Автомобилизам

Аудито на струја наместо ретровизори ќе има камери!!

Меѓу опциите кои ќе им бидат понудени на купувачите на електричниот кросовер Е-Трон се и камери на местото на страничните ретровизори со огледало, со што се подобрува аеродинамиката на возилото.

Ауди пред промоцијата на моделот Е-трон откри неколку детали за новиот автомобил.

Меѓу другото се наведува дека електричниот кросовер со намелените надворешни ретровизори во кои наместо огледала ќе има камери ќе има коефициент на отпор на воздухот од 0,28, што е одличен резултат за едно вакво возило.

Од германскиот гигант воедно истакнуваат дека во текот на развојот на моделот на Ауди Е-Трон техничарите и инженерите минале околу 100 часови во воздушниот тунел , во обидите максимално да ги унапредат аеродинамичките карактеристики на возилото.

Според нив клучна улога во намалувањето на отпорот на воздухот им припаѓа на овие „виртуелни ретровизори“ како ги нарекува Ауди , кои ќе бидат достапни како дополнителна опција во земјите во кои со закон е дозволено наместо надворешни ретровизори со огледала да се користат мали камери.

Покрај намалувањето на отпорот , овие камери ќе допринесат и за редуцирање на максималната широчина на возилото за 15 сантиметри.

Инаку, сликата од надворешните камери ќе се прикажува на ОЛЕД екраните кои се наоѓаат меѓу командната табла и левите и десните врати.

Ауди моделот Е-Трон ќе го претстави на 30 август во Брисел, а за следната година се најавува и уште еден модел на струја, Е-Трон спортбек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка сообраќајка во Италија: Татко и двете мали ќерки загинаа, мајката се бори за живот (ВИДЕО)

Тешка семејна трагедија се случи во Италија, кога 53-годишен татко и неговите две ќерки, на возраст од само 8 и 14 години, загинаа во ужасна сообраќајна несреќа.

Несреќата се случила кратко пред 8 часот наутро на државниот пат Јонио-Тирено број 682, помеѓу раскрсниците Меликучо и Росарно. Автомобилот во кој се наоѓало четиричленото семејство се судрил со камион.

Мајката на девојчето исто така била тешко повредена во несреќата и била однесена во болница во Полистена на лекување, објавува „Раи њуз“.

Полицијата, екипите на брзата помош и пожарникарите веднаш пристигнале на местото на трагедијата. Сообраќајот на овој дел беше запрен за да може полицијата да спроведе истрага, а екипите да го поправат патот.

Тагови: италија ќерки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цана: Опаѓа бројот на пациенти со западнонилска треска, двајца се критично

Бројот на пациенти со нилска треска почна да опаѓа со воведените мерки со прскање против комарци и чистење на каналите.

Бројот на пациенти со нилска треска почна да опаѓа со воведените мерки со прскање против комарци и чистење на каналите. Двајца пациенти се критични се уште, вели доктор Фадил Цана директор на Клиниката за инфективни болести во Вести Плус на Канал 5..

Морбилите се идна епидемија во Македонија. Од морбили умираат деца, вакцинацијата е единствен спас, објасни д-р Цана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО: Приведен висок функционер со обележани 17 500 евра

Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при МВР го приведоа помошник директорот на Царинската управа.

Под раководство на јавен обвинител од ОЈО ГОКК, полициски службеници од Одделот за сузбивање на организиран и сериозен криминал при МВР го приведоа помошник директорот на Царинската управа кај кого се пронајдени обработени парични средства во износ од 17.500 евра.

Според првичните сознанија парите биле побарани како поткуп со цел во две постапки пред Царинската управа да го употреби своето реално влијание и наводно да помогне.

Детали од настанот обвинителството ќе сподели во текот на утрешниот ден, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.