Едмонд Адеми: На Самитот на ЕПП Мицкоски доби две силни шлаканици на клучни стратешки теми

Самитот на Европската народна партија во Загреб, каде што е членка ВМРО-ДПМНЕ целосно ги порази лицемерните и лажни политики на Христијан Мицкоски.

Освен што се покажа дека едно зборува дома, а друго надвор, Мицкоски доживеа дебакл на клучните стратешки теми.

Со првата резолуција ЕПП заклучи дека ЕУ со неносењето одлука за почеток на преговорите, направила историска, геостратешка грешка.

Тоа е потврда дека од наша страна е направено се, но дека одлуката на ЕУ е поради внатрешни проблеми во самата Унија. Тоа е првата шлаканица за Мицкоски и ВМРО-ДПМНЕ кои виновници бараа внатре во земјата.

Втората шлаканица дојде со втората Резолуција каде ЕПП даде поддршка на сестринската Демократска партија од Албанија, но никаде не споменува поддршка за ВМРО-ДПМНЕ на Мицкоски.

Мицкоски на Самитот пред бугарскиот премиер Бојко Борисов, јавно пред камери кажа дека го поддржува Договорот за добрососедство со Бугарија иако две години зборува токму против тој Договор.

Мицкоски дома зборува дека не го признава уставното име, но на Самитот на ЕПП нема проблем неговата партија да биде претставничка од Република Македонија.

Мицкоски остана заглавен во матрицата на Груевски. Нема програма, нема идеја, нема план, нема став.

Само деструктивно однесување, блокади и обиди за кочење на евроинтегративните процеси.

Со таква понуда Мицкоски и ВМРО-ДПМНЕ може да очекуваат само пораз на предвремените парламентарни избори.

Граѓаните знаат какви последици донесоа овие политики на ВМРО-ДПМНЕ. Цели 11 години евроинтеграциите беа закочени, државата изолирана, скарана со соседите, без перспектива и со неизвесна иднина.

За само 2.5 години сето тоа е променето благодарение на СДСМ.

На 12 април граѓаните ќе потврдат дека државата треба да продолжи на прав пат.

Тоа е патот на интеграцијата во НАТО и ЕУ, во градење на пријателство со соседите, напредок и сигурна иднина.

Едмонд Адеми, претседател на Комисија за надворешни работи на СДСМ

„Само Вистина" со Никола Пановски и Драган Даниловски

Во вечерашната „Само Вистина“ дебатираа Никола Пановски и Драган Даниловски. 

ПАНОВСКИ: Рестриктивните мерки се логични и потребни, иако се невозможни и поради економијата и самите граѓани. За овој мутиран сој на Ковид-19 потребно е и повеќе од 2м дистанца.

ПАНОВСКИ: Можевме да се „шлепаме“ бар со Србија или со останатите земји од Балканот да набавевме заедно, а не да останеме без вакцини. Имавме понуди и од Русија и од Кина, му веруваме на западот, а никој не е излажан како нас.

ДАНИЛОВСКИ: Тие што го прележале вирусот не е веројатно дека нема да стекнат инфекција, но може да поминат со полесни симптоми и да ја шират кон тие што не биле заразени до сега.

ПАНОВСКИ: Апел до автомобилите да возат со отворени прозори, вработените во колективите често да проветруваат.

ДАНИЛОВСКИ: Вакцината е единственото решение за прекин на ширењето на пандемијата.

Повеќе детали погледнете во најновото издание на „Само Вистина".

Во Унгарија бил пронајден коронавирусот во отпадните води

Унгарија  ја прилагодува својата програма за вакцинација, со тоа што да даде што е можно повеќе први дози пред брзото ширење на коронавирусот, соопштиле денеска тамошните власти.

Објавувајќи ја промената, највисокиот унгарски здравствен претставник, Сесилија Мулер вели дека очекува ширењето на коронавирусот да се забрза во следните недели, така што Унгарија ќе ги закажува вакцинациите поинаку, продолжувајќи го периодот помеѓу земањето на двете дози.

„Податоците покажуваат експоненцијално зголемување на инфекцијата“, рече таа на прес-конференција. „Следните недели ќе бидат многу тешки“, додаде таа.

Унгарија, земја со 10 милиони жители, има преку 15.000 смртни случаи од коронавирус,пренесува Ројтерс. Од почетокот на пандемијата, во Унгарија имало 433 000 заразени лица.

Унгарија е прва членка на Европската унија што ги одобрила вакцините од Русија и Кина, што западните сојузници не го гледаат со одобрување, но исто така придонесува за побрза вакцинација бидејќи се примаат вакцини од пет производители.

Унгарија исто така ги зголемила нарачките од западните производители - од првичните 6,5 милиони дози, земјата на крајот ќе добие 10,87 милиони дози вакцини од BioNTech, рече Мулер.

Будимпешта исто така се согласила да ги набави вакцините на Модерна и АстраЗенека и очекува да го стори истото со Џонсон и Џонсон кога ќе станат достапни во ЕУ, рече таа.

Новиот пристап значи дека вакцината на AstraZenecа ќе се дава втор пат по 12 недели, а на Pfizer по 35 дена.

Властите во Унгарија откриле зголемено количество коронавирус во отпадните води низ целата земја, особено во Будимпешта, што овозможува враќање на рестриктивните мерки, предупредува Мулер.

Полицаец, син на бившиот поглавар на ИВЗ, ранет во Ѓорче Петров- двајца приведени

Повредниот полицаец во пукањето во Ѓорче Петров е во добра состојба, со лесна повреда на бутниот мускул, информираа за Канал 5 од болницата 8 Септември...

Полицијата соопшти дека инцидентот се случил попладнево околу 16,40 часот во Скопје, на кружниот тек во населбата Ѓорче Петров кај црквата Св. Петар и Павле, кога лице од возило „Голф“, пукало кон возило „Мерцедес", во кое бил полицискиот службеник З. Р... Неофицијално, ранетиот е син на поранешниот поглавар на Исламската верска заедница, Сулејман Реџепи.

Кој и зошто пукал во неговото возило, МВР се уште истражува..

Инаку З.Р. лани имаше проблеми со внатрешната контрола во МВР, откако се вклучил во живо на „Фејсбук“ и по завршување на работните задачи се снимал како шета по улица за време на полициски час... МВР тогаш најави дисциплинска постапка поради нарушување на угледот на институцијата.

Полицијата вечерва за нападот привела две лица, а повеќе детали се очекуваат утре..

притисни ентер