Македонија

ДО „ВЕДЕТИТЕ“ НА 1ТВ: НЕЛИ ВИ БЕШЕ НЕШТО ТРУЛО ВО „ДРЖАВАТА ДАНСКА“?

Македонскиот медиумски регулатор ги потврдува огромните сомневања на медиумската заедница дека можеби незаконски се работело во 1ТВ

1ТВ лани, во 2018 год, од реклами, кои патем видовме на каков начин биле „обезбедени“, приходувала околу 550 илјади евра што е премалку да се покријат основните тековни трошоци а да не зборуваме за набавка на програма, хонорари плати и сл.

Дополнително, дури сега јавноста ќе треба да го добие одговорот на прашањето - Зошто Сашо Орданоски има(ше) безбедносен сертификат на ниво на ДРЖАВНА ТАЈНА? Дали можеби истиот бил „злоупотребуван“ и за рекетите , и дали има евентуална вмешаност и на новинарски „ведети“ во овие криминални дејанија?

Останува крајно чудно, како познатите новинарски „ведети“ од калибарот на Јадранка Костова,Александар Чомовски, Борјан Јовановски, Сашо Орданоски и Ацо Кабранов не ги забележувале следниве очигледни „аномалии“:

Зарем драги колеги од 1ТВ , нели ви беа чудни енормните ваши хонорари, настрана озборувањата дека ви доаѓале на друг , „интересен“ начин?

Нели ви беше чудно дека одредени компании се рекламираат само на 1ТВ иако телевизијата имаше најмал рејтинг од сите други ТВ станици ( мизерни 1 % SHR )?

Скоро сите вие „ѕвезди“ работевте во големите медиуми, и сигурно знаете како се делат парите од клиентите, сигурно не поради убавината на вашиот , сега осомничен, псеудо-сопственик

Колку долго требаше да ги покривате очите за да не ги видите луксузите на вашиот „сопственик“ Бојан Јовановски? Како е возможно барем еднаш да не се посомневавте како ги обезбедува сите тие силни луксузи платени со огромни пари а при тоа да знаете дека Боки 13 има блокирана трансакциска сметка?

Се срамите ли сега од интервјуата што ги правевте со него, во кои го величевте „неговиот лик и дело“ а при тоа, помалку, онака бенигно, му дозволувавте да ги навредува колегите од реално поголемите ТВ компании? Нели ви беше незгодно за големиот Христијански празник, Божик , да правите интервју со вашиот самонаречен Сопственик, иако во тој момент знаевте за сите овие гореспоменати аномалии?

Дополнително, синот на Катица Јанева одеднаш станува прв човек во вашиот правен сектор,па се прашуваме - замислите тоа момче да се вработеше во некоја од водечките ТВ компании, каква ќе беше вашата реакција?

А сега дознаваме дека Јадранка не била никаков уредник воопшто,доаѓала само петочки, онака „спортски“, Ацо Кабранов пак, единствениот гл. и одг. уредник на месечен хонорар ( ??? ) тврди дека Боки 13 не се мешал во уредувачката политика, Борјан пак сите камења почна да ги фрла кон Катица Јанева, а само Сашо Орданоски, со безбедносниот сертификат во рацете , се уште мудро си молчи, и сигурно си чека. Што си чека, само тој си знае

И денес, имаме „2 во 1“ ситуација. Чомовски, во радио-емисијата Стадион на Столе Наумов, вели : „ Ние сме се слушале со него ( Боки 13 н.з. ) еднаш до два пати денвно во просек, да се договориме за емисиите и слично“.
Значи, сепак сите биле заедно креатори на уредувачката политика, заедно со Боки 13 на чело. Сепак, не биле толку НЕЗАПОЗНАЕНИ со случувањата во и околу телевизијата

Шлагот на нивната „ведетска“ торта вчера го стави Борјан Јовановски „ведетата“ на 1ТВ, кој не можеше да го издржи „реванш-постот“ на нашиот гл. уредник на Информативната Редакција, Гоце Михајлоски , па преку коментари на FB си дозволи повторно да го клевети и навредува.

Дали самиот Борјан ја увиде инфантилноста на своите коментари, или пак некој посериозен му дал пријателски совет, по кратко време, истите самиот и си ги избриша.

QUO VADIS VEDETTES?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Драма во зоолошка: Птица од 1,8 метри избега во град (ВИДЕО)

Птица ему утрово избегала од мобилна зоолошка градина во западна Јапонија, но подоцна била фатена и никој не бил повреден, соопштија локалните власти.

Службите за итни случаи добиле пријава од минувач околу 6:45 часот по локално време дека голема птица трча по улица во Моријама, објави новинската агенција Кјодо.

Вработените во зоолошката градина Хори ја фатиле птицата во дворот на блискиот станбен комплекс откако биле контактирани од локалната полиција.

„Бегалецот“ е стар една година и висок околу 1,8 метри.

Зоолошката градина соопшти дека истражува како птицата избегала, бидејќи железната порта била обезбедена со гумено јаже.

Еден кенгур избегал од истата зоолошка градина во 2010 година, а три ежови во 2013 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иранскиот претседател во ОН покажуваше фотографии од мртви деца: Ние само се браневме

Иранскиот претседател Масуд Пезешкијан изјави денеска пред Генералното собрание на ОН дека неговиот народ е „жртва на тероризмот“ на Соединетите Американски Држави.

Говорот го одржа еден ден откако американскиот претседател Доналд Трамп се закани дека може да ја „уништи“ Исламската Република, пишува АП.

Пезешкијан покажа фотографии од починатиот врховен водач Али Хамнеи и повеќе од 150 училишни деца кои загинаа во првите денови од војната. „Ние само се браневме. Ние не сме терористи“, рече Пезешкијан на Генералното собрание.

„Нашиот невин народ беше цел на кукавички напади и агресија што ѝ беше наметната на нашата земја. Се браневме со сите сили. Америка и Израел не нападнаа. Тие не погодија, но ние не попуштивме“, опиша иранскиот претседател.

Техеран ја омаловажи важноста на состанокот

Пезешкијан, кој важи за умерен во иранските политички кругови, пристигна во Њујорк во услови на засилени безбедносни мерки. Тој им се обрати на светските лидери еден ден откако Доналд Трамп од истата говорница рече дека може да го „уништи“ Иран доколку наскоро не се постигне договор за ставање крај на војната која трае речиси седум месеци.

Неколку часа подоцна, Трамп им потврди на новинарите дека неговите главни пратеници, Стив Виткоф и Џаред Кушнер, се состанале со иранските власти на маргините на годишната сесија. Средбата траела околу три часа, но Трамп не соопштил многу детали за текот и содржината на разговорот. „Тоа беше многу добар состанок“, рече Трамп. Државниот секретар Марко Рубио вчера изјави дека Трамп е отворен за средба со Пезешкијан додека е во Њујорк.

Техеран ја омаловажи важноста на ненајавениот состанок. Тоа беа први индиректни разговори меѓу американски и ирански официјални претставници по пропаѓањето на примирјето во јуни. Портпаролот на иранското Министерство за надворешни работи, Есмаил Багаи, ги повтори преговарачките позиции на неговата земја и побара од Вашингтон да ја прекине блокадата на иранските пристаништа и да ги одмрзне иранските средства. Багаи рече дека разговорите, кои беа водени индиректно преку катарски посредници, „не се ништо ново“.

Преговори без решение

Пезешкијан ќе има можност подетално да ја објасни позицијата на Техеран по повеќе од една година прекинати разговори меѓу Иран и неговите долгогодишни противници, кои не успеаја да постигнат траен договор. Неговиот говор доаѓа во време кога нападите во Ормускиот теснец, долж брегот на Иран, продолжуваат да се случуваат повремено, додека комерцијалниот поморски сообраќај е сè уште послаб отколку пред војната.

Неговото обраќање минатата година дојде неколку месеци по 12-дневната војна меѓу Израел и Иран. Многу од највисоките воени и политички лидери на Исламската Република беа убиени во конфликтот, кој повторно ги прекина неколкунеделните преговори со Соединетите држави. „Дами и господа, сите бевте сведоци дека минатиот јуни мојата земја беше изложена на дива агресија и јасно кршење на најосновните принципи на меѓународното право“, рече тогаш Пезешкијан.

Тагови: иранскиот претседател ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски се сретна со Пленковиќ во Њујорк: Продолжуваме со отворен и конструктивен дијалог со нашите европски партнери

Премиерот Христијан Мицкоски на маргините на Генералното собрание на ОН во Њујорк, се сретна со хрватскиот премиер Андреј Пленковиќ.

Остварив средба со хрватскиот премиер, Андреј Пленковиќ на која разговаравме за европската перспектива, унапредувањето на добрососедските односи, регионалната соработка и важноста од продолжување на реформските процеси согласно европските стандарди.

Продолжуваме со отворен и конструктивен дијалог со нашите европски партнери, во насока на градење посилна, стабилна и просперитетна иднина за граѓаните, објави Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.