Технологија

Астрономите откриле непознат објект во вселената, го нарекле „Случајност“

Научниците пронашле ново и донекаде бизарно небесно тело во меѓуѕвездениот простор на нашата галаксија што ги збунило толку многу што му го дадоа прекарот „Случајност“.

Случајност потсетува на кафеаво џуџе, космичко тело сместено помеѓу најголемите планети и најситните sвезди, но не е доволно големо за да предизвика реакции на фузија кои предизвикуваат sвездите да имаат таков сјај.

Но, кафените џуџиња обично се млади предмети, а експертите од Калтек откриле дека Случајност е стар помеѓу 10 и 13 милијарди години. Ова значи дека тие веројатно откриле сосема нова категорија на небесно тело, која досега била непозната за науката.

Случајност го добил својот прекар бидејќи научниците го пронашле ова тело по голема случајност. Официјалното име на ова тело е WISEA J153429.75-104303.3. Се совпаѓа со пригушениот спектар на типично кафеаво џуџе, но сепак гори посилно на други бранови должини, пишува Futurism.

Совпаѓањето всушност ги збунило научниците затоа што било слабо на некои клучни бранови должини, сугерирајќи дека е многу студено (и старо), но во други топло, што укажува на повисока температура.

„Овој објект отстапува од сите наши очекувања“, рекол астрофизичарот Дејви Киркпатрик од Калтек.

Овие навидум контрадикторни податоци - сугерирајќи дека шансата е и невообичаено жешка и студена - на крајот даваат опис на небесно тело кое е двојно постаро од типичното кафеаво џуџе и затоа настанало кога галаксијата имала многу поинаков хемиски состав.

Кога експертите утврдиле дека овој објект е оддалечен околу 50 светлосни години од Земјата, сфатиле дека се движи многу брзо, околу 800.000 км / ч. Ова значи дека Случајност се движи многу побрзо од другите кафеави џуџиња за кои се знае дека се наоѓаат на оваа оддалеченост од Земјата и веројатно долго време орбитира околу галаксијата, наидувајќи на други масивни тела кои ја забрзуваат со нивната гравитација, според НАСА.

"Не е изненадувачки да се најде такво старо кафеаво џуџе, но изненадување е да го најдеме во нашиот двор. Очекувавме да постои ова старо кафеаво џуџе, но исто така очекувавме дека ќе биде неверојатно ретко. Шансата да го најдеме толку блиску до Сончевиот систем е или среќна случајност или тие се почести отколку што мислевме “, рекол астрофизичарот Федерико Мароко од Калтек.

Студијата наречена „The Enigmatic Brown Dwarf WISEA J153429.75-104303.3 (a.k.a. "The Accident") е објавена во The Astrophysical Journal Letters.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Центар со ексклузивна поддршка за македонската музичка сцена по повод 50 години постоење

Четврто издание на традиционалниот музички хепенинг „Нешто што ќе остане“: Општина Центар со ексклузивна поддршка за македонската музичка сцена по повод 50 години постоење.

Скопје се подготвува за уште една вечер за паметење! Во сабота, 12 септември 2026 година, од 20 часот, Паркот на франкофонијата ќе биде епицентар на четвртото последователно издание на традиционалниот музички хепенинг „Нешто што ќе остане“, кој годинава се одржува во духот на големиот јубилеј - 50 години од формирањето на Општина Центар.

Општина Центар и понатаму е единствена општина што преку овој настан недвосмислено ја застапува и поддржува домашната култура, ангажирајќи исклучиво македонски уметници и музички изведувачи. Преку оваа традиција во фокус остануваат промоцијата и поддршката на македонската музичка сцена и домашниот автентичен звук.

Годинава на настанот ќе учествуваат гигантите на домашната урбана сцена. Публиката ќе има ретка можност да ужива во ексклузивниот скопски настап на популарното дуо „Дупер“, а енергијата до максимум ќе ја издигнат Слаткар, еден од највлијателните хип-хоп артисти на нашите простори, како и хитмејкерите 2 Бона. Покрај нив, сцената ќе ја збогатат и извонредните вокали Лина Пејовска и Барбара Поповиќ.

Диригентската палка на целовечерната програма ќе биде во рацете на омилениот и незаменлив македонски актер Сашко Коцев. Со својот препознатлив хумор, непосредност и уникатен шарм, Коцев ќе се погрижи за атмосферата меѓу настапите и ќе ја води публиката низ сите изненадувања на оваа јубилејна вечер.

„Овој хепенинг е подарок за сите жители на Центар и Скопје - вечер посветена на заедништвото, позитивната енергија и поддршката на нашите музички таленти“, вели градоначалникот Горан Герасимовски.

Со „Нешто што ќе остане“ ќе се забавуваат сите генерации. Ве покануваме заедно да го прославиме овој важен јубилеј и да создадеме уште една вечер што ќе се памети!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо му изразил сочувство на Меси по смртта на неговиот татко

Големи ривали, но и големи луѓе.

Двете големи фудбалски ѕвезди кои со своето ривалство на зелениот терен ги одбележаа последните 15 години во светскиот фудбал Португалецот Кристијано Роналдо и аргентинскиот волшебник Лионел Меси покажаа дека нивното ривалството е само на теренот не и во приватниот живот.

Португалецот Кристијано Роналдо упати сочувство до Лионел Меси и неговото семејство.

Еден од најдобрите фудбалери на сите времиња, Кристијано Роналдо, испратил порака за поддршка до Лионел Меси по смртта на неговиот татко Хорхе.

Најважниот човек во животот на аргентинскиот волшебник почина на 69-годишна возраст, по борба со тешка болест.

Ситуацијата за семејството Меси била многу тешка уште за време на Светското првенство, а трагичната вест пристигнала овој викедн во саботата.

Сочувство до Лионел пристигнуваа од сите страни, а посебно внимание привлече емотивната порака од Кристијано Роналдо, со кого водеше големи битки на теренот, како и трката за титулата „најдобар на сите времиња“ (GOAT), која ја подели фудбалската јавност.

„Голема прегратка за тебе и твоите најблиски во овој тежок момент, Лео. Остани силен“, му порача Роналдо на Меси.

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Додека се шири западнонилската треска, институциите молчат – кој ќе одговара?

Додека западнонилската треска се шири, имаме заболени и веќе еден починат пациент, надлежните институции повторно се однесуваат како проблемот да ќе исчезне ако доволно долго молчат.

Ова не е тема за бирократски соопштенија и префрлање на топката од една институција на друга. Ова е јавно здравје и човечки животи.

Според досега објавените информации, епидемија е прогласена во Кисела Вода, Гази Баба, Аеродром, Бутел и Илинден, регистрирани се 26 случаи, а еден пациент е починат. Затоа прашуваме: што правеа институциите додека растеше бројот на заболени?

Кога го добиле првото предупредување? Кога сфатиле дека бројот на случаи расте? Дали и кога е извршена дезинсекција и со каков опфат? Кои биле утврдените ризични подрачја? Колку пари се обезбедени за итни мерки и, конечно, кој ќе понесе одговорност ако било задоцнето со превенцијата?

Не прифаќаме граѓаните да дознаваат од медиуми и социјални мрежи дека во нивната општина е прогласена епидемија, додека надлежните се кријат зад институционален молк.

Комарецот не знае каде завршува една, а почнува друга општина, па затоа е срамно Владата, Министерството, здравствените институции и општините да си ја префрлаат одговорноста додека заразата се шири.

Бараме Владата, Министерството за здравство, Институтот за јавно здравје, Центарот за јавно здравје – Скопје и локалните самоуправи веднаш и јавно да соопштат што презеле досега, што ќе преземат во следните денови и кој конкретно е одговорен за секоја мерка.

За епидемија не се реагира откако ќе почнат да се бројат заболени и починати. Се реагира пред тоа. Тоа се вика превенција. Сè друго е неодговорност што граѓаните ја плаќаат со сопственото здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.