Ангеловска: МојДДВ #Моја награда ќе доделува по десет парични награди на дневно ниво

Со новата апликација МојДДВ #Моја награда која започнува од 15 декември, граѓаните освен што ќе можат да го остваруваат правото на поврат на 15 проценти од ДДВ, ќе можат да добијат и десет парични награди на дневно ниво.

Сите граѓани кои скенираат фискални сметки ќе имаат еднакво право и можности да добијат награди.

Ова денеска го изјави министерката за финансии, Нина Ангеловска во одговор на новинарско прашање на прес-конференцијата по повод саемот „Купи куќа, купи стан".

-Сите граѓани кои скенираат фискални сметки ќе имаат еднакво право и еднакви можности да добијат парични награди. Ќе се доделуваат 10 парични награди на дневно ниво, четири награди од по илјада денари, три награди од по 2 илјади денари, три награди од по 3 илјади денари, на месечно ниво ќе има 12 извлекувања за 15 награди по сто илјади денари, и ќе има две главни награди од по 3 милиони денари, рече Ангеловска.

Како што информира министерката, првото извлекување за главната награда ќе биде во март, а второто на крајот на наградната игра во декември 2020 година.

-Со новата апликација граѓаните ќе може и да видат колкав е повратот што го имаат секој момент остварено, колку број на сметки скенирале, и секоја фискална сметка ќе биде потенцијално добитна бидејќи слоганот на кампањата е „Секоја сметка е важна", рече Ангеловска.

Министерката додаде дека наградната игра е надоградување на проектот МојДДВ што е веќе успешен, и појасни дека главната цел на проектот е борба со сивата економија, да се стават граѓаните во улога на контролори, да бараат фискални смети и да пријавуваат кога има нерегуларност.

Дополнително, таа појасни дека граѓаните преку проектот МојДДВ веќе пријавуваат кога има нерегуларности, а со апдејтираната верзија на мобилната апликација, ќе имаат и посебно копче каде ќе можат уште полесно да пријават неегуларности за да потоа УЈП може да постапи.

Ангеловска истакна дека од Управата за јавни приходи е посочено сите граѓани да си ги проверат своите трансакциски сметки во мобилната апликација, а ако немаат трансакцјска сметка или е згрешена да ја апдејтираат за да може да им се изврши исплата на соодветна трансакциска сметка. Таа додаде дека има околу 5 илјади граѓани кои треба да си ги проверат и обноват трансакциски сметки. /МИА

МЗ: Осум починати и 144 нови случаи на Ковид-19

Денеска се регистрирани 144 нови случаи на Ковид 19 – вкупната бројка на дијагностицирани е 16417. Оздравени се 97 пациенти– починати се 8 лица.

Министерството за здравство информира дека во последните 24 часа се направени 1545 тестирања, а регистрирани се 144 нови случаи на ковид-19 во: Скопје-27, Куманово-11, Дебар-3, Штип-5, Прилеп-13, Тетово-13, Велес-4, Битола-5, Охрид-2, Кавадарци-1, Гостивар-8, Гевгелија-2, Струмица-15, Крива Паланка-1, Радовиш-8, Крушево-2, Кочани-13, Македонски Брод-1, Берово-2, Виница-1, Делчево-3, Кичево-2, Ресен-2.

Денеска Институтот за јавно здравје регистрира 97 оздравени пациенти од: Скопје-22, Куманово-33, Штип-2, Прилеп-7, Тетово-2, Струга-1, Битола-4, Гостивар-1, Гевгелија-1, Струмица-1, Крива Паланка-3, Радовиш-1, Крушево-1, Кочани-4, Македонски Брод-1, Берово-2, Виница-1, Делчево-5, Свети Николе-2, Кичево-3.

Починати се 8 лица, еден пациент од Куманово (48г), еден од Штип (65г), двајца пациенти од Прилеп (62 и 83г), еден од Тетово (69г), еден од Струмица (39г), еден од Виница (63г) и еден пациент од Кичево (56г)

Вкупната бројка на ковид дијагностицирани во нашата земја од почетокот на епидемијата изнесува 16417, бројката на оздравени пациенти е 13732, на починати е 683, а во моментов бројот на активни случаи во земјата изнесува 2002. Денеска се регистрира еден контролен од вчерашните тестови, а според завршените епидемиолошки анализи во моментов дистрибуцијата по градови е следна:

• Скопје 6488, активни 567

• Куманово 1655, активни 192

• Дебар 275, активни 40

• Штип 1227, активни 74

• Прилеп 594, активни 123

• Тетово 1348, активни 144

• Струга 639, активни 64

• Велес 300, активни 27

• Битола 264, активни 58

• Охрид 401, активни 48

• Кавадарци 212, активни 36

• Гостивар 890, активни 101

• Гевгелија 99, активни 57 (8 лица од ПЕ Гевгелија се жители на Дојран, 14 на Богданци и 12 се странски државјани)

• Струмица 157, активни 90

• Крива Паланка 91, активни 37

• Радовиш 64, активни 18

• Крушево 20, активни 3

• Кочани 233, активни 85

• Пробиштип 99, активни 19

• Демир Хисар 61, активни 2

• Македонски Брод 88, активни 9

• Пехчево 42, активни 21

• Берово 76, активни 20

• Валандово 14, активни 5

• Виница 97, активни 27

• Делчево 141, активни 73 (29 лица од ПЕ Делчево се од Македонска Каменица)

• Кратово 24, активни 4

• Свети Николе 312, активни 17

• Кичево 299, активни 28

• Ресен 158, активни 11

• Неготино 49, активни 2 (11 лица од ПЕ Неготино се жители на Демир Капија)

Направените 1545 теста се преку: ИЈЗ-460, ЦЈЗ Скопје-56, Авицена-286, Биотек-136, МАНУ -106, Жан Митрев (Филип Втори)-230, Систина со PCR метода -142, лабораторија Лаор –46, Судска медицина-13, ЦЈЗ Битола-49, Инфективна клиника-2, ГАК-10, Синлаб-9, лаборатории од странство-0. Досега во земјата се направени вкупно 172.700 тестирања на ковид -19. Нема тестирања во рамките на скринингот.

На Инфективната клиника во изминативе 24 часа примени се 8 пациенти. Вкупно се хоспитализирани 75 пациенти. На кислородна поддршка се 42 пациенти, нема пациенти на механичка вентилација.

Во болницата во Козле хоспитализирани се 3 деца и 3 мајки позитивни на ковид-19, 6 деца и 6 мајки суспектни на вирусот.

Во ГОБ „8 Септември" примени се 2, а вкупно хоспитализирани се 32 пациенти. На респираторна машина е 1 пациент.

Во болницата во Битола се хоспитализирани 20, а во болницата во Штип се хоспитализирани 45 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 152, позитивни и сомнителни на ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 57

• Гази Баба – 73

• Аеродром - 84

• Карпош – 73

• Центар – 76

• Кисела Вода – 55

• Ѓорче Петров – 28

• Бутел - 32

• Шуто Оризари – 15

• Студеничани – 9

• Сарај – 18

• Арачиново – 9

• Илинден – 14

• Сопиште – 3

• Чучер Сандево – 4

• Петровец – 7

• Зелениково - 2

• Странец – 6

• Нераспределен-2

Одделение за односи со јавноста

Министерство за здравство

Врховен ги потврди пресудите за Јанкуловска, Груевски и Поповски

Врховниот суд по една година преиспитување ги одбижалби на одбраната за пресудата за случајот “Тенк.

Највисокиот суд ги потврди пресудите на скопска Апелација за набавката на блинидраниот Мерцедес, па најдоцна за еден месец упатен акт за издржување на четиригодишната затворска казна ќе добие ексминистерката за внатрешни Гордана Јанкуловска. Поранешниот премиер, Никола Груевски, кој во случајот е осуден на 2 години затвор е во бегство, а третито осуден, Ѓоко Поповски веќе ја издржува затворската казна..

Сега Врховниот суд ќе го извести скопскиот Кривичен суд, поточно судијата за извршување санкции, кој ќе треба да ѝ врачи упатен акт на Јанкулоска за да замине во затвор, во кој ќе биде утврдено во која установа и кога треба да се пријави за издржувањето на казната. Но, ова не значи дека Јакулоска уште денеска ќе биде спроведена, процесот може да потрае и до еден месец се додека написмено се образложи пресудата на Врховен.

Таа досега во неколку наврати го одложуваше одењето зад решетки.Прво, поради тоа што имаше бебе помало од една година, а потоа и поднесе барање за вонредно преиспитување на пресудата, па највисокиот суд одлучи таа да не ја издржува затворската казна додека не одлучи за нејзиното барање.

Ѓоко Поповски, пак, веќе е во затвоР.Тој во овој случај е осуден на 4 години, а претходно беше осуден и на 9 годишна затворска казна за случајот “Триста”, но оваа пресуда Апекацја ја укина ипредметот е вратен на повторно одлучување.

“Тенк” е прв предмет на згаснатото СЈО за кој се преиспитуваат донесените правосилни пресуди. Според пресудата, спроведената набавка на луксузниот блиндиран Мерцедес е незаконска. Експремиерот го нарачал, а Јанкулоска како министер за внатрешни работи со умисла го поттикнала нејзиниот тогашен заменик Поповски да стори кривично дело, злоупотреба на службената должност.

Македонскиот државен архив располага со вредна документација за Гоце Делчев и тоа го знае Бугарија

44 писма во оригинал од Гоце Делчев се складирани во депоата на Државниот архив но и многу други документи од крајот на 19 и почетокот на 20 век. 

Наспроти бугарските тврдења дека документација со единствено вредна научна важност во Мешовитата комисија е онаа што ја нуди официјална Софија, македонските се дека и нашата страна располага со вредна сопствена ,османлиска, европска, бугарска и документација во оригинал произлезена од преписките на личностите како Гоце Делчев,што се предмет на истражување.

44 писма во оригинал од Гоце Делчев се складирани во депоата на Државниот архив но и многу други документи од крајот на 19 и почетокот на 20 век. Оттаму и прашалниците зошто дел од бугарските историчари во Мешовитата комисија за историски и образовни прашања имаат потреба да го негираат овој факт кога и Бугарскиот државен архив има сознанија за вредната историска збирка со која располага Македонскиот архив .

Располагањето со богата документациска граѓа синоќа го потврди и копретседавачот во Мешовитата македонско-бугарска комисија за образовни и историски прашања Драги Ѓоргиев во гостувањето во емисијата ,,Само Вистина“.

За директорот на Државниот архив Крстески , многу од тие документи се основа за нашиот идентитет зашто тие ги содржат почетоците на нашето национално будење и стремежот за создавање македонска држава. Тој гледа контрадиктирност во одбивањето на бугарската страна да прифати европски историчари да го помогнат процесот да се надминат недоразбирањата за Делчев.

Следниот состанок на Македонско-бугарската комисија би требало да се случи на крајот на овој или почетокот на следниот месец. Ѓоргиев вели дека околу Делчев има согласност со бугарската страна околу фактогравскиот дел, проблем претставува содржинскиот односно текстуалниот дел кој ќе ја отслика важноста на Делчев и за двата народа.

Прашањето може да се надмине низ мултиперспективност односно со прифаќање од двете страни за важноста на Делчев и за двете земји и за двата народа.

притисни ентер