Со 62 гласа ,,за" е разрешена Министерката за труд и социјална политика, Рашела Мизрахи

Собранието со 62 гласа „за" ја разреши министерката за труд и социјална политика Рашела Мизрахи по рчиси шст часа расправа.

 Премиерот Оливер Спасовски достави до Собранието предлог за нејзино разрешување, а барањето следуваше откако министерката неколкупати се појави на прес-конференција во МТСП пред табла со името „Република Македонија".

Премиерот на седницата за разрешувањето на Мизрахи рече дека несериозно е со Уставот да се играат играчки – кога некому му одговара, да го почитува, а кога треба да добие партиски интерес да го погазува.

-Побарав Мизрахи да биде разрешена по серијата нејзини настапи на кои грубо ги прекрши законите кои го уредуваат уставното име на земјата. Во Владата не го корегираше ова свое однесување. Секој треба да ги почитува Уставот и законите, а институциите мора да функционираат беспрекорно, нагласи премиерот.Тој во дискусијата додаде дека разговарал со Мизрахи , и укажал на прпустот , но таа објавила само демант по прес конференцијата во кој повторно навела дека ќе плати казна од 5 000 евра .,,Затоа реив да ја разрешам" , рече Спасовски.

Во жестоката расправа, пратениците побараа од Спасовски да го разреши министерот за надворешни работи , Никола Димитров, кој и во пријавата во УЈП , како и при објава на оглас за вработувањ во Министерството, го користи името Република Македонија. Тие наведоа и примери во други министерства и институции ,каде што се држат прес конференции под таблата со името Република Македонија. За Мизрахи рекоа дека станува збор за горда Еврејка од Македонија и дека постапката за разрешување е покрената зашто за само месец и половина открила малверзации со надоместоците за нега за трети лица од претходничката Царовска и дека власта се плаши дека во предизборниот приод нема да може да прави злоупотреби во изборни цели на социјалните лица.

-Уште не влезена во Министерството како прва Еврејка во историјата на Македонија назначена за министер во Влада бев мета на антисемитски напади  од лица кои ниту бираат средства, ниту начин, ниту зборови. Па наместо да ја критикуваат мојата работа, ја критикуваа мојата верска и национална припадност и ме обележаа со жолта ѕвезда, истакна Мизрахи .

притисни ентер