Археолозите открија дрвени саркофази во Египет стари 3 500 години (ВИДЕО)

Археолозите откриле дрвени ковчези во градот Луксор во јужен Египет, стари околу 3500 години, соопшти египетското Министерство за антиквитети.

Францускиот археолошки тим во некрополата на ал-Асасиф ги откри зачуваните сарофази.

Три од нив се од 18-та династија (1550–1295 п.н.е.) и се добро зачувани со шарени украси и хиероглифи, рече шефот на египетскиот совет за антиквитети Мустафа Вазири.

Двата ковчези се долги 190 и 195 сантиметри и биле наменети за две жени, а третиот е долг 190 сантиметри, според портпаролот на советот на Луксор, Фати Јасин.

Египет направи серија откритија во последните неколку месеци што би можеле да помогнат во заживување на замрениот туризам, главниот извор на приход на земјата.

Туристичката индустрија е силно погодена од немирите од почетокот на 2011 година против египетскиот диктатор Хосни Мубарак.

Во саботата, Министерството објави дека откриле серија мумифицирани животни кај некрополата Сакари близу Каиро, вклучувајќи свети птици и пет големи мачки. Според првичните тестови, тоа биле младенчиња лавови.

Во октомври, Египет објави дека во Луксор биле откриени 30 добро сочувани дрвени ковчези со мумии стари до 3000 години.

притисни ентер