Технологија

Топ 5 заблуди околу полнењето на батеријата на мобилните телефони

Дали полнењето на батеријата во текот на целата вечер го скратува нејзиниот животен век? Еве одговор на многу заблуди во врска со батеријата на вашиот мобилен телефон.

1.Полнењето во текот на ноќта доведува до преоптоварување на батеријата

Иако крајната цел на овој мит не е во целост невистинита, сепак се работи за погрешна претпоставка. Многумина веруваат дека оставањето на телефонот во текот на целата ноќ на полнач може да доведе до проблем со полнењето или до пократок животен век на батеријата. Сепак, паметните телефони се доволно паметни за да спречат преоптоварување на нивните батерии.

Кога батеријата на вашиот уред ќе достигне 100%, автоматски престанува да се полни, проблем може да настане доколку вашата батерија брзо се празни до 99% и тоа доведува до повторно активирање на полначот за да се одржи капацитетот на батеријата и тоа може да влијае на нејзиниот животен век.

Иако е тоа проблем, многу произведувачи денес прават батеријата да се полни побавно кога ќе надмине 80% или слични такви тактики, на тој начин одржувајќи го животниот век на батеријата.

Накратко, полнењето на телефонот во текот на ноќта нема да ја преоптовари вашата батерија.

2.Доколку батеријата секогаш се испразни до крај, ќе трае подолго

Ова можеби има најголем контраефект од сите митови. Оставањето батеријата секогаш да се испразни до крај пред полнење апсолутно не ја штити нејзината долговечност.

Всушност, многу експерти тврдат дека идеалниот начин за користење на батеријата на паметниот телефон е да ја ставите на полнач кога ќе биде на ниво од 20-30% што би требало да биде идеално за долговечноста на батеријата.

3.Полнењето на ладна површина ја штити батеријата

Некои телефони се греат додека се полнат. Како резултат на тоа, многумина сметаат дека е подобро доколку го стават телефонот на ладна површина или пред вентилатор додека се полни.

Иако е вистина дека топлината може да направи телефонот побавен и негативно да влијае на батеријата, поставувањето на лана површина не е решение. Всушност, држењето на ладна површина кога телефонот се полни доведува создавање на метален литиум во батеријата.

Тоа допринесува до уште побрзо празнење.

4. Користењето на телефонот за време на полнење влијае на животниот век на батеријата.

Не, користењето на телефонот додека се полни не влијае на долготрајноста на батеријата.

Единствено влијае врз брзината на полнење бидејќи додека го користите уредот трошите батерија, што не би требало да биде голем проблем доколку на телефонот не вршите нешто што премногу ќе го оптовари уредот додека се полни.

Меѓутоа, бидете сигурни дека не влијаете на животниот век на батеријата доколку го користите вашиот мобилен телефон додека се полни.

5.Вклученото „Wi-Fi“ троши многу батерија

Ова е една од главните заблуди кои многумина ја имаат во врска со батериите на паметните телефони.

Дури и ако „Wi-Fi“ е вклучено цело време додека телефонот е на полнач, тоа троши малку енергија. Многу мал дел од батеријата на вашиот телефон ќе биде истрошен доколку вашето „Wi-Fi“ е постојано вклучено.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер