Ново свирепо насилство врз бездомни животни

Непријатна глетка овој пат на обезглавени мачки ги пречека жителите на зграда во скопско Ново Лисиче.

Јавно никој не сакаше да говори, но зад камерите жителите ни зборуваа дека се видно вознемирени од случајот – дека некој од соседството може да направи таков грозоморен чин, на место каде постојано се движат и играат деца.

Од невладините за заштита на животните бараат од институциите да ги засукаат ракавите и сериозно да пристапат кон решавање на овие случаи, кои за жал стануваат се почести.

„Институциите се премногу инертни, едноставно не ја согледуваат сериозноста на овие дела. Ние баравме и законски измени, баравме проширување на законот за полиција, дури ние баравме да ни се дадат некакви инспекциски ингеренции во рамки на законот за благо состојба на животните, бидејќи тој беше поподатлив за менување, меѓутоа законодавното тело не дозволува. Едноставно нема слух за работите да се придвижат кон подобро.“

На сличен грозоморен настан пред само 1 месец сведоци беа и жителите на скопски Аеродром каде до смрт беа искасапени 2 бездомни кучиња, миленици на целото маало. Полицијата отвори случај, но се уште трага по сторителот, на кого му се заканува затворска и парична казна од 3 илјади евра, според законот за благосостојба на животните. Пред само една недела пак, лишен од слобода беше скопјанец кој со пиштол пукал по кучиња.

Додека шведската репрезентација игра на Европското, Ибрахимовиќ „брои палми“ на Мајорка (ВИДЕО)

Шведска одлично се пробива на Европското без најдобриот стрелец во историјата и има четири бода од првите два натпревари, но нејзините играчи и навивачи би сакале со нов да биде и Златан Ибрахимовиќ.

Сепак, Златан за тоа време ужива во Мајорка. Тој на Инстаграм објави видео на кое тој е гол и без раце вози велосипед на патека покрај морето. Тоа видео доби милион лајкови.

За потсетување, стрелецот на 62 гола за Шведска се врати во репрезентацијата пред три месеци по скоро пет години.

На два квалификациски натпревари за СП, тој постигна два гола и стана најстариот (39) репрезентативец во историјата на неговата земја.

Ќе одеше на Европското првенство доколку не го повредише коленото додека играше за Милан непосредно пред објавувањето на списокот на репрезентативци.

Па така, наместо да оди на ЕП, тој тргна на крстарење по Медитеранот со својата јахта вредна 20 милиони евра.

Ferrari SF90 Stradale како инспирација за патики (ФОТО)

Puma и Ferrari имаат заеднички производ.

Неговото име е ION F, а станува збор за патики инспирирани од автомобил на Ферари. Некои делови од патиката ги имаат истите материјали, додека некои други детали се дизајнерски поврзани со Ферари. Така, задниот рефлектирачки панел TPU е опкружен со СТП пена, и е естетски дизајниран да наликува на предниот спојлер на хиперспортскиот автомобил.

Патиките имаат мрежен материјал во горниот дел и доаѓаат со интегриран плетен чорап. Наместо класичните патенти, инсталиран е магнетски механизам, кој треба да биде поврзан со G силите во Ферари, како што поминува на свиоци со полн гас. Секако, логото на Ферари јасно кажува за што станува збор.

Непотребно е да се каже, црвената боја доминира, но исто така е достапна и во црна боја. Цената е околу 400 фунти.

Мајкл Џордан е шампион и во риболов (ВИДЕО)

Ненормалната компетитивност што ја внесува во секоја борба,не само на кошаркарскиот терен,туку и на терените за голф, масите за покер или додека со неговиот чувар фрлале паричка што е можно поблиску до ѕидот, е главната карактеристика на Мајкл Џордан.

Сега тој ја однесе на морето.

Шесткратниот шампион во НБА лигата учествува втора година по ред на турнирот Big Rock Blue Marlin Tournament во Северна Каролина. Веќе на првиот натпреварувачки ден, неговиот осумчлен екипаж на јахтата Фати 23, именуван по неговиот број на дресот, улови 11,5 килограми тешка риба махи-махи, што е најтешкиот улов на денот во таа категорија.

Минатата година неговиот екипаж фати риба сабјарка тешка над 200 килограми, што беше четврти најголем улов на денот на натпреварот.

притисни ентер