Владата на седницата ја објави и просечна септемвриска кошничка за која пресметала дека изнесува 58.117 денари за четиричлено домаќинство, 358 денари помалку во однос на август, но за 1.736 денари повеќе од јануари. Разликата од околу 12.000 денари со синдикалната кошничка, која прв пат надмина 70.000 денари, министерот за економија и труд Бесар Дурмиши, ја објаснува со различниот пристап во пресметките, посочувајќи дека станува збор за просечна, а не минимална потрошувачка кошничка. Најави изработка и на минимална кошничка, како и посебни за пензионери и студенти.

-Треба да ги гледаме и двете просечни плати на едно семејство четиричлено семејство, така да ова е просечна, не е минимална потрошувачка кошница. Во наредниот период во аа соработка со експертите или во во меѓународните институции сме разговарале и во аа овој дел каде што ќе бидеме ааа поддржани и од аа Европската Унија во овој во делот на реформската агенда каде што ааа тие бројки ќе ги побараме од Европската Унија, веќе сме побарале извинете и оние аа дадоа свој придонес и известија дека во наредниот период ќе ни помогнат заедно со аа експертите да направиме да ги направиме и другите потрошувачки, како на пример минималната и аа другите потрошувачки кошници за пензионери и студенти и така натаму.- Бесар Дурмиши – министер за економија и труд

Од ССМ велат дека платите не го следат растот на трошоците за живот. Бараат поефикасни инспекциски контроли и механизми за реакција на поскапувањата во текот на годината, наместо да се чека редовното усогласување на платите во март.

-Залудно мислам дека се обидуваат да ги убедат граѓаните дека не се живее со 70, а се живее со 58.000 денари. Сите најубаво си знаат со колку се живее и дека секојдневно стандардот на граѓаните само повеќе и повеќе опаѓа. Ние не ја пресметуваме за да ги убедиме граѓаните со колку се живее, туку тоа ни е единствен аргумент кога одиме за дел од зголемување на плата и да не чекаме секој месец усогласување на платата за некои мизерни 1.000–1.300 денари, туку дека треба да се најде нова формула или во текот на годината да се реагира кога гледаме вакви ценовни шокови, на крајот на денот што ги плаќаат граѓаните и работниците.- Иван Пешевски – ССМ

На седницата се разговарало и за евентуални измени поврзани со неработните денови, празниците и работата во недела. Дурмиши изјави дека синдикатите немале конкретен предлог за измените, поради што не била донесена одлука. Од ССМ, пак, децидни се дека не прифаќаат промени надвор од постојното законско решение. Бараат сите празници да останат неработни, неделата да биде неработен ден за сите, а за работниците кои работат во недела или на празник да се исплаќа 250 проценти од дневницата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лоши услови во студентските домови, проблеми со јавниот и меѓуградскиот превозот, недоволен студентски оброк и сомнежи за фаворизирање при оценувањето – ова се дел од проблемите со кои се соочуваат студентите.

Едно од главните барања на студентите е зголемување на дневниот надоместок за субвенциониран студентски оброк, од сегашните 140 на 200 денари. Според нив, постојниот износ не е доволен за покривање на трошоците за исхрана.

,,Од 2023 година до денес износот на оброкот не е зголемен ниту еднаш... спротивно на Законот за студентски оброк кој го има донесено Собранието на нашата држава. Она што студентите можеле пред 3 години да го купат за 140 денари дневно, денес таканаречено можат да ,,сонуваат,, Тоа е првиот проблем за кој студентите најмногу пријавуваа.“ – Основач на „СТУДЕНТАРИЈА“- Гоше Николов

Покрај студентскиот оброк, прашањето за бесплатниот јавен превоз е само уште еден од шесте проблеми што денеска беа посочени.

,,Дискриминаторски е студентите во Скопје да имаат превоз, а студентите од Тетово,Охрид,Битола,Прилеп... кадешто постои градски превоз и каде има државни па и приватни универзитети да го немаат тоа право.“ – претставник на„ СТУДЕНТАРИЈА“ - Александар Николовски

За само шест месеци, преку платформата „Студентарија“ пристигнале над 700 пријави, а повеќе од 1.200 студенти гласале за пријавените проблеми. Бројките покажуваат дека студентскиот глас е сè погласен, но сега се очекуваат и конкретни решенија од надлежните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во тричасовната дискусија за струјата, долговите, рудниците, подносителите од Левица и пратениците од СДСМ ја оспоруваа нејзината работа со критики дека во две години се создало енергетско безредие. Божиновска кажа дека со интерпелацијата добила можност да каже што сработила, но потенцираше дека постои граница меѓу надлежностите на министерството и работењето на ЕСМ и РКЕ за кои добива забелешки од нив.

Пратениците продолжија и со меѓусебни обвинувања за тоа која власт донела поголеми трошоци и долгови за граѓаните.

Се дебатираше и за потенцијалот на Чебрен и Галиште, за кои СДСМ критикува дека се уште нема напредок ниту финансиска конструкција. Од Владата неодамна најавија дека следната година се очекува да биде поставен камен темелник за двете хидроцентрали, а државата ќе биде инвеститор на проектот за кој имало интерес за финансирање од американска финансиска корпорација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.