Автомобил-временска капсула: Се продава скоро ново Ауди „V8“од 1990 година

Овој автомобил ни нуди увид во тоа како изгледале најлуксузните Ауди модели пред 30 години.

Ауди „V8“ е претставен 1988 година, како автомобил кој ќе им парира на автомобилите во високата класа од Мерцедес и БМВ. Овој модел е претходник на првата генерација на луксузната лимузина „А8“, која во нареднитре децении ќе биде врвот на понудата на германскиот произведвуач.

Овој автомобил е револуционерен за Ауди, бидејќи за прв пат во еден продукциски модел од овој бренд е ставен „V8“ мотор. Исто така ова е првото Ауди со „Quattro“ погон кое за пренос на силата користи автоматски менувач.

Во почетокот под хаубата се наоѓат 3.6 литарски „V8“ со 250 коњски сили, а купувачите можеле да бираат помеѓу мануелен менувач со 5 брзини и 4 степен автоматик.

Од август 1991 година Ауди започнува да вградува 4.2 литарски „ V8“ со 280 коњски сили. Автоматскиот менувач и понатаму бил ист а намуелната опција овој пат била сочинета од 6 степен рачен менува.

Од октомври 1988 до ноември 1993, произведени се околу 21.000 Ауди „V8“. Сепак, времето си го прави своето, па денес е е лесно да се најде зачуван примерок од овој модел.

Меѓутоа, неодамна во Холандија е ставен на продажба модел Ауди „V8“ од 1990 година во совршена состојба, со вкупно 218 поминати километри.

Првите 157 километри ги поминал првиот сопственик во Белгија, а подцна во 2016 автомобилот го купил еден колекционер кој го возел вкупно 61 километар.

Во себе овој автомобил го има споменатиот 3.6 литарски „V8“, а силата ја пренесува на сите 4 тркала преку 4 степениот автоматски менувач.

Стандардната опрема за тоа време била многу богата, а опфаќа „ABS“ систем, предни седишта со електронско подесување со меморија на возачкото седиште, греење на сите седишта, автоматска клима, прозор на кровот, ретровизори со електронско подесување, прозорци со електрички команди и уште многу други работи.

Овој автомовил-времеснска капсула се продава по цена од 74.950 евра.

„Фокс њуз“: Американската влада потрошила најмалку 113 милијарди долари за војната во Украина

Од „Фокс њуз“ во септември објавија дека САД потрошиле вкупно 101 милијарда долари за војната во Украина.

Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава американскиот телевизиски канал „Фокс њуз“.

Од „Фокс њуз“ во септември објавија дека САД потрошиле вкупно 101 милијарда долари за војната во Украина.

Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, и до која Фокс њуз имаше пристап, САД потрошиле најмалку дополнителни 13 милијарди долари од септември за војната во Украина.

Директорката на Канцеларијата за менаџмент и буџет на Белата куќа, Шаланда Јанг, во писмо до Венс наведува дека американскиот Конгрес обезбедил 111 милијарди долари дополнителни средства како одговор на војната во Украина, вклучувајќи безбедносна, економска и хуманитарна помош.

Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја, поради што понекогаш се појавуваат различни бројки за американската помош за Киев. /МИА

Почина уште едно повредено лице во терористички напад во Москва

Почина уште едно повредено лице кое беше во критична состојба по нападот пред една недела во Москва, изјави рускиот министер за здравство Михаил Мурашко.

Така, бројот на загинатите во терористичкиот напад што се случи на 22 март во концертната сала „Крокус сити хол“ се зголеми на 141, а уште неколку повредени се во тешка здравствена состојба.

Министерот рече дека починатиот пациент имал сериозни прострелни рани, јавија руските медиуми.

Појавата на сплескана глава кај бебето може да се спречи со неколку прости чекори

Синдромот на сплескана глава или плагиокефалија се однесува на деформациите на главата на бебето што настануваат пред или по раѓањето поради надворешни влијанија врз неговата мека черепна структура. 

Тоа може да се спречи со неколку едноставни чекори.

Како прво, новороденчето не треба да спие на една страна цела ноќ. На секои два - три часа родителот треба да му ја менува положбата на бебето кое спие. Така притисокот не е само на една страна на главата.

И кога мајката го дои малечкото, или го храни со шише, исто така треба да се менува раката и страната на држење. Така се поттикнува бебето само да ја врти главата.

Бебињата треба да спијат на грб. Но, стручњаците препорачуваат - додека новороденчето е будно, да биде барем кусо време легнато на стомак.

Важно е, пред сѐ, да се напомене дека многу бебиња го надминуваат овој проблем кога ќе почнат да лазат или да седат. Истражување спроведено во Америка покажа дека речиси половина од бебињата на возраст меѓу седум и 12 недели имаат плагиокефалија, а 78 отсто од нив имаат благ облик од оваа деформација.

Ако сè уште сте загрижени, порталот „Кликс“ препорачува консултации се педијатар. Бебињата на кои им е дијагностицирана посериозен облик на плагиокефалија добиваат посебна капа за тоа. /МИА

притисни ентер