Пецас: Грција ги собира скршените парчиња од надворешна политика на Ципрас, Коѕијас и Каменос

Владата на Киријакос Мицотакис реагираше многу брзо за да ги заштити националните интереси и да ја врати позицијата на Грција во нашиот регион, но и нашиот кредибилитет во Европа.

Грција ги собира скршените парчиња од надворешна политика на Ципрас, Коѕијас и Каменос, граѓаните знаат дека претходната влада, четири и пол години ја направи Грција статист во Европа, вели заменикот министер под премиерот и портпарол на грчката влада, Стелиос Пецас во писмената изјава – одговор на коментарот на Ципрас објавен утрово на Фејсбук jави дописничката на МИА од Атина.

-Владата на Киријакос Мицотакис реагираше многу брзо за да ги заштити националните интереси и да ја врати позицијата на Грција во нашиот регион, но и нашиот кредибилитет во Европа. Како што произлегува и од постигнатото во првите 100 дена во надворешните прашања, од однесувањето на нашите партнери и од натписите на странски медиуми, Грција одново станува протагонист. Сè друго се лаги, фантазии и правдање за вината, вели Пецас.

Како што претходно објави МИА, лидерот на СИРИЗА и поранешен премиер на Грција, Алексис Ципрас, преку Фејсбук упати критики до актуелната грчка влада критики за пасивност и улога на статист во регионот велејќи дека „во моментот кога ЕУ е соочена со последиците од трагичната одлука да не даде зелено светло за интегративен процес на Македонија, Грција се чини дека е целосно отсутна од случувањата во нејзиното соседство".

ДЗС: Најголем број слободни работни места во услужните дејности и продажба

Во третото тримесечје од 2020 година, стапката на слободни работни места изнесува 1.69 проценти, покажуваат податоците на Државниот завод за статистика. 

Најголем број слободни работни места, односно 3.227 има во петтата група на занимања – Работници во услужни дејности и продажба.

Највисока стапка на слободни работни места од 4.69 % има секторот Објекти за сместување и сервисни дејности со храна, додека најмала стапка од 0.17 % бележат секторите Снабдување со електрична енергија, гас, пареа и климатизација и Јавна управа и одбрана; задолжително социјално осигурување.

Деловните субјекти со број на вработени од 3 до 9 имаат највисока стапка на слободни работни места која изнесува 2.44 отсто.

Податоците на ДЗС Источниот Регион има највисока стапка на слободни работни места која изнесува 2.11 проценти.

Децата на Марадона во битка за неговото наследство

На повидок е класична латино сапуница со многу епизоди, патетитка и немилосрдно сплеткарење околу богатството на Марадона што се цени на 75 милиони долари.

Во војната се впуштаат пет признати деца на Марадона но и шест чии мајки тврдат дека се од тајните врски со аргентинецот.

Специјализирани портали што се занимаваат со парите на славните тврдат дека марадона има потрошено над 500 милиони долари но дека сепак остава прилично добра сума.

Истите медиуими тврдат дека најагресивни во приграбувањето на парите ке бидат трите признати кекрки Далма, Џанина и Јана.

Нов сообраќаен режим околу ТЦ „Буњаковец"

Нов сообраќаен режим околу ТЦ „Буњаковец" и подигнати пешачки платоа во близина на основите училишта и градинките во општина Центар

Општина Центар од денеска започнува со имплементирање на нови сообраќајни решенија на повеќе локации во општината. Во тек е изведба на три издигнати пешачки платоа за смирување на сообраќајот кој се одвива во зона на детските градинки и општинските основни училишта.

– Трите издигнати пешачки платоа се изведуваат на улиците „Никола Тримпаре", „Апостол Гусларот" и улицата „9 Мај", во непосредна близина на општинското основно училиште „Јохан Хајнрих Песталоци", матичниот објект на градинката „13 Ноември" и клонот Наум Наумовски Борче на градинката „Кочо Рацин", известуваат од Општина Центар.

Дополнително ќе бидат изведени и други шест пешачки платоа, со што ќе се зголеми безбедноста на пешаците и на децата кои престојуваат во градинките и посетуваат настава во основните училишта, а ќе биде поставена и нова вертикална и хоризонтална сообраќајна сигнализација.

Овие зафати се изведуваат со целосна сообраќајна проектна документација, што е одобрена од СВР Скопје и Град Скопје, наделжни институции за оваа проблематика.

Од општината информираат дека изведбата на пешачките платоа ќе биде готова до крајот на оваа година, а поради градежните зафати ќе се изврши и времена измена на сообраќајот.

„Апелираме до граѓаните за трпение и разбирање во период додека траат градежните работи, со цел ефикасност на изведбата и поскоро пуштање во употреба на издигнатите пешачки платоа", истакнаа од Општина Центар.

Покрај ова, општината го најави и новото сообраќајно решение за делот околу трговскиот центар „Буњаковец". Поради оштетувањата на знаците, после десет години, во реонот на ТЦ „Буњаковец" ќе се постави нова хоризонтална и вертикална сообраќајна сигнализација.

притисни ентер