Бајден на Инстаграм објави чудна фотографија од Супербоул: Како што зацртавме (ФОТО)

На профилот на американскиот претседател Џо Бајден по Суперболот се појави необична фотографија: на неа се гледа како Бајден се насмевнува, додека од неговите очи излегуваат ласери.

Фотографијата е објавена на Инстаграм профилот на @JoeBiden и изненади многумина, додека корисниците шпекулираа дека сметката на претседателот можеби е хакирана.

Фотографијата брзо стана вирална на социјалните мрежи откако Канзас Сити Чифс го освои Суперболот за 2024 година.

„ Како што зацртавме“, гласи натписот на фотографијата на насмеаниот Бајден со ласери кои излегуваат од неговите очи.

Дедлајн известува дека објавата на Твитер е упатување на теоријата на заговор во Супер Боул која вклучува местење игра и поддршка од Тејлор Свифт.

Имено, републиканците изнесоа теорија на заговор дека популарноста на Тејлор Свифт ќе ја искористат демократите за да добијат замав пред претседателските избори во 2024 година.

Објавата алудира на тоа дека Тејлор Свифт и тој се главните „виновници“ за освојувањето на Суперболот од Канзас Сити Чифс.

Шефовите го добија натпреварот во последните секунди, постигнувајќи тачдаун и победувајќи ги Сан Франциско 49ерс со 25-22 по продолжението.

Претходно, кампањата на Бајден објави видео на TikTok во кое претседателот ја коментира теоријата на заговор.

„Ќе западнав во неволја ако ви кажам“, рече Бајден пред камерата да го пресече кадарот од „Дарк Брендон“.

Во видеото, Бајден не кажа дали ги претпочита Шефовите или 49-те - но наместо тоа рече дека „ако не кажам дека сум за Орлите, ќе спијам сам. Мојата сопруга е девојка од Филаделфија. " рече тој.

Дивата од модните писти слави 58 роденден: Се трудам да бидам добра

Познатата манекенка Синди Крафорд го прслави својот 58 роденден.

- Благодарна за уште еден сет роденденски свеќички - порача таа на Инстаграм.

Жената која упадна на модните писти во деведесеттите продолжува да плени со својата природна убавина. Длабоко во шестата деценија од животот без никаква пластика на себе, таа сè уште се колне во убавина.

Покрај редовните вежби, врвниот изглед го постигнува и со посебен режим на исхрана.

Избира здрава храна и признава дека се труди „80 проценти од времето да биде 80 отсто добра“.

Денот започнува со смути направено од кокосово млеко, третина од замрзната банана, шолја свеж спанаќ, 10 листови нане, една лажичка протеини и малку зрна какао. За ручек најчесто јаде салата со пилешко, а за вечера подготвува ќофтиња од мисирка со салата и зеленчук.

Извор: Аваз

Милитао би можел да се врати на фудбалските терени во март

Одбранбениот фудбалер на Реал Мадрид, Едер Милитао е блиску до враќање во тимот.

Како што пренесе „Relevo“ Бразилецот ќе има време да закрепне навреме за четвртфиналето на Лигата на шампионите доколку мадридскиот клуб стигне до оваа фаза.

Четвртфиналето во елитното фудбалско натпреварување ќе се одржи во средината на март.

Во август 2023 година, во 1. коло од Ла Лига против Атлетик (2:0), Милитао ги скина вкрстените лигаменти на коленото.

За тренерот на Реал Мадрид со евентуалното враќање на Милитао ќе биде големо олеснување пред завршниот дел од сезоната. /МИА

Паолини го освои трофејот во Дубаи

Италијанската тенисерка Јасмине Паолини е победничка на ВТА 1000 турнирот во Дубаи, ОАЕ.

Паолини во денешното финале беше поуспешна од Русинка Ана Калинскаја во три сета. Мечот траеше 2 часа и 16 минути и заврши со резултат 4:6, 7:5, 7:5 во корист на италијанската претставничка.

Дваесет и петгодишната Русинка двапати сервираше ас, направи четири двојни грешки и реализираше шест брејк топки од осум шанси. Паолини немаше ниту еден ас, направи една двојна грешка и седум брејк топки реализира од девет можности.

Паолини го освои својот втор ВТА трофеј во сингл. Пред тоа таа стана победничка и на три турнири во двојки.

Од друга страна, Калинскаја не успеа да ја освои својата прва ВТА титула во сингл. Сепак, за време на турнирот во Дубаи, Русинката победи три претставнички на Топ 10 – Ига Швјонтек (1), Елена Остапенко (9) и Коко Гоф (3). /МИА

притисни ентер