Зајакнати капацитетите на Работниот комитет за интеграција во НАТО

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен.

Работниот комитет за интеграција во НАТО имаше тренинг семинар во  Европскиот центар за безбедносни студии „Џорџ Ц. Маршал" во Гармишпартенкирхен каде членовите на комитетот детално се запознаа со начинот на кој функционира НАТО во однос на внатрешните постапки и процедури на земјите членки.

Членовите на комитетот добија информации и искуства и од некои од поновите земји членки на Алијансата како што се Словенија, Словачка и Хрватска во однос на нивниот процес на интегрирање во НАТОи функционирањето како полноправна членка на НАТО.

– Оваа размена на искуства и добри практики ќе биде корисна бидејќи доаѓа во финалната фаза на интеграција во НАТО на нашата земја. Република Северна Македонија ќе биде 30-та земја членка на НАТО и тоа е неповратен процес. Процесот на ратификација на Пристапниот протокол за членство во НАТО веќе е завршен во 22 земји членки на НАТО. Преостанатите седум земји членки ќе ја завршат ратификацијата согласно нивните домашни политички процеси, велат од владината прес- служба од каде вечерва информираа за овој треминг семинар.

Оттаму велат дека прашањето на полноправно членство е техничко, односно не се очекуваат никакви проблеми со ратификацијата во која била од земјите, единствено е прашање на време кога тоа ќе се случи, зависно од процедурите на институциите во земјите.

Полноправното членство ќе се заокружи кога ќе се заврши ратификацијата на протоколот во сите земји членки, и финално кога ќе биде ратификуван во нашиот Парламент. Процесите на интеграција на последните земји членки траеле од година до година ипол.

Работниот комитет за НАТО интеграција е интер-институционална работна група која е задолжена за изработка и имплементација на Програмата за континуирани реформи за членство во НАТО. Тоа е оперативното работно тело што ги има обврските за подготвува на Република Северна Македонија за членство во НАТО. /МИА

Надлежните алармираат да нема нов закон за зелените пазари

Нема потреба од закон за пазари со кој само се ставаат продавачите на трошок, сметаат од групацијата на организатори на пазари при Стопанската комора.

 Донесените измени на законот за трговија според кои тезгаџиите требаше да извадат лиценца од комората на трговци според стопанската комора е непотребно бидејќи сите области се регулирани со 11 другите закони, УЈП има увид кој се продава по пазарите што може да се регулира само со класична лиценца која нема да ги оптоварува пазарџиите заради што сметаат дека наместо да се применува од нова година да се укине законот за трговија на зелените пазари.

Од комората на трговци која треба по законот да ги издава лиценците и која од 2005 година се залагаше да се најде вакво законско решение за тезгаџиите  се зачудени од ставот на организаторите на пазарите кои работат по сосема други закони. Тие го повторија својот став дека законот е во полза на сите кои имаат тезги и дека е најдоброто решение кое успеале да го договорат со владата за да се сузбие сивата економија.

Ако почне да се применува од нова година одложениот закон тоа ќе значи дека секој тезгаџија треба да има лиценца која чини 60 евра за една тезга и по 40 евра за секоја дополнителна. Во земјава има околу 20 илјади тезги кои годишно државната каза ја полнат со околу 5 милиони евра а околу 800 илјади евра секоја година зема сивата економија.

Стада овци го парализираа центарот на Мадрид (ВИДЕО)

Стада овци вчера ги заменија автомобилите во главниот град на Шпанија.

Станува збор за редовна миграција на овците , кои шпанските овчари ги водат низ центарот на Мадрид.

Настанот, кој што се одржува еднаш годишно од 1994 година, им овозможува на овчарите да ги користат традиционалните патишта за миграција на добитокот од северна Шпанија до јужните пасишта што се користат за зимска испаша.

Пред неколку века трасата минувала низ неразвиени села, но денес поминува низ центарот на Мадрид и минува низ некои од најпознатите улици.

Според договорот од 1418 година, овчарите платиле симболична сума од 50 средновековни монети за преминување на околу 1.000 овци низ Сол Сквер и Гран Стрит.

Стадото од околу 2000 мерино овци и сто кози во неделата го преплави центарот на Мадрид.

Дали ќе се формира Инспекторат за имплементација на Законот за употреба на јазиците ?

Нецели 24 часа откако лидерите договорија датум за предвремени избори, пратениците влегоа во жестока дебата за собирање политички поени.

Наместо да се дискутира за формирање  Инспекторат кој би го контролирал спроведувањето на Законот за јазици, фокусот се премести на нацрт-извештајот на Венецијанската комисија, кој неодамна протече во јавноста.

Опозицијата обвини дека извештајот е правна шлаканица за власта, која ургирала забелешките се уште да не бидат објавени.

Од мнозинството пак одговорија дека опозиционерите манипулираат со интерпретацијата на содржината на Законот, а дека токму премиерот Зоран Заев инсистирал на мислење од Венецијанската комисија.

За дел од албанската опозиција Законот за јазици не ги оправдува очекувањата, а од ДУИ пак велат дури и Венецијанската комисија нашла само минорни забелешки.

Денеска во второ читање се расправаше за предлог-Законот за формирање Инспекторат за употреба на јазиците, кој произлегува токму од Законот за јазиците.

притисни ентер