Меркел во чест на загинатите на Берлинскиот Ѕид :Стоп за омразата и расизмот

Германската канцеларка Ангела Меркел се обрати  на 30-годишнината од падот на Берлинскиот Ѕид и рече дека светот треба да се обедини во борбата против омразата, расизмот и антисемитизмот и ги повика граѓаните да продолжат да се борат за своите права.

„Не постои таков ѕид ,не знам колку широк и висок што не може да се пробие“, рече германската канцеларка, говорејќи во т.н. Капелата на помирувањето, која се наоѓа на местото на некогашниот еродиран простор од Берлинскиот ѕид.

Таа потсети дека, до 1985 година, на ова место стоела Црквата на помирување, која била срушена од властите , затоа што пречела  во граничната контрола на Западен Берлин.

„Тоа не беше ништо повеќе од чин на омаловажување на човечкото достоинство“, рече Ангела Меркел, која до 1990 година, и самата беше источногерманска државјанка.

Обраќајќи им се на гостите во Меморијалниот центар Бернауер Страз, во кој беа вклучени шефовите на држави и влади на источноевропската унија, Полска, Чешка, Словачка и Унгарија, германската канцеларка се сети и на убиените во обидот да го преминат Берлинскиот ѕид.

„Се потсетуваме на оние што беа убиени на ѕидот само затоа што сакаа слобода“, рече Меркел, укажувајќи на 75.000 приведени во ДДР за обидот да избегаат кон Запад.

Германската канцеларка потсети и на други историски настани што се случија на 9 ноември, како што се т.н. Кристална ноќ кога почна организираниот прогон на Евреите  со палењето на синагогата во 1938 година.

„Ние секогаш мора да се бориме за достигнувањата на обединета Европа, како што е демократијата, владеењето на правото и заштитата на човековите права“, рече Меркел, која заклучи дека борбата е „поактуелна од кога било“ во време на глобалните промени.

Комеморацијата на Бернауер Страз е една од манифестациите за 30-годишнината од падот на Берлинскиот ѕид.

Вечерва ќе се одржи централната церемонија пред Бранденбуршката порта , а ќе зборува и германскиот претседател Франк-Валтер Штајнмаер.

Земјотрес кај грчкиот остров Хидра

Слаб земјотрес со јачина од 4 степени по рихтер е измерен југоисточно од грчкиот остров Хидра.

Атинската национална опсерваторија соопштила дека потресот бил забележан во 10:15 во море на 51 километар од островот, пренесе „АНА“.

Како што се наведува епицентарот бил лоциран на 122 километри јужно од Атина.

На лондонскиот аеродром уапсен маж кој подготвувал терористички напад

Се сомнева дека тој учествувал во кривични дела во Сирија.

Британската полиција на лондонскиот аеродром Хитроу, уапсила маж кој пристигнал со лет од Турција заради сомнеж дека извршил кривични дела во Сирија, по што против него е покренато обвинение за тероризам.

Мамун Рашид утре ќе се појави пред судот заради обвинение за подготовка на терористички чин, соопшти британската полиција.

Ројтерс наведува дека тој е уапсен во вторник заради сомнеж дека е вмешан во кривични дела поврзани со конфликтот во Сирија.

Британската агенција, исто така наведува дека Турција почнала од своите затвори да праќа поранешни припадници на ИД во нивните матични земји.

Ројтерс не наведува од која земја е уапсениот Рашид.

Папата на ручек угости 1.500 бездомници

Римокатоличката црква денес го одбележува Денот на сиромашните.

По повод тоа Папата Франциск угости на ручек 1.500 бездомници и луѓе во неволја. Гостите во Ватикан биле донесени од волонтери од хуманитарни групи кои секојдневно помагаат на луѓето во неволја.

На менито на ручекот во Ватикан имало лазањи, пилешко во сос од печурки, компир, колач, овошје и кафе.

притисни ентер