Димитров и Османи утре во работна посета на Данска

Во рамки на посетата, како што е најавено, предвидени се одделни средби со министерот за надворешни работи на Данска, Јепе Кофод, со главниот советник за европски прашања во Канцеларијата на данскиот премиер Вибеке Пастернак Јоргенсен.

 Вицепремиерот задолжен за европски прашања Бујар Османи и министерот за надворешни работи Никола Димитров, утре ќе престојуваат во работна посета на Данска, во чиј фокус ќе биде донесувањето на одлуката за датум за почеток на пристапните преговори со Европската унија во октомври годинава.

Во рамки на посетата, како што е најавено, предвидени се одделни средби со министерот за надворешни работи на Данска, Јепе Кофод, со главниот советник за европски прашања во Канцеларијата на данскиот премиер Вибеке Пастернак Јоргенсен, како и со други релевантни соговорници.

На средбите, како што се наведува во соопштението владиниот Сектор за односи со јавноста, вицепремиерот Османи и министерот Димитров ќе го истакнат значењето од донесувањето на одлуката за датум за почеток на пристапните преговори со Европската унија во октомври оваа година.

Детално ќе брифираат за постигнатото во реформските активности од европската агенда, за внатрешно политичките случувања, добрососедските односи, како и за состојбите во регионот, а воедно ќе бидат разменети мислења и за билатералните односи меѓу двете земји, се вели во соопштението. 

Горбачов : Светот е пред опасна закана

Последниот советски претседател , Михаил Горбачов предупреди дека светот е пред опасна закана и дека сегашните воени активности личат на вистинска војна.

Михаил Горбачов наскоро ќе објави нова книга, неговиот политички тестамент , во кој авторот на политиката на ,,Гласност” и ,,Перестројка” ќе ја разоткрие својата визија за XXI. век, наведува  издавачот.

,,Иднината на глобалниот свет”, дело на поранешниот лидер кој сега има 88 години, ќе биде објавена во Германија на 23. септември и на 2. октомври во Франција.

„Светската политика е на исклучително опасен раб. Тековните воени активности наликуваат на вистинска војна“, предупреди Горбачов во делови од книгата што ја откри неговиот издавач.

Добитникот на Нобеловата награда за мир рече дека „заштитата на мирот е клучна за надминување на глобалните прашања како што се животната средина, меѓународниот тероризам, миграцијата и сите други предизвици што се во фокусот на вниманието на државите и меѓународните организации“.

Неговата книга ќе биде објавена пред 30-годишнината од падот на Берлинскиот ѕид на 9. ноември, кога Михаил Гобачев беше на чело со СССР.

Палмер го побара од Косово да ги укине царините кон Србија

Специјалниот претставник на американскиот државен секретар за Западен балкан , Метју Палемр , им порача на косовските власти да ги укинат царините на српските производи.

Метју Палмер изјави дека следната косовска влада по изборите на 6. октомври мора да биде подготвена за да ги суспендира царинските давачки на стоката од Србија , што е главна пречка за продолжување на дијалото меѓу Белград и Приштина. САД се надеваат дека на укинувањето на давачките , Србија би одговорила со своја иницијатива , рече Палмер , сугерирајќи дека може да вклучат и „потенцијално суспендирање на кампањата за признавање на Косово“ и дека „врз основа на овие основи, двете страни би можеле да се вратат на преговарачката маса  во позитивна атмосфера и со цел кон постигнување договор “.

„Прва работа е да се почекаат изборите на 6-ти октомври на Косово, проследено со процесот на формирање влада“, рече Палмер за ВОА по посетата на регионот, каде што се состана одделно со претставници на Белград и Приштина.

САД „ќе ги разјаснат своите очекувања“ за следната косовска влада да биде „влада подготвена за дијалог, подготвена да ги суспендира тарифите што го попречуваат продолжувањето на процесот на дијалог, влада подготвена да собере преговарачки тим со силни овластувања“ и „подготвена да се вклучи во преговори со Србија со сериозна намера да се постигне договор за нормализирање на односите “.

„Соединетите држави ќе бидат со нив во секоја фаза од процесот, но Косово мора да ја преземе контролата врз својата судбина“, рече Палмер.

Кабинетот на српскиот претседател Александар Вучиќ соопшти дека Вучиќ имал телефонски разговори со Палмер и дека Србија ќе продолжи да се залага „да се постигне вистинско и одржливо компромисно решение за прашањето за Косово иМетохија, да ги заштити интересите на Србите на Косово и да ги заштити националните интереси“.

Пратеници на студиска посета во САД за борба против корупцијата и одговорното владеење

Парламентарни делегации од регионот, меѓу кои и пратеници од Собранието на Република Северна Македонија деновиве во Вашингтон присуствуваат на настани и обуки за борба против корупција и транспарентно владеење

Обуката е организирана од Меѓународен републикански институт (ИРИ). Делегацијата од македонското Собрание е составена од пратениците Артан Груби од ДУИ, Горан Мисоски од НСДП и Лилјана Кузмановска од ВМРО-ДПМНЕ.

Како што јави дописникот на МИА од Вашингтон, потпретседателот на Собранието и пратеник од НСДП Мисовски смета дека е добро што сегашната Влада, за разлика од некои други поранешни влади, не ги става под тепих корупциските скандали.

– Посебен пример е таканаречената афера „Рекет", кога самиот премиер Зоран Заев ја пријави во Антикорпуциската комисија и во Јавното обвинителство. Ние како Влада и како парламентарно мнозинстви апсолутно имаме единствен став, дека борбата против корупцијата мора да биде на највисоко ниво, рече Мисовски.

Според него, ако една власт постави високи стандарди за нула толеранција на корупцијата, секоја идна влада мора да ги следи тие стандарди. -Тоа е нешто што нашите пријатели во САД постојано ни ги укажуваат, истакна тој.

Мисовски е убеден дека Република Северна Македонија на 15 октомври ќе добие датум за отпочнување преговори, а на 4 декември на Самитот на НАТО земјата ќе стане полноправна членка на Севрноатлантската алијанса. -Мислам дека нашата земја се движи во вистинскиот правец, па дали добро сме сработиле, тоа ќе го кажат граѓаните на избори идната година.

Во изјава за МИА Груби истакна дека целта на посетата е обука и конфереција за борбата против корупција и транспарентното владеење. – Овде сме да научиме од најдобрите американски практики, како федералната влада и локалните власти на САД се борат против корупцијата, затоа по Вашингтон одиме да се запознаеме со антикорупциските практики во градот Индијанаполис, изјави Груби.

Во рамките на посетата пратениците денеска имаат работна посета на американскиот Конгрес. Груби синоќа се сретна со републиканскиот сенатор Рон Џонсон, голем поддржувач и пријател на целиот регион, и со Дејвид Констеланчик, директор на канцеларијата за јужна и централна Европа во Стејт департментот.

– Сенаторот Џонсон истакна дека ги поддржува нашите евроатлантски интеграции и очекува дека процесот со ратификацијата за членство на нашата земја во НАТО ќе заврши набргу, и посебно поддржува датум за нашата земја да отпочне преговори со ЕУ, изјави Груби.

Додаде дека во Стејт департментот разговарал за реформите во судството, владеењето на правото, борбата со корупцијата и интеграцијата на нашата земја во НАТО и ЕУ и поддршка да се продолжи со реформите. -Тема за разговор и на двете средби беше законот за јавно обвинителство и за реформите во правосудството, рече тој.

Пратеничка од опозициската ВМРО-ДПМНЕ Лилјана Кузмановска за МИА изјави дека парламентарната делегација учествувала на конференција на ИРИ на која имале средби и со поранешни конгресмени кои говореле за нивните искуства со борба против корупцијата и одговорното владеење.

-Она што беше истакнато е дека корупцијата е процес кој нема да застане, независно колку и какви чекори се прават, но целта е таа да се намали, со нејзино препознавање во сите сегменти во живеењето и во сите нејзини форми, кои се разни – неа ја има и во политиката и во извршната власт. А ние треба да имаме изградени капацитети за тоа да може да се сузбие, истакна Кузмановска.

Од ВМРО-ДПМНЕ повторно истакнаа дека случајот „Рекет" и притворот на сега веќе поранешната специјална обвинителка Катица Јанева е нешто за што нема никакво оправдување. -Нашата партија излезе со јасен став – целосно расчистување на случајот, рече Кузмановска.

Тројцата пратеници синоќа беа и во Македонската мбасада во Вашингтон каде присуствуваа на отворањето на изложбата Мултикултурна група на уметници на Република Северна Македонија.

Обуката во САД на пратенички делегации од разни партии од Северна Македонија, Србија, Албанија и Романија е финансирана од американскиот Стејт департмент, а реализирана од ИРИ и од Институтит за претставничка власт, и завршува на 25 септември. /MИА

притисни ентер