемот со наркотици и опиоди.

Смртноста од предозирање во САД лани се зголемила до 91.331 лице, се дознава од податоците на државните Центри за спречување на заболувањата. Опиодите и фентанилот се нејголемите причинители.

Поранешни советници за национална безбедност на САД минатат недела потпишаа писмо до претседателот да прокламира дека фентанилот е оружје за масовно уништување.

Во меѓувреме, сојузните држави најавија склучување зделка со фармацевтот „Џонсон и Џонсон" и три други дистрибутери на опиоди во виснба од 26 милијарди долари за оштета на илјадници тужители настрадани од епидемијата со опиоди во САД во изминативе две децении.

Научниците се обидуваат да го спречат изумирањето на белите носорози, останале само две женки

Екипа од меѓународни научници кои работат на изнаоѓање начини за што побрзо спасување на редок вид на северен бел носорог, велат дека постигнале напредок со производство на уште три ембриони.

Конзорциумот BioRescue, предводен од професорот Томас Хилдебрант од Лајбниц институтот за зоолошки градини и диви животни во Германија, соопштил дека овој месец се произведени уште три ембриони од подвидот на носорогот, со што вкупниот број живи ембриони се искачил на 12.

Научниците зеле јајца од една од двете преостанати женки од северниот бел носорог во паркот за диви животни во Кенија. Замрзнатите сперматозоиди од двајцата мртви мажјаци биле користени за оплодување, и велиот експеримент е направен во италијанска лабораторија.

Два од трите нови ембриони се произведени со користење на семето на северниот бел носорог, чиј генетски код служи за сите постоечки ембриони.

Сепак, третиот ембрион е произведен откако семето на Ангалифу, носорогот што живеел во Сафари паркот Сан Диего, а почина во 2014 година, е користено за прв пат.

Сегашниот план е да се создаваат повеќе ембриони на секои три до четири месеци, а тие наскоро ќе бидат всадени во сурогат мајки, женки на јужниот бел носорог, за да се спречи изумирањето на северната варијанта на белиот носорог. Тоа е потфат кој започнал во 2019 година.

Санкционирани 51 возач за пребрзо возење на територија на СВР Битола

Полициски службеници од СВР Битола денеска од 8 до 13 часот спроведоа засилена акциска контрола за санкционирање на возачи кои управуваат возило со брзина поголема од пропишаната на територија на СВР Битола, при што санкционирани се 51 возач.

Засилените сообраќајни контроли продолжуваат и во наредните денови, известуваат од МВР.

-Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, потенцираат од МВР.

Секторот за внатрешни работи Битола ги известува граѓаните дека на 1 и 2 август 2021 година (недела и понеделник), поради одржување на прослава по повод националниот празник Илинден во Крушево, ќе бидат преземени посебни мерки за безбедно и непречено одвивање на сообраќајот.

-Од тие причини, СВР Битола ќе преземе мерки за посебен режим на сообраќај, почнувајќи од 15.00 часот утре, па сè до 22.00 часот на 2 Август, на регионалниот пат Р-1306, делница: Прилеп – Кривогаштани – Крушево – Демир Хисар, како и на регионалниот пат Р-2337, делница: Крушево – место наречено Слива, на уличната мрежа низ градот Крушево и на патеките кои водат кон Мечкин Камен, информираат од полицијата.

За безбедно одвивање на сообраќајот потребно е да се почитуваат сообраќајните знаци, прописи и наредби на полициски службеници, велат од МВР.

Руски „Иљушин-76“ пристигна на помош во Турција за гаснење на пожарите (ВИДЕО)

Авион на руската служба за итни случаи Иљушин-76 слета денеска во Турција за да им помогне на тамошните власти во гаснењето на пожарот што беснее во околината на Анталија.

Три авиони што Русија ги испрати во Турција, од типот Б-200, веќе се во акција и го гаснат пожарот во околината на Анталија.

Еден од авионите денеска го гаснел огнот неколку часа на потегот помеѓу градовите Анталија и Манавгат, објави ТАСС .

Турските власти побарале помош за гаснење на пожарите во близина на населбите и туристичките зони каде што се руските туристи.

Руското Министерство за одбрана и Руската служба за вонредни ситуации одлучиле да одговорат на барањето на Турција за помош со испраќање 11 авиони за гаснење на пожарите.

Пожарите избувнале во средата, недалеку од одморалиштето Манавгат, јужно од регионот Анталија, поради екстремно високите температури, а во четвртокот огнот се проширил и на други области, вклучително и одморалиштата во Ајдин и Мугла.

притисни ентер