Боки Тредичи: „Разговорот ни го слуша уште некој“ - Канал 5

Македонија

Боки Тредичи: „Разговорот ни го слуша уште некој“

Неверојатна е кармата на ликот кој најмалку го знаеме како Бојан Јовановски. Од „висините“ на шоубизот, кој само за него и дузина негови блиски беа висини, за сите останати беа „дно“, па се до вистинското дно - притвор

Боки Тредичи: „Разговорот ни го слуша уште некој“

( Прв дел )
Реални шоуа во Србија, емисии во Македонија и Србија,концерти откажани, песни, спотови, рефлектори, скапи женски чанти, очила, крзна и што уште не , само да се дојде до внимание и насловна страна.
Но што претходеше и што доведе до денешниот мегаскандал насловен како „Рекет“
Тој истиот Боки 13, последнава година ипол беше главна тема во медиумските но и бизнис кулоарите за неговите рекетирања.
Синот на Катица Јанева беше ( не знаеме дали се уште ) вработен во 1 ТВ. Ова беше класичен пример за нелојална конкуренција во смисол на добивање на информации поврзани со дејноста на СЈО, и крајно неетички потег.
Но изостана реакцијата и на ЗНМ, кои нормално си молчеа, потоа едно здружение кое наводно има задача да се грижи за етиката во медиумите во Македонија, СЕММ, во ниту еден момент не реагираше на овој невообичаен потег на „двоецот“ Боки Тредиче и Сињора Катица. Ниту буква ниту збор од ЗНМ и СЕММ.
Советот на обвинители на Македонија се однесуваше аутиситчно , како да не слушнале дека Лазар Јанев е вработен во 1ТВ, и немаа никаков став по тоа прашање.
Дополнително дознавме дека новинарот Сашо Орданоски добил сертификат за Државна Тајна, нависокиот можен безбедносен сертификат кој еден цивилен но и професионален работник може да го има.
Канал 5 бараше одговори, кој и зошто, и за каква цел , на еден новинар му доделил ваков сертификат , и тоа новинар кој работи во 1ТВ
И во тој момент ја добивме оваа „постава“ во 1ТВ:
Боки Тредичи - Лазар Јанев - Сашо Орданоски.
Кој на која позиција и дали „играл“ истрагата ќе треба да покаже, но ќе треба да покаже кој друг од нашите колеги во 1ТВ можеби биле дел од Рекет, свесно или несвесно.
Во 1ТВ чест и радо виден гост беше Катица Јанева, Гордана Дувњак имаше коректни интервјуа со првата „специјалка“ на Македонија, но интересно е што токму нејзе ја избраа во неодамна формираниот Судскио-Медиумски совет.
Случајно? Не би рекле, но и тоа е можно.
Почнаа да се емитуваат реклами на компании кои се рекламираа само на 1ТВ , телевизија со најмал рејтинг.
Зарем никој од „ведетите“ на 1ТВ не се праша како е тоа можно?
Јадранка, Чом, Орданоски, Борјан Јовановски, Кабранов разбираат што се рејтинзи кај телевизиите и знаат дека по тој критериум се дели „рекламниот колач“
Бахатоста на Боки Тредичи кулминираше на роенденот на 1ТВ, каде во едно видео се гледа, како во полупразната сала на Филхармонија, еминентни гости од актуелниот политични, општествен и бизнис живот на нашата земја го чекаат него - Боки Кралот, кој откако влезе во салата, речиси сите гости станаа и почнаа да се ракуваат со него.
Станувањето потсетуваше на она она годишно медиумско обраќање на Путин, кога при неговиот влез луѓето стануваат со сериозна стравопочит...
( продолжува утре )

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски отвора базен, а Унгарија отвора истрага

Во истиот ден додека Христијан Мицкоски свечено отвора базен, новиот унгарски премиер Петер Маѓар најави истрага за кредитот од една милијарда евра што Орбановата влада му го одобри на Мицкоски.

СДСМ: Мицкоски отвора базен, а Унгарија отвора истрага

Маѓар јасно посочи да постои сомнеж дека парите наменети за поддршка на унгарски фирми биле искористени за јакнење на политички сојузник.

Истрагата е веќе предадена на полиција.

Додека во Унгарија почнуваат да испитуваат каде завршиле парите и зошто Мицкоски добил пари, кај нас премиерот отвора базен.

Ова е совршена слика на две години владеење на организираната криминална група ВМРО:

• На една страна - истраги, сомнежи за злоупотреба и политички мотивирани кредити.

• На друга страна - базени, ленти и фотографии за домашни потреби.

Мицкоски и неговите соработници со години се фалеа со „стратешкото партнерство“ со Орбан.

ВМРО преку Орбан контролира околу 40% од медиумите во Македонија, а тука е и 4iG како мобилен оператор, чија инфраструктура ќе се користи за дистрибуција на медиумски содржини.

Сега, кога Орбан падна, почнуваат истрагите. А тие, наместо одговори, продолжуваат со претстави.

Граѓаните треба да знаат: додека тие се дават во економска криза и во загадена вода, Мицкоски отвора базен а во Унгарија веќе проверуваат колку тој базен, и многу други работи, навистина чинеле, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Опозицијата да се договори околу Изборниот законик, а не да смислува алиби за следните изборни порази

Во „Вести Плус“ на Канал 5 телевизија гостуваше пратеникот од редовите на ВМРО-ДПМНЕ, Бојан Стојаноски кој изјави дека Владата и владејачкото мнозинство имаат јасен став во однос на измените на Изборниот законик.

Стојаноски: Опозицијата да се договори околу Изборниот законик, а не да смислува алиби за следните изборни порази

Во „Вести Плус“ на Канал 5 телевизија гостуваше пратеникот од редовите на ВМРО-ДПМНЕ, Бојан Стојаноски кој изјави дека Владата и владејачкото мнозинство имаат јасен став во однос на измените на Изборниот законик, но дека опозициските партии мора да покажат политичка одговорност и да постигнат заеднички став за отворените прашања.

Според Стојаноски, платформата врз која се воделе разговорите била коректна, а Владата покажала одговорност со тоа што оставила опозицијата меѓусебно да ги усогласи различните предлози што ги изнесувала во јавноста.

„Платформата врз која ние ги поставивме разговорите сметам дека е сосема коректна. Владата беше доволно одговорна и владиното мнозинство да каже дека ќе го прифати сето тоа што опозициските партии ќе го договорат меѓу себе, бидејќи тие беа тие коишто нудеа различни детали во јавноста. Ние кажавме директно и јасно потребно ни е да ги зацртаме реформите 10 од 10, потребни ние си тие средства без разлика дали биле многу или малку, на македонските граѓани им се потребни. Седнете, договорете се за сите разлики коишто ги имате во јавноста, за сите нови услови кои ги поставувате секогаш кога ќе седнеме на масата и ние ќе ви го прифатиме тоа коешто вие ќе го договорите“, рече Стојаноски.

Тој нагласи дека не е задача на владејачкото мнозинство да посредува во договорите меѓу опозициските партии, посочувајќи дека СДС, ДУИ, Левица, како и пратениците на Арбен Таравари и Зијадин Села, треба да постигнат заеднички став за отворените прашања.

„Ние не можеме место нив да им договараме средба во рамки на Собранието. Нека седнат СДС, ДУИ, Левица пратениците на Таравари и на Села и нека договорат и за заокружувањето и за поплаките и за начинот на кој дијаспората треба да се изјаснува, како и за процентот на финансирање, ние тоа ќе го прифатиме. Одговорноста стои таму да тие треба да имаат иницијатива да седнат и да договорат, а не да смислуваат алиби за наредните изборни порази“, вели Стојаноски.

Пратеникот Стојаноски се осврна и на начинот на гласање на македонската дијаспора. Тој истакна дека целта е да се зајакне врската на иселениците со татковината и повтори дека владејачкото мнозинство ќе го поддржи моделот за кој ќе постигне договор опозицијата.

„Зошто сакаме дијаспората да се изјаснува и да се промени системот кој сега е актуелен? Бидејќи нашата интенција е тие луѓе да ги вратиме назад и мораме да ја зајакнуваме врската којашто тие луѓе ќе ја имаат со нивната татковина. Ете на преговорите на кои јас лично учествував, им кажавме дека ако седнЕ опозицијата и ако се договорат тие за моделот на којшто треба дијаспората да се изјаснува, ние тоа модел ќе го прифатиме. Ете беа против електронски, понудивме поштенски модел ете и против тоа се“, истакна Стојаноски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Уништен Туарег од Украина и натаму вози (ВИДЕО)

Снимките од тешко оштетениот VW Touareg кој сè уште работи станаа вирални на социјалните мрежи.

Уништен Туарег од Украина и натаму вози (ВИДЕО)

Автомобилот, уништен во наводен ракетен напад во Украина, е претворен во куп метал, но моторот му сè уште работи. Видеата брзо станаа вирални и собраа милиони прегледи.

Две кратки видеа се објавени на профилот на Инстаграм e.m.g._group, кои ја прикажуваат суровата реалност на војната. Првото видео прикажува целосно уништен црн VW Touareg од трета генерација. Секој дел од каросеријата е оштетен, покривот е смачкан, а светлата се скршени. На прв поглед, автомобилот изгледа неупотреблив.

Но, потоа доаѓа изненадување: еден човек се бори да влезе во возилото, што е едвај можно поради скршениот покрив, го пали моторот и тргнува. Според изјавата што ја придружува објавата, Tуарег бил погоден од ракетен напад.

Како настанала штетата

Сè уште не е јасно како точно е оштетен Touareg. Touareg најверојатно бил паркиран кога ракетата експлодирала во негова непосредна близина. Оваа теорија е поткрепена со фактот дека воздушните перничиња не се активирале, што е јасно видливо во второто видео. Доколку стануваше збор за судир, воздушните перничиња ќе се активирале.

Исто така, видливо е дека делови од искинатиот покрив се отсечени за полесно влегување во автомобилот. Внатре и надвор, Touareg изгледа како куп урнатини. Штетата на овој модел R-Line е огромна.

Моторот и електрониката сè уште работат

Интересно е што LED светлата и екраните во ентериерот сè уште работат. Најголемото изненадување, сепак, е што V6 TSI моторот во Touareg сè уште работи. SUV-от се движи сам, иако неговото работење е придружено со доста вознемирувачки звуци.

Тагови: Туарег украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер