Бајден на отворањето на НАТО самитот: Украина може и ќе ја победи Русија

НАТО е помоќен од кога и да е претходно, Украина може и ќе ја победи Русија, рече американскиот претседател Џо Бајден на отворањето на Самитот пред членките на Алијансата од местото каде пред 75 години беше потпишан Вашинтонскиот договор. 

Во 13-минутен јасен и енергичен говор, користејќи телепромптер, Бајден освен демонстрацијата на лидерство и одлучност за Украина, недвосмислено се обиде да ги убеди сојузниците и јавноста дека анемичниот настап на дебатата со Трамп пред две недели била само лоша епизода. Бајден објави како што го нарече историски пакет воена помош за Украина, кој вклучува десетици тактички одбранбени системи, вклучително и пет противвоздушни системи „Патриот“, кои ќе ги донираат САД, Германија, Италија, Холандија и Романија.

-Во Европа продолжува агресивната војна на Путин против Украина. А Путин не сака ништо помалку од целосно потчинување на Украина, да се стави крај на демократијата на Украина, да ја уништи украинската култура и да ја избрише Украина од мапата. Ние знаеме дека Путин нема да застане во Украина. Но, не правете грешка, Украина може и ќе го запре Путин. , изјави Џо Бајден, претседател на САД.

На церемонијата, Бајден го одликуваше генералниот секретар Столтенберг со највисоката американска награда, медал на слободата како благодарност за 10-годишната посветена работа. Генералниот секретар во заминување пак, порача дека времето за слобода и демократија е сега, а местото се вика Украина.

-Реалноста е следна. Нема бесплатни опции со агресивна Русија како сосед. И запомнете: Најголем трошок и најголем ризик ќе има ако Русија победи во Украина. , изјави Јенс Столтенберг, генерален секретар на НАТО.

Најавениот пакет помош за украинскиот претседател Зеленски е добредојден, но не и доволен, зашто како што забележа, покрај дефанзивно, на земјата и е потребно и офанзивно оружје. Одби да кометира дали стравува од можноста Трапм да се врати во Белата куќа, но изрази надеж дека и во таков случај нема да се смени политиката кон Украина. Рече сите ги чекаат американските избори на есен, но Украина нема време за чекање.

-Време е да излезете од сенките, да донесете силни одлуки, да дејствувате и да не го чекате ноември или кој било друг месец. За таа цел, ние мора да бидеме силни и бескомпромисни во целост. , Володимир Зеленски, претседател на САД.

Прашањето за политичкиот опстанок на Бајден, по бројните повици да се повлече од претседателката трка, втор ден надвиснува на маргините на Самитот, иако ретко кој од лидерите се охрабрува јавно да коментира.

-Г-не Премиер (Трудо) дали сте загрижени за возраста и менталната состојба на Бајден?

-Убаво е што ве гледам сите ова утро. , изјави Џастин Трудо, премиер на Канада.

На 3-дневниот Самит на кој несомнено Украина е централна тема, се очекува Киев да добие пакет финансиска помош од 43 милијарди долари и јасна заложба дека патот до членство во НАТО е неповратен процес, но без временска рамка. На собирот, екс холандски премиер Руте треба да ја преземе функцијата од актуелниот генерален секретар Столтенберг.

Вулканот Етна исфрли лава- столбот од пепел достигна 6.000 метри во височина

Нова ерупција на лава започна вчера наутро од вулканот Етна, а столбот од пепел достигна висина од 6.000 метри и падна на исток, кон местата Ачи Кастело и Виагранде.

Според извештаите, новата ерупција била лансирана од кратерот Вораѓина, како и од работ на кратерот Бока Нова, од каде столбот пепел достигнал 3.000 метри, пренесува Анса.

Многу брзо активноста на вулканот се смирила.

Научниците од Националниот институт за геофизика и вулканологија и опсерваторијата Етна утврдиле дека изворите на потреси се ограничени на областа на кратерот на надморска височина од околу 3.000 метри. Засега не е издадено дополнително предупредување.

Претседателката Сиљановска Давкова се сретна со амбасадорите на земјите од Вишеградската група

Претседателката Гордана Сиљановска Давкова денеска оствари работна средба со амбасадорите на земјите од Вишеградската група.

Претседателката Гордана Сиљановска Давкова денеска оствари работна средба со амбасадорите на земјите од Вишеградската група, на која присуствуваа амбасадорот на Република Полска, Кшиштоф Гжелчик, на Чешката Република, Јарослав Лудва, на Словачката Република, Хенрик Маркуш и заменик шеф на мисијата во Амбасадата на Унгарија, Кристина Тихањи.

Соговорниците разменија мислења за натамошно продлабочување на пријателските односи и меѓусебната соработка, за процесот на македонската интеграција во Европската Унија, како и за клучните политички и безбедносни предизвици со кои се соочуваат Унијата и европскиот континент.

Претседателката Сиљановска Давкова истакна дека земјите од Вишеградската група отсекогаш биле гласни поддржувачи на нашиот регион и промотори на политиката на проширување на Европската Унија и се заблагодари за нивната солидарност, помош и споделување на експертските искуства во евроинтегративниот процес.

Во таа насока, таа ја нагласи нагласи важноста од фер третман, соодветно и мериторно вреднување на досегашниот реформски напредок на земјава и исполнувањето на копенхагенските критериуми во процесот на евроинтеграциите.

Претседателката ја истакна подготвеноста на земјава за примена на добрите примери и практики развиени во Вишеградската група и се заблагодари за техничката помош во градење на капацитетите на граѓанското општество.

Соговорниците изразија уверување за натамошно унапредување на севкупните односи базирани на меѓусебно пријателство, разбирање и почит, соопштуваат од претседателскиот Кабинет.

Сајкоски: Македонски Брод со скромниот буџет и посветеност на градоначалникот се развива

Општина Македонски Брод е општина која што е најголема по територија во Република Македонија и опфаќа 51 населено место.

Но, има многу скромен буџет. Благодарение на работата, посветеноста на градоначалникот на општина Македонски Брод, на пратеничката, на службите во Општина Македонски Брод, советниците успева да се реализираат голем број проекти во оваа општина. Иако многу мал буџет, иако скромни средства, во овие неколку месеци се реализирани многу суштински и значајни проекти. Реализирани се проекти на асфалтирање на улиците „Васко Карангелески“, „Кирил и Методиј“, „Поречка“. Исто така во фаза на реализација е проектот за тротоарот на улицата „Маршал Тито“. И улицата „11 Октомври“ исто така се асфалтира.

Меѓутоа морам да нагласам дека во разговор и со градоначалникот и со пратеничката големи планови има за Македонски Брод.

Затоа се инвестира и во образованието, во културата, но значајно е да се спомене дека разговаравме за да може да се отвори плус работно место во оваа општина, на таков начин ќе дадеме надеж до сите граѓани на општина Македонски Брод дека тука треба да живеат, да работат и да опстанат на ова прекрасно место, објави на ФБ, Ѓорѓија Сајкоски, генерален секретар на ВМРО-ДПМНЕ и пратеник.

притисни ентер