Меѓународниот суд на правдата ја усвои тужбата на Украина против Русија

Украина забележа правна  победа во Меѓународниот суд на правдата на ООН , кој денеска донесе одлука да ја прифати тужба поднесена од Киев против Русија за наводна поддршка на проруски сепаратисти, и покрај барањето на Москва да го отфрли случајот.

Претседателот на судот Абдулкави Јусуф рече дека се исполнети условите за целосно сослушување на случајот. Рускиот одбор на судии со мнозинство ги отфрли украинските наводи .

Судот пресуди дека има надлежност врз случајот заснован на договори за борба против тероризам и антидискриминација, потпишани од обете држави, поради наводна руска поддршка за сепаратистите во Крим и источна Украина.

Во јунско сослушување, Москва побара случајот да биде отфрлен, тврдејќи дека Киев го користи како изговор за да ја оспори законитоста на анексијата на Крим од Русија во 2014 година.

Заменик министерот за надворешни работи на Украина, Олена Зеркал, ја прогласи одлуката за победа на Украина, во изјава надвор од судот „Русија ќе мора да одговори и да ги претстави своите ставови“.

Одлуката може да создаде и преседан што ќе влијае на други случаи со Русија, како што е наводната поврзаност со несреќата на авионот на „Малезија ерлајнс“ во 2014 во источна Украина, при што загинаа сите 298 патници.

притисни ентер