Бабата на Кејт Мидлтон била британски шпион - Канал 5

Шоу биз

Бабата на Кејт Мидлтон била британски шпион

Pазбивала германски шифри за време на Втората светска војна...

Бабата на Кејт Мидлтон била британски шпион

На петти јуни беше обележана 80-годишнина од Денот Д.

Кралот Чарлс Трети, со кралицата Камила и принцот Вилијам, на 5-ти јуни го посети Портсмут по повод 80-годишнината од Денот Д. Во оваа прилика, принцот Вилијам им оддаде почест на својата сопруга, принцезата Кејт Мидлтон и нејзината баба Валери Мидлтон, која била рамо до рамо со воените херои. Принцот Вилијам зборуваше за важноста од сеќавањето на хероите и посебно ја спомена бабата на неговата сопруга, која работела како криптоаналитичар во паркот Блетчли, помагајќи да се пробие кодот Енигма. Тој ѝ се обрати на една госпоѓа со трогателни зборови, бидејќи нејзината работа го потсетувала на работата на Валери.

- Бабата на мојата сопруга го работела истото што и Вие. Кетрин дознала за тоа дури на крајот од животот на нејзината баба Валери - рекол принцот Вилијам, а за тоа пишуваше британски „Сан“.

Додека Лондон бил бомбардиран, младата жена Валери Гласборо меѓу цивилите деноноќно работела во паркот Блетчли, давајќи им лажни траги на Германците и дешифрирајќи кодови. Внука на оваа храбра жена е принцезата од Велс, која признала дека ја прашувала својата баба за тоа што се случувало, но таа многу малку говорела за тоа, а потоа во 2006 г. починала. Госпоѓица Гласборо, подоцна Мидлтон, и нејзината сестра близначка Мери биле дел од тимот разбивачи на кодови кој ги откривал тајните на нацистите, и така придонеле во поразот на Германија.

По говорот, Вилијам разговараше со ветераните и им се заблагодари за нивното служење. Принцезата Кејт Мидлтон, која сè уште закрепнува од превентивната хемотерапија, не беше присутна. Кралот Чарлс исто така одржа говор, нагласувајќи дека како нација им се вечно благодарни на воените херои.

– Сите говори за храброста, издржливоста и солидарноста што ги слушнавте денес и ги слушаме во текот на животот не можат да не остават рамнодушни, тие нè инспирираат и нè потсетуваат колку ѝ должиме на големата воена генерација – рече кралот Чарлс.

Потсетуваме дека, под шифрираниот назив Операција Нептун во далечната 1944 година, на т.н. Денот Д се случила најголемата поморска инвазија во историјата. Операцијата го започнала ослободувањето на Франција и остатокот од Западна Европа поставувајќи ги темелите на сојузничката победа на Западниот фронт. Кралското семејство им оддаде почит на воените ветерани, од кои некои сè уште се живи и присуствуваа на свечениот настан.

Беше истакнато дека сите секогаш ќе се сеќаваат на жртвите на сојузничките војници кои слетале на Нормандија за да ги протераат војниците на нацистичка Германија. На комеморацијата присуствуваше и премиерот на Обединетото Кралство, Риши Сунак, како и министерот за надворешни работи, Лорд Дејвид Камерон, кои исто така им оддадоа почит на хероите на Денот Д.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Камен се продава за 5.000 евра за еден грам- се наоѓа во поле, а некои вредат колку стан

На прв поглед, може да изгледа како сосема обичен камен, парче карпа, кое некој би го оставил на земја или би го фрлил настрана без многу размислување.

Камен се продава за 5.000 евра за еден грам- се наоѓа во поле, а некои вредат колку стан

Сепак, она што е скриено во неговото потекло и состав може да го претвори во предмет од голема вредност, за кој колекционерите се подготвени да издвојат богатство.

Не секој вреди богатство

Највредните примероци можат да достигнат цена од неколку илјади евра за само еден грам, што ги прави поскапи од златото. Значи, во зависност од неговите карактеристики и тежина, може да вреди колку еден стан.

Станува збор за метеорити - фрагменти од вселенски тела кои го преживуваат преминот низ атмосферата на Земјата и стигнуваат до површината на нашата планета.

Според Medium.cz, најретките примероци на колекционерскиот пазар можат да достигнат цена од дури 5.000 евра за грам!

Секако, не секое такво откритие вреди богатство. Цената зависи од бројни фактори, вклучувајќи го потеклото, хемискиот состав, зачувувањето и околностите под кои е пронајден фрагментот.

Според специјализираната веб-страница Astro.cz, меѓу особено интересните примероци се „метеорити со позната траекторија“.

Станува збор за метеорити за кои научниците, врз основа на инструментални набљудувања, биле во можност да ја одредат траекторијата на нивното матично тело низ Сончевиот систем пред да влезе во Земјината атмосфера.

Ваквите откритија се исклучително ретки. Во светски рамки, до 2018 година, биле познати приближно 30 вакви примероци.

Законот се разликува во зависност од земјата

Фрагментите што потекнуваат од Месечината или Марс, исто така, можат да достигнат особено високи цени. Нивното потекло и научно значење ги прават особено привлечни за колекционерите, па затоа некои примероци се продаваат за износи што достигнуваат вртоглави вредности.

Конечно, треба да се спомене дека законот што ја регулира сопственоста на ваквите откритија е важен за пронаоѓачите, објавува Observator News.

Правилата варираат од земја до земја. Во Германија, прописите зависат од сојузната држава, а во одредени случаи државата може да го побара правото на наоди од посебно научно или културно значење.

Во Словачка, метеоритите наводно се сметаат за државна сопственост, па затоа пронаоѓачите не можат едноставно да ги задржат.

Експертите препорачуваат секој што ќе најде метеорит да го пријави тоа кај властите. Регистрирањето на фрагментот во професионална база на податоци може да помогне да се утврди неговото потекло и научно значење, а потенцијално и да се зголеми неговата вредност на колекционерскиот пазар.

Тагови: камен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем собир на студентите во центарот на Белград- говорниците на бината носеа Устав на Србија (ВИДЕО)

Завршниот предизборен митинг на студентската листа „Студенти побеѓују“, под името „Победата повикува“, започна вечерва на плоштадот Славија во Белград.

Голем собир на студентите во центарот на Белград- говорниците на бината носеа Устав на Србија (ВИДЕО)

Во 18 часот, плоштадот веќе беше полн, а толпата палеше факели и светла на своите мобилни телефони и извикуваше „Вучиќ го нема“.

„За 150 години, некој ќе каже: Промената започна тука!“

Говорите во Славија завршија со песната „Марш на Дрина“. Кандидатите ја напуштија сцената држејќи го Уставот на Србија.

„Нашите мандати ќе бидат во ваши раце, во рацете на народот. На 25 октомври, Србија победува! И знаете ли зошто? Затоа што студентите победуваат!“, рече првиот кандидат на листата, Илија Срдановиќ.

Пред него, студентката Наталија Степановиќ рече дека тие можат да ги исполнат студентските барања „само со промена на владата“. Таа исто така рече дека за 150 години некој ќе каже: „Тие беа тука и промената започна тука!“

Тагови: Белград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Први снимки од разодниот земјотрес од 7 степени во Кина: Луѓето бегаат во паника (ВИДЕО)

Првите снимки од земјотресот што го погоди кинескиот регион Тибет почнаа да се појавуваат на социјалните мрежи, додека се очекуваат подетални информации за последиците од земјотресот.

Први снимки од разодниот земјотрес од 7 степени во Кина: Луѓето бегаат во паника (ВИДЕО)

Според претходните извештаи, земјотресот го погодил подрачјето на округот Бакен во регионот Нагку, а неговите силни потреси предизвикале паника кај жителите, објави ДПА.

Според достапните информации, земјотресот имал магнитуда од 7,0 степени, а епицентарот бил на релативно мала длабочина, што може да го зголеми неговото влијание во околното подрачје. Сепак, во моментов нема сигурно потврдени податоци за бројот на можни жртви или обемот на материјалната штета.

Надлежните служби ја следат ситуацијата, додека се очекуваат нови информации од терен.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер