МЗШВ : За две и пол години исплатени 314,5 милиони евра за субвенции за земјоделците - Канал 5

Македонија

МЗШВ : За две и пол години исплатени 314,5 милиони евра за субвенции за земјоделците

Министерството за земјоделство, шумарство и водостопанство заедно со Агенцијата за финансиска поддршка во земјоделството и во следниот период ја продолжува политиката за навремена и неселективна исплата на субвенциите за земјоделците. 

МЗШВ : За две и пол години исплатени 314,5 милиони евра за субвенции за земјоделците

Во реакцијата за протестите на земјоделците во Скопје МЗШВ неведува дека според динамиката за исплата, се подготвуваат решенијата за исплата на субвенцијата за откупена пченица од домашно производство од родот 2018 година, за што во ребалансот се проектирани 40 милиони денари.

Веднаш потоа, следува исплатата на субвенциите за предадени градинарски култури, предадени домати и јаболка, субвенција за површини со поледелски и градинарски култури, овошни и лозови насади, како и за грло добиток. Со ребалансот се проектирани и 40 милиони денари за субвенции за заклани свињи како превенција од појава на болеста африканска свинска чума.

Сумирано, со ребалансот на буџетот, се обезбедени нови 915 милиони денари за субвенции за дополнителни мерки кои ќе ги добијат земјоделците за различни видови производи. Со оваа сума финансиската поддршка за земјоделството годинава достигнува околу 7 милијарди денари, пари кои директно се враќаат кај земјоделците за да ги инвестираат во новото производство.

Досега од 1-ви јуни 2017 година за мерките од Програмата за земјоделство и рурален развој се исплатени над 19,3 милијарди денари или 314,5 милиони евра, по основ на тековни исплати и заостанати долгови од претходните 2013,2014 и 2015 година, кои минатата власт не ги сервисирала навремено.

Земјоделството е сектор кој за Владата преставува еден од приоритетните, за којшто заеднички со земјоделците се креираат мерки коишто ќе придонесат за раст на економијата, за конкурентно земјоделство, поголеми приходи за земјоделците и крајно за вреднување на трудот на земјоделецот.

По барање и во консултација со сточарите, деновиве Владата донесе одлука за нова дополнителна субвенција за предадено јагне во износ од 400 денари, со цел да се намалат загубите на одгледувачите на овци поради ниската откупна цена.

Во два дена се исплатија вкупно 195 милиони денари за дополнителната субвенција од 5 денари за килограм предадена оризова арпа и за субвенцијата за предадено млеко, пари коишто директно легнаа на сметките на вкупно 7.872 земјоделци.

МЗШВ заедно со Платежната агенција изминатите две и пол години креираше мерки за подобрување на состојбата во земјоделството, за покривање на загубите што земјоделците ги претрпуваа поради пазарните услови и временските непогоди, се решаваа долгогодишни проблеми, а субвенциите се исплаќаат навреме пред почетокот на производствената сезона.

Се реши долгогодишниот проблем на лозарите, Владата на РСМ донесе одлука за исплата на долгот што винарските визби Повардарие, Стефани и другите регистрирани винарници го имаа кон лозарите за предаденото грозје во 2014 и 2016 година. Се исплатија над 1 милион и 250 илјади евра на 2.048 лозари. Претходно, се исплатија 9 милиони евра за основната субвенција за одржување на лозови насади, а над 1 милион евра се исплатија на сметките на 6.240 лозари, за дополнителната субвенција од 1 денари за килограм предадено грозје во регистрираните винарски визби. Во следниот период ќе биде донесена и одлука за интервентна мерка за лозарите за годинешната реколта.

Во делот на овоштарството, навреме се исплати основната субвенција за одржување на овошни насади. За овошните култури предадени во преработувачки капацитети се исплатени 75 милиони денари на 1.460 земјоделци, од кои само за предадени јаболка се 39,5 милиони денари. Дополнително со ребалансот се планирани 160 милиони денари за исплата на дополнителната субвенција од 3 денари за килограм предадени индустриски јаболка кај откупувачи.

Развојот на стратешките извозни култури е приоритет на МЗШВ. Затоа се донесе нов модел за повисоки субвенции за тутунарите во три нивоа. Субвенцијата за прва класа е 80 денари, за втора 70 денари за трета и останатите класи 60 денари за килограм. Сите субвенции за тутунот од реколта 2018 се исплатени, или вкупно 28 милиони евра. Последните две години се постигна највисока откупна цена на тутунот, односно за реколта 2017 цената беше 217,6 денари, а за реколта 2018 откупната цена беше 214,2 денари за килограм.

Во насока на порентабилно и поконкурентно производство, Владата за прв пат воведе мерка за поевтино гориво за земјоделска механизација, 30 отсто од трошоците ги покрива државата. Со мерката се опфатени околу 55.000 земјоделци што имаат поледелски и градинарски култури, овошни и лозови насади. Со оваа мерка се враќаат околу 200 милиони денари назад кај земјоделците. До денеска со помош на зелените картици земјоделците имаат наточено гориво во вредност од 71,6 милиони денари.

Министерството за земјоделство, шумарство и водостопанство и во следниот период ќе ја продолжи политиката на навремена и неселективна исплата на субвенциите, отворена и транспарентна комуникација со земјоделците за креирање на заеднички и развојни мерки за земјоделството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Рено развива воено возило без екипаж, наскоро почнуваат теренските тестирања (ФОТО)

Renault, во соработка со белгиската компанија John Cockerill, го претстави Forefront, концепт на беспилотно електрично возило за сите терени. 

Рено развива воено возило без екипаж, наскоро почнуваат теренските тестирања (ФОТО)

Наменето е за воени и цивилни задачи во опасни или тешко достапни области, каде што испраќањето луѓе би претставувало ризик.

Наместо класичен теренец, партнерите развија модуларна платформа која може да се управува од далечина. Два електрични мотори обезбедуваат погон на сите четири тркала, а управувањето со сите тркала го олеснува маневрирањето на тежок терен и во тесни простори, според Рено.

Домет од околу 400 километри

Очекуваниот домет е околу 400 километри, а можно е да се зголеми со системот за проширување на дометот. Целниот носивост е до еден тон. Тивкиот електричен погон треба да биде корисен во операции каде што намалувањето на бучавата е важно.

Според податоците на Renault, возилото може да совлада искачувања со наклон до 60 проценти. Модуларната конструкција овозможува прилагодување на различни задачи и инсталирање на потребната опрема.

Не е само за војската

Можните воени апликации вклучуваат логистичка поддршка, транспорт на опрема, собирање разузнавачки информации, надзор и извидување, операции против беспилотни летала, огнена поддршка и евакуација.

Forefront би можел да служи и за цивилна заштита, логистика и интервенции во опасни работни услови. Целта е да се овозможи извршување на задачи на места каде што луѓето би биле изложени на опасност.

Заедно со далечинското управување, се развиваат и автономни функции, со крајна цел целосно независно движење на платформата со соодветни безбедносни системи.

Ќе следат теренски тестови

Renault ја разви платформата врз основа на докажани автомобилски компоненти и искуство со електрични погони и батерии. Џон Кокерил е задолжен за системите за далечинско управување, автономните функции и прилагодувањето кон воените потреби.

Француските вооружени сили, исто така, учествуваа во развојот. Во наредните недели, Forefront ќе учествува во вежби и тестирања, по што тимот за развој дополнително ќе го прилагоди возилото врз основа на корисничкото искуство.

Досега, датумот на почеток на сериското производство и датумот на пуштање во употреба не се објавени. „Форфронт“ останува концепт преку кој „Рено“ и Џон Кокерил ги демонстрираат можностите за заеднички развој на беспилотни возила.

Тагови: возило Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ужас во градинка во Израел: Директорка и две негувателки се обвинети за 400 напади над шестмесечни бебиња

Директорката на приватна градинка во Израел и две негувателки се обвинети за повеќе од 400 точки на обвинение за злоупотреба на бебиња и мали деца, објавија денеска израелските обвинители.

Ужас во градинка во Израел: Директорка и две негувателки се обвинети за 400 напади над шестмесечни бебиња

Обвинението е поднесено против директорката на приватна градинка во Ариел, град на Западниот Брег, и две наставнички од истиот објект, објави „Тајмс оф Израел“.

Тие се обвинети за повеќе од 400 точки на обвинение за злоупотреба, како и напади врз 17 бебиња и мали деца, некои на возраст од само шест месеци.

Директорката на градинката Лучик, 37-годишната Наталија Кисилевски и негувателките Дарина Халупа и Ана Пагелски, беа обвинети во Централниот окружен суд во Лод.

Тие се обвинети, меѓу другото, за кривични дела злоупотреба на малолетно или беспомошно лице.

Видео објавено од јавната служба Кан прикажува неколку вознемирени родители како се соочуваат со обвинетите додека обезбедувањето ги води.

Обвинителството побара сите тројца обвинети да останат во притвор до крајот на судската постапка.

Тагови: градинка Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Плејбој близначки открија што барал Хефнер од нив во вилата: Одвратно

Кариса Шенон, поранешната девојка на основачот на „Плејбој“, Хју Хефнер, изнесе сериозни нови обвинувања за времето поминато во неговата вила. 

Плејбој близначки открија што барал Хефнер од нив во вилата: Одвратно

Манекенката и нејзината сестра близначка Кристина се преселија во резиденцијата на „Плејбој“ во 2008 година како нови девојки на Хефнер и живееја таму до 2010 година. Кариса сега ги потврдува тврдењата на вдовицата на Хефнер, Кристал Харис, дека тој се обидел да ги принуди на инцестуозна врска пред него, пишува „Ентертејнмент Викли“.

„Сакаше да гледа“

Во разговор за „Пејџ Сикс“, Кариса ги опиша барањата на Хефнер. „Се обидуваше да нè принуди мене и сестра ми да спиеме еден со друг. Сакаше да го гледа тоа и сакаше да се забавуваме еден со друг. Рече дека ќе го направиме тоа заедно ако навистина се сакаме“, рече таа.

Сепак, моделот нагласи дека таа и нејзината сестра никогаш не се согласувале со неговите барања и секој пат го изведувале целиот чин.

„Сестра ми и јас всушност никогаш не го направивме тоа. Сакам да го разјаснам тоа. Навистина никогаш немавме инцестуозен секс. Никогаш не го правевме. Го глумевме. Го глумевме секој пат. Беше ужасно. Целосно го преправавме“, објасни таа.

Додаде дека таа и Кристина однапред се договориле како ќе продолжат. „Сестра ми и јас разговаравме за тоа. Рековме: „Ајде само да се преправаме.“

Хефнер „немаше поим“

Кариса верува дека Хефнер никогаш не сфатил дека сестрите само глумат и бил убеден дека сè е вистинско. Таа забележала дека самата идеја за инцестот на сестрите Шенон го правела „среќен“ затоа што мислел дека е „прекрасно“.

Ова не е прв пат Кариса да изнесува сериозни обвинувања. Во документарната серија „Тајните на Плејбој“, таа ги спореди сексуалните односи со Хефнер со силување. „Секој пат кога го правев тоа со него, тоа беше напад. За мене, тоа е како силување“, рекла таа во тоа време, како што објави списанието PEOPLE.

Потврда од вдовицата на Хефнер

Тврдењата на Кариса Шенон се совпаѓаат со оние што претходно ги изнесе вдовицата на Хефнер, Кристал Харис. Таа во емисијата „Lisa Guerrero Unleashed“ изјави дека Хефнер се обидел да ги присили близначките да имаат секс една со друга.

„Во спалната соба се случувале работи што едноставно не биле во ред“, рече Харис. Таа објасни како се обидел да им ги „турне“ главите една кон меѓуножјето „за да ги натера да имаат секс“. Заклучи: „Тоа е инцест и е одвратно“.

Харис додаде дека ѝ олеснало кога сестрите добиле шанса да се „оддалечат“ од Хефнер. „Си помислував: „Фала му на Бога. Излезете од тука, девојки. Ќе го решиме ова“. Не сакав да мора да го прават тоа една со друга. Беше многу, многу тешко“, рече таа.

Тагови: Плејбој Хју Хефнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер