Драмата „Каде е пиштолот" на Народниот театар од Охрид вечерва на „Охридско лето"

Програмата на годинешното 59-то издание на фестивалот „Охридско лето" продолжува со вечерашната изведба на театарската претстава „Каде е пиштолот" во изведба на Народниот театар од Охрид.

„Каде е пиштолот?" е модерен сатиричен текст со силна егзистенцијалистичка позадина, создаден во седумдесеттите години од минатиот век. Во својата срж текстот се занимава со човековата дуална природа, играјќи помеѓу позициите на опресор и потчинет низ петте ликови кои го носат дејствието.

Зборот „пиштол" предложен уште во насловот не е ништо друго туку театарски знак, систем на апстракции, симбол на моќта на насилство – кого ликовите го користат за да ги тероризираат останатите. Местото на дејство е затворен простор, во кој гледаме четворица луѓе што седат и петтиот како вперува пиштол во нив. Четворица од нив секогаш сакаат да излезат надвор од собата, а петтиот секогаш ќе се чувствува добро внатре. Тоа е оној кој е со пиштолот. Изворот на сите проблеми е токму тој – пиштолот. Пиштолот би можел да има и понаква намена, но не во овој случај. Tажно e, но овде не е можно да живеете без пиштол!

Режисерската поставка на претставата е на Дејана Николовска, втората Македонка која има завршено театарска режија во Москва на ГИТИС, Руската академија за театрска уметност (после Иван Поповски). Освен театарот како основна професија и позив, се занимава и со филм. Најзначаен филмски проект е снимањето на серијалот „Именденот на Татијана" (220 епизоди) за Првиот канал на Руската Националана Телевизија. Исто така има големо искуство во шоу бизнис индустријата како режисер во RosArt Group production company во Москва.

Улогите во претставата ги толкуваат актерите Горан Стојаноски, Никола Тодороски, Адријана Билаловиќ Тодороска, Ивица Цонев, Стрезо Стаматовски.

Претставата ќе се игра на сцената на Центарот за култура „Григор Прличев" со почеток од 21 часот. /МИА

Арсовски: Зоран Заев мислејќи дека разговара со Грета Тунберг, ја понижи Македонија

Срам, порази, понижувања. Овие 3 работи ги трпиме на свој грб и што е најважно, целата држава и граѓаните трпат се ова само заради еден човек што е срам за општеството, срам сам по себе, за граѓаните и државата, а тоа е Зоран Заев.

Тажното и понижувачко аудио кое се појави на јутјуб каде што Зоран Заев како Премиер на Република Македонија разговара со наводната Грета Тунберг, активистка за климатски промени, е само реална слика на начинот на кој Зоран Заев ја води и ја претставува оваа држава и овој народ.

Замислете, мислејќи дека разговара со активистката Грета Тунберг и нејзиниот татко, во разговор со замислени соговорници, Заев успеа да ја раскаже целата тажна слика на Република Македонија и неговиот однос кон државата и граѓаните.

Заев во само еден т.н. пранк, успеа да изнесе навреди кон францускиот претседател г-дин Макрон, имено претседател на држава пријател на Република Македонија.

Зоран Заев конечно призна дека е загадено Скопје и државата, и во рок од 10 секунди за да ја покаже својата моќ успеа само низ телефонски разговор да затвори 2 аеродрома во Република Македонија.

Она што е најтажно, најкриминалниот и најкорумпиран политичар, Зоран Заев, бидејќи нема ниту еден единствен капитален проект, со најголема гордост и како приоритет број 1 и најголемо достигнување се фали како си го сменил името на својата држава и својот народ. Тажно и жалосно.

Дури и ја призна тажната вистина дека Република Македонија е сиромашна и неразвиена земја која не е атрактивна за мигрантите, но и покрај тоа тој се уште е отворен за населување и за отворање на живеалишта за мигранти.

Си говореше за марихуаната за која му велат дека тој ја одгледува без око да му трепне. Најверојатно се чувствува гордо и на таа тема како да е Биг Мајк од Република Македонија.

Пораз до пораз, срам до срам, понижување до понижување.

Овој човек и оваа влада мораат што побрзо да си заминат од очите на јавноста.

За крај, сакам само да потсетиме на неуспешната ПР стратегија на Владата која на крајот на минатата година рече дека спречила хибриден напад од пранкери мислејќи токму на овој разговор на Зоран Заев со наводната активистка Грета Тунберг.

Еве очигледно е колку спречиле хибриден напад, каде што Зоран Заев во неколку разговори со пранкери во својот мандат успеа да не посрамоти како држава без око да му трепне. Лага до лага. Ниту спречиле хибриден напад, ниту пак она што го говореше Забрчанец на таа прес конференција е вистина. Очигледно и факт е дека Зоран Заев си водел разговор со замислени соговорници.

Затоа 15-ти јули, број 14, глас за Обнова на Македонија. Глас против понижувањата на Република Македонија кои што и ги нанесува Зоран Заев и ова раководство на СДСМ.

Димче Арсовски, Портпарол на ВМРО-ДПМНЕ

За викендот наместа зголемена облачност со дожд и грмежи

 Синоптичарите за време на викендот најавуваат локално зголемена облачност со услови за крактротраен дожд и грмежи.

Минималните температури за време на викендот ќе бидат од 12 до 21 степен, а максималните од 27 до 36 степени.

Во недела и понеделник повторно ќе дува северен ветер што ќе предизвика опаѓање на температурите.

На работа се враќаат само родителите чии деца одат на училиште, но не и оние кои имаат деца во градинка

 Министерот за здравство Венко Филипче денеска појасни за кои вработени се однесува уредбата со која на работа треба да се вратат родителите кои имаат деца до 10-годишна возраст.

Во изјава за медиумите, Филипче истакна дека владината уредба се однесува на оние родители чии деца се до 10-годишна возраст, а кои одат на училиште.

Тоа значи дека на работа се враќаат само оние родители чии деца учат во основно училиште, но не и оние родители чии деца одат во градинка.

– Станува збор за родителите на децата од школска возраст заради тоа што сега секако школите не работат. Останува на сила одлуката за родителите на децата кои одат во градинки кои сега не функционираат, рече Филипче, одговарајќи на новинарско прашање по денешната средба со претставници на здружението „Борка".

Во уредбата на Владата донесена во вторникот се наведува – Владата на денешната 74-та седница го прифати предлогот на Комисијата за заразни болести, со кој од категориите на лица кои се ослободени од работа и работни активности – родителите на деца до 10-годишна возраст, во овој период да се вратат на работните места само родителите на децата кои се вклучени во воспитно-образовниот процес во училиштата, имајќи предвид дека учебната 2019/2020 година е завршена.

притисни ентер