Други спортови

Атлетичарите од Куманово на државно првенство освоија 14 медали

Одлични резултати остварија атлетичарите од атлетскиот клуб „Куманово“ на државното првенство во атлетика за атлетичари под 16 години, соопштија денеска надлежните од клубот.

Атлетичарите од Куманово настапија во машка и женска конкуренција и освоија вкупно 14 медали, од кои седум златни, пет сребрени и два бронзени.

Првенството, како што информираа од АК „Куманово“, се одржа вчера на градскиот стадион во Скопје.

- Задоволни сме од резултатот, но секогаш може и подобро. Очекуваме уште повеќе натпревари и подобри резултати на државното превенство во атлетика кое ќе се одржи на 25 мај годинава во Скопје, изјави тренерот Филип Колевски.

Марко Ѓуровски освои први места во фрлање ѓуле и скок во височина, Клеа Петрушевска на трка од 600 метри, Ведран Николовски освои две први места во 600 метри и 100 метри со пречки, Кристијан Чедомировски прво место во 300 метри со пречки и второ место на 100 метри со пречки, Меланија Станковиќ прво место во фрлање ѓуле, Теодор Даутовски, второ место во скок во височина и трето во скок од далечина, Јан Вуковиќ второ во 300 метри со пречки и трето во 100 метри со пречка, Алек Кипријановски сребро во 800 метри и второ место на штафета 4×100м 2 место (Чедомировски, Вуковиќ, Даутовски, Николовски).

- Имаме соодветни услови за тренинг, во однос на условите, особено кога времето е добро тренираме на атлетската патека. Во постудените месеци импровизираме и тренингот го спроведувме во спортски сали во градот, теретани, и тренинзите продолжуваат и во некои соседни балкански земји, посочи Колевски.

Клубот е еден од најстарите во градот, формиран од 1959-тата година и низ децениите од функционирањето бележи подеми и падови. Последнава деценија остварува одлични резултати на државните првенства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Муцунски – Мекенти: Поддршка за европската интеграција и јакнење на билатералната соработка со Ирска

Министерот за надворешни работи и надворешна трговија, Тимчо Муцунски, денеска во Даблин оствари средба со министерката за надворешни работи, трговија и одбрана на Ирска, Хелен Мекенти.

На средбата беа потврдени одличните билатерални односи и заедничката заложба за натамошно унапредување на политичката, економската и трговската соработка меѓу двете земји.Посебен акцент во разговорите беше ставен на европската интеграција, во пресрет на претстојното ирско претседавање со Советот на Европската Унија, кое започнува на 1 јули. Министерот Муцунски изрази благодарност за принципиелната и континуирана ирска поддршка на политиката на проширување и на европските аспирации на државата.

Притоа, ја нагласи цврстата определба на Владата за продолжување на реформскиот процес и напредокот на европскиот пат, истакнувајќи дека членството во Европската Унија останува стратешка цел и најсилен двигател на демократскиот, економскиот и општествениот развој.

Соговорниците разменија мислења и за актуелните регионални и глобални прашања, при што се согласија дека во услови на зголемени геополитички и безбедносни предизвици, на Европа повеќе од кога било ѝ се потребни единство, солидарност и блиска соработка.

Во рамки на посетата, министерот Муцунски оствари средба и со претседавачот и членовите на Заедничкиот комитет за прашања поврзани со Европската Унија на двата дома на ирскиот парламент.

Притоа, тој изрази благодарност за силната и принципиелна поддршка што Ирска ја дава на политиката на проширување на Европската Унија и на европскиот пат на државата.

На средбата беше разговарано за актуелната состојба во процесот на евроинтеграција, при што министерот Муцунски ја истакна посветеноста на Владата на спроведувањето на реформите, особено во областа на владеењето на правото, борбата против корупцијата и јакнењето на институциите.

Тој потенцираше дека кредибилен процес на проширување, заснован на заслуги и исполнување на Копенхашките критериуми, е од суштинско значење за зачувување на довербата во Европската Унија и нејзината трансформативна моќ во регионот.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вајц за Канал 5: Жалам што билатералните прашања станаа дел од Извештајот за Македонија

„Жалам што билатералните прашања станаа дел од Извештајот за Македонија“, вели во ексклузивно интервју за Канал 5 известувачот за Македонија во Европскиот парламент, Томас Вајц.

Тој признава дека не ја поддржувал спорната терминологија и одредбите кои се однесуваат на билатералните прашања меѓу Скопје и Софија и оценува дека тие не требало да бидат дел од извештајот за напредокот на земјата.

Во видеото погледнете кратко парче од интервјуто кое во целост ќе го емитуваме во Вестите во 18 часот... Со Вајц разговараше Јован Ѓорговски

Тагови: Томас Вајц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЕП го изгласа Извештајот за Македонија, но во финалната верзија останува делот за очекувањата од Историската комисија

Со 411 гласа „ЗА“ 120 против и 120 воздржани, Европскиот парламент го изгласа извештајот за напредокот на Македонија.

Во финалниот текст сепак, како што информираат за Канал 5 од кабинетот на известувачот за земјава Томас Вајц не помина обидот за целосно бришење на ставот 73 од текстот на резолуцијата, односно во финалната верзија останува Вториот протокол од Договорот со Бугарија, барањето историската комисија да постигне „јасни и опипливи резултати“, но и терминот заедничка историја. Гласањето помина без дебата која пак се одржа во текот на вчерашниот ден. Во таа прилика известувачот за земјава Томас Вајц ја повика Европската Унија да ги испорача ветувањата кон Македонија на истиот начин како што Македонија ги направила сите потребни реформи, но и барања за членство.

Со оценката на Вајц за Македонија, но и за целиот регион на Западен Балкан, се согласи и Еврокомесарката за проширување Марта Кос.

Во едночасовната дебата доминираше темата која бугарските европратеници ја покренаа за палењето на автомобилите пред амбасадата во Скопје, но и нивните критики за евроинтегративниот пат на земјава. Дел од нив не ги штедеа ниту обвинувањата за земјава и државно-политичкиот врв

Извештајот на кој беа поднесени над 400 амндмани од кои само стотина беа од бугаските еврорпатеници, претходно помина на комисијата за надворешни работи во Европскиот Парламент.

Во него, како најчувствителни остануваат деловите за спроведување на договорот со Бугарија, работата на историската комисија, како и потврдата дека уставните измени остануваат главниот услов за отворање на првиот преговарачки кластер. Доплнително, за прв пат е вметнат и зборот „фалсисикување“ кој се однесува на бугарски натписи во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.