УЕФА ги објави номинациите за најдобрите во Лигата на шампионите

Европската куќа на фудбалот УЕФА ги објави номинациите за најдобрите фудбалери во Лигата на шампионите во сезоната 2018/2019.

И годинава фановите на фудбалот и фудбалските новинари од Европа ќе гласаат за најдобриот напаѓач, фудбалер од средниот ред, одбранбен фудбалер и голман.

Номинирани за титулата најдобар напаѓач на ЛШ се асот на европскиот шампион Ливерпул Садио Мане и светските ѕвезди Лионел Меси и Кристијано Роналдо иако со своите тимови не успеаја да се изборат за пласман во големото финале.

Најдобриот фудбалер од средниот ред ќе се „бара“ меѓу номинираните Џордан Хендерсон од Ливерпул, Кристијан Ларсен од Тотенхем  и младиот Френки де Јонхг од Ајакс.

Тројцата најдобри одбранбени фудбалери во Лигата на шампионите за сезоната 2018 -2019 се Вирџил ван Дајк и Александер Арнолд од Ливерпул и Матајс де Лихт од Ајакс.

За трофејот најдобар голман пак УЕФА ги номинираше, чуварот на мрежата на шампионот Ливерпул, Алисон Бекер, Иго Љорис од Тотенхем и голманот на Барселона Тер Штеген.

Најдобрите фудбалери во Лигата на шампионите за изминатата сезона ќе бидат избрани на гала свеченост во Монако на 25 август , кога ќе се одржи и ждрепката за составите на групите во елитната Лига на шампионите.

Скандал во Германија: Неонацисти ги навредуваа играчите на Баерн

Втората постава на Баерн беше навредувана на 3. натпревар на Бундеслигата во гости кај тимот на Кемницер ФЦ.

Натпреварот заврши изедначено 2:2 , a домашните навивачи во текот на целиот натпревар со расистички повици ги навредуваа играчите на Баерн , каде има и црномурни играчи.

Во еден момент навивачите му се нафрлија и на директорот на нивниот тим , Томас Собоцик , нарекувајќи го ,,еврејска свиња”.

Фудбалскиот клуб веднаш по натреварот излезе со осуда и жестока реакција за ваквото однесување, а на играчите им забрани да пријдат до трибините и да им се заблагодарат на навивачите за поддршката .

Турците организираа неверојатен дочек за поранешниот напаѓач на Ливерпул (ВИДЕО)

Даниел Стариџ потпиша тригодишен договор со турски Трабзонспор , откако му истече договорот со Ливерпул.

Тој потпиша тригодишен договор со Трабзонспор, а шесткратниот шампион на Турција заврши на четвртото место на шампионатот минатата сезона. Неговите обожаватели беа воодушевени и подготвија огромен дочек и забава на аеродромот.

Стариџ постигна 67 голови за „црвените“ на 160 натпревари, а  ја започна својата кариера во Манчестер Сити пред да пристигне во Челзи во 2009 година,така што минал неколку одлични британски тимови во неговата кариера.

Тежок пад и драматична завршница на британското МотоГП (ВИДЕО)

Шпанаскиот мотоциклист Алекс Ринс од екипата на Сузуки е победник на дртаматичниот натпревар во МотоГП класата за големата награда на Британија на патеката Силверстоун.

Ринс во последните метри успеа да го помине светскиот првак Марко Маркез од тимот на Хонда и му ја однесе победата. На самиот почеток на трката Италијанецот Андреа Довизиосо , кој налета на паднатиот Француз Фабио Квартара.

Следниот натпревар ќе се одржи на 15 . септермври во Мисано , каде мотоциклистите ќе се натпреваруваат за големата награда на Сан Марино.

И покрај денешниот пораз, маркез е се поблиску до шестата титула на светски првак , со 250 поени , дури 78 повеќе од второпласираниот Довизиосо.

притисни ентер