Живот

Баба Ванѓа со морничаво „предвидување“ за 2026 година

На прагот сме на новата 2026 година, и многумина, со мешавина од љубопитност и страв, ги реинтерпретираат енигматските изјави на Баба Ванѓа, слепата јасновидка.

Иако почина во 1996 година, нејзините „предвидувања“, честопати криптични и отворени за дискусија, продолжуваат да интригираат.

„Контакт со нова цивилизација“

Нејзините „визии“ за следната година повторно се ажурирани, а најшокантна е онаа што зборува за „човечки контакт со нова цивилизација“ во ноември.

Според ова „предвидување“, на Земјата ќе пристигне „огромен вселенски брод“, што би означило историски момент за човештвото, објавува Дејли Меил.

Од друга страна, научниците се скептични во врска со каков било директен контакт, бидејќи не се пронајдени докази за постоење на вонземјани.

„Бран природни катастрофи“

Друго „предвидување“ се однесува на можна Трета светска војна, бидејќи Баба Ванѓа наводно предупредила на зголемување на тензиите меѓу големите светски сили, вклучувајќи ги Кина, Русија и САД.

Една од нејзините најцитирани „визии“ вклучува бран „катастрофални природни катастрофи“.

Наводно, таа зборувала за разорни земјотреси, вулкански ерупции и екстремни временски услови што би „влијаеле на околу осум проценти од површината на планетата“.

Не оставила пишан запис

Баба Ванѓа, која почина во 1996 година, наводно имала и визии за светски пресвртници, како што се „крвни тестови за откривање на рак“ и „потрага по енергија во вселената“.

Не оставила пишан запис за своите „предвидувања“. Повеќето извештаи доаѓаат од нејзината внука или следбеници кои ги документирале наводните „визии“ и кои честопати биле обвинети за погрешно толкување на она што таа го кажала.

Баба Ванѓа го изгубила видот на 12-годишна возраст, што се совпаднало со појавата на нејзините наводни психички способности. Со текот на времето, таа станала позната низ целиот свет, додека научниците предупредуваат дека нејзините „предвидувања“ се шпекулативни и не се засновани на факти.

Тагови: баба Ванѓа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент.

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Стој за УСЈЕ“: Средбата со министерот за животна средина беше позитивна

Од иницијативата „Стоп за УСЈЕ“ попладнево беа на средба со министерот за животна средина Мухамет Хоџа.

Средбата како што оценија потоа, била позитивна во насока на изнаоѓање на некакво решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.