Баерн ја продава ѕвездата за кого пред две години плати 67 милиони евра - Канал 5

Фудбал

Баерн ја продава ѕвездата за кого пред две години плати 67 милиони евра

Баерн е подготвен да го продаде дефанзивецот Матијс де Лигт (24), објави Флоријан Плетенберг.

Баерн ја продава ѕвездата за кого пред две години плати 67 милиони евра

Германскиот фудбалски инсајдер смета дека тоа е „изненадувачка одлука“, но истакнува дека на баварскиот клуб му требаат пари, а тие би можеле да се добијат со продажба на холандскиот репрезентативец. Покрај обештетувањето, Баерн би се ослободил и од големата плата договорена до 2027 година.

Да потсетиме, Де Лигт дојде во Баерн пред две години од Јувентус во трансфер вреден 67 милиони евра. Вкупно за Баерн забележа 73 настапи, пет гола и две асистенции и го освои германското првенство и куп. Кариерата ја започна во Ајакс, каде важи за еден од најголемите таленти родени во фантастичната академија.

Тој веќе има 45 настапи за националниот тим со кој ќе настапи на претстојното Европско првенство. Трансфермаркт, сајт специјализиран за проценка на вредноста на фудбалерите, наведува дека неговата моментална цена е 65 милиони евра.

Плетенберг наведува дека Џонатан Тах (28) ќе биде замената на Де Лигт. Станува збор за германскиот репрезентативец кој минатата сезона како капитен го предводеше Баер Леверкузен до титулите во Бундеслигата и Купот на Германија. Тој ги договорил личните услови, односно договор до 2029 година, а сега следуваат преговори меѓу Баерн и Баер, открива инсајдерот.

Тах е девет години во клубот од Леверкузен каде што пристигнал од ХСВ. За Германија има 25 настапи, а Transfermarkt неговата вредност ја проценува на 30 милиони евра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната:

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната: Од пристигнати податоци од 24 избирачки места, вкупниот број на гласачи кои го оствариле правото на глас изнесува 4518 , или изразено во проценти 27.81 %.

Во споредба со првиот круг на изборите кој се одржа на 18 октомври 2026, излезноста е зголемена за 7.31 %.

Во однос на заштитата на личното избирачко право, до 13 часот е пристигнат 1 приговор кој е усвоен и на гласачот му е овозможено да гласа.

Следната информација за пресекот на излезноста на гласачите и текот на гласање следува на прес конференцијата во 15.30 ч, која ќе се одржи во седиштето на ДИК.

Тагови: ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Неготино и СРЦ Младост беа во центарот на балканскиот професионален бокс

 Во спортската сала Младост во Неготино вчера се одржа елитниот боксерски настан BALKAN BOXING на кој настапија боксери од Македонија и странство.

Неготино и СРЦ Младост беа во центарот на балканскиот професионален бокс

Настанот се одржа во соработка со Про Бокс Македонија, а ваков боксерски спектакл за прв пат се одржува во Неготино и Република Македонија.

Целиот боксерски спектакл од Неготино директно се пренесуваше на специјализирани ТВ канал за бокс што овозможи истиот да го проследат гледачи од целиот Балкан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Скопје опожарен паркиран автомобил пежо

Во населбата Аеродорм во Скопје засега непознат сторител опожарил автомобил пежо. 

Во Скопје опожарен паркиран автомобил пежо

На 31.10.2026 во 21:24 часот во СВР Скопје било пријавено дека на бул. „12-та Македонска бригада“ во Скопје, едно лице со употреба на запалива течност опожарил паркирано патничко возило „пежо“ со скопски регистарски ознаки, во сопственост на 62-годишната И.С. од Скопје. Повредени лица нема. Пожарот бил изгаснат со ПП апарат од страна на нејзиниот сопруг. Се преземаат мерки за расчистување на случајот., соопштија од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер