Москва изненадена :Американски шпион работел во близина на Путин

Во непосредна близина на рускиот претседател Владимир Путин , неколку години работел агент на ЦИА, открива телевизијата ЦНН.

Агентот работел во руската амбасада во САД , а потоа и во администрацијата на претседателот Путин. Во 2017 Американците , во страв дека ќе биде откриен , претпоставувајќи дека Русите им се на трагата , го префрлиле агентот заедно со сопругата која работела во руската влада и трите деца преку Црна Гора назад во САД .

Тајниот шпион на ЦИА, според американските и руските медиуми, најверојатно е Олег Смоленков. Тој го имаше статусот „државен советник од трета класа, еквивалент на рангот на генерал мајор.

И сега го следи најинтересниот дел од новата шпионажа сага достоен за Студената Руско-американска воена шпионажа: Виновник за повлекувањето на еден од најкорисните шпиони на ЦИА , кој беше најблиску до Путин не беше никој друг туку претседателот Доналд Трамп.

Имено, во интервјуто со министерот за надворешни работи на Русија, Сергеј Лавров, тој изгледа дека се пофалил со супер тајни информации, кои ги добил во Лангли од неговиот вреден и сигурен руски крт. Се чини дека Русите малку се изненадиле од тоа како Трамп ја знае оваа информација . Си-Ен-Ен, што го откри сето ова, соопшти дека Трамп во тој разговор им дал некои други доверливи информации на Русите. Трамп и Лавров разговарале во мај 2017 година во Белата куќа, а после тоа, се одвиваше сè како да е во напнат трилери. Имено, во јуни Олег Смоленков со сопругата и трите деца заминува во Црна Гора на одмор. Тоа е местото каде им се губи трагата. Русите не направиле многу врева. Американците молчат. Црногорците можеби немаат поим. Никој јавно, не поставува прашања каде исчезна семејството на еден висок руски службеник, кој имал пристап до бирото на Путин во Кремљ.

На почетокот на септември 2017 година, во Москва се отвора случајот „убиство“ и ништо повеќе.

Според Си-Ен-Ен, агентот испраќал доверливи документи до Американците од папките на Путин. Тој, наводно, испратил информации според кои Путин лично дал наредба да се хакираат информации за време на кампањата на Трамп . Токму оваа информација дојдена директно од тајните документи на Путин ја натера ЦИА да започне истрага за „вмешаноста на Русите во изборите во САД“, која и сега се провлекува зад Трамп и неговата кампања.

Смоленков е со семејството, според НБЦ, сместено недалеку од Вашингтон, во прилично убав замок. Осврнувајќи се на страниците за продажба на домови во Вашингтон Пост, московскиот комесар наведува дека во 2018 година Олег и Антонија Смоленков купиле куќа од 760 метри квадратни на имот од 1,2 акри во градот Стафорд, Вирџинија. за 925 илјади долари. Дури е објавена и фотографија од имотот. Но, тогаш, сè уште не било познато кои  се тие мистериозни руски доселеници. Денес нивната куќа е под заштита, а известувачите на НБЦ кои сакаа да ја снимат куќата беа брзо избркани од неколку „горили“.

Секако, портпаролот на ЦИА, Бретањ Брамел, изјави дека информациите на Си-Ен-Ен биле неточни, а „шпекулациите дека Доналд Трамп несовесно ги предал информациите на Русите“, што довело до „спасување на агентот“, не биле точни. Самиот Трамп изјави дека „немал поим“ и дека ЦИА „добро одговорила“. Меѓутоа, Русите тврдат дека сето ова е „лажна вест“ и „американска параноја“. Си-Ен-Ен ја фабрикува параноидната заблуда - изјави извор од руското Министерство за надворешни работи, а членот на парламентарниот комитет за одбрана и безбедност Франк Клинчевич на својот Фејсбук профил напиша дека „Си-Ен-Ен се обидува да го дискредитира американскиот претседател“ и дека „нема теорија дека станува  збор за некаков американски информатор во рамките на руското раководство “.

Како и да е, Олег Смоленков работел во близина на Путин, имал пристап до класифицирани информации , „исчезнал“и се појавил во Соединетите држави без притоа да предизвика големо внимание во јавноста.

Жаклина Лазаревска: ВМРО-ДПМНЕ и Мицкоски се против поголема минимална плата и против стечајците затоа кочат во Собрание

Пратениците на ВМРО-ДПМНЕ кои членуваат во Комисијата за труд и социјална политика вчера одбија да дискутираат за измени на законот кои предвидува зголемување на опфатот на стечајци кои ќе бидат обесштетени од државата.

Истовремено, по завршување на дискусијата за Законот за минимална плата, одбија да го стават предлогот на гласање, за тој да продолжи во понатамошна расправа.

ВМРО-ДПМНЕ научена на земање од граѓаните, уште еднаш покажа дека е против ново зголемување на минималната плата овој пат на 14.500 денари.

ВМРО-ДПМНЕ и Мицкоски не можат да се помират со тоа што парите веќе не завршуваат во белиот дворец и затоа се против секоја мерка што носи пари кај граѓаните.

Ништо ново од ВМРО- ДПМНЕ, опозициската партија останува заглавена во криминалната матрица на Груевски.

11 години ВМРО-ДПМНЕ беше против зголемување на платите, 11 години ги игнорираше стечајците и ја злоупотребуваше нивната мака, а денес оваа партија го прави истото и како опозиција.

Јасно е, ВМРО-ДПМНЕ и Мицкоски не сакаат минималната плата да порасне на 14.500 денари. ВМРО-ДПМНЕ и Мицкоски не сакаат да се зголеми опфатот на стечајни работници кои ќе добиваат месечен надоместок до пензионирање за кончено да се реши долгогодишната неправда.

Деструкција, грабање на парите на граѓаните и блокирање на секоја мерка што го унапредува животниот стандард на семејствата. Тоа е понудата на ВМРО-ДПМНЕ и Мицкоски.

Граѓаните, јавноста го ценат таквото однесување на ВМРО-ДПМНЕ. Затоа на 12 април одново ќе ја поразат нивната антидржавна и деструктивна матрица. Граѓаните на 12 април ќе дадат поддршка на концептот што носи повеќе пари во семејствата и ќе потврдат дека државата е на прав пат.

Жаклина Лазаревска, пратеничка од СДСМ и коалицијата

ВМРО-ДПМНЕ: За три години власта не стори ништо за подобрување на здравствениот систем

СДСМ и Заев продолжуваат да ги манипулираат граѓаните.

Ветуваа 100.000 денари за здравствени работници, поминаа три години се уште нема ништо од ветеното.

За три години мандат Зоран Заев и Венко Филипче ништо не сторија за подобрување на здравствениот систем.

Засметувањето на дежурства и други ставки на име плата, како истата би изгледала поголема е манипулација и поигрување со лекарите, нивниот труд и мака.

Власта ги изигра и административните работници во здравството, останаа извисени.

На 12-ти април граѓаните ќе ги казнат Зоран Заев и Филипче за урнисување на здравствениот систем. На 12 април следува обнова на Република Македонија.

Центар за комуникации на ВМРО-ДПМНЕ

Филипче: Можно одделување на администрацијата во здравството од останатата администрација

Администрацијата која работи во рамките на јавните здравствени установи не можеме да ја одделиме од останатата администрација која работи во останатите сектори. 

Тоа беше единствена причина зошто зголемувањето на платите  во здравството кое го направивме на почетокот на оваа година, важеше за сите освен за административците. Тие зголемувањето од пет проценти го добија од септември, како и администрацијата во секој друг сектор. Имавме повеќе средби по зголемувањето на платите во јануари со цел да видиме дали заради спецификата на работата администрацијата која работи во здравствениот сектор може некако да се оддели од останатата администрација.

Ова денеска го истакна министерот за здравство Венко Филипче, кој рече дека во однос на административниот технички персонал имале разговори со претставниците на двата синдикати.

–  Ќе следат разговори не само во рамките на нашиот сектор, туку и со претставници на Министерството за информатичко општество и администрација да видиме дали можеме да го направиме тоа, додаде Филипче, одговарајќи на новинарско прашање за реакцијата на административно техничкиот персонал, кој бара зголемување на платите, по најавеното зголемување на платите на здравствениот персонал./МИА

притисни ентер