МЗ: Дисперзираниот систем на пациентите во уште четири други општини, се решава децениски проблем со Центарот за зависности

  Во тек се подготовки за дисперзија на дел од пациентите кои се вклучени во програмата за третман и превенција од зависности во Центарот во Кисела Вода. 

Со ова се решава деценискиот проблем со Центарот за зависности во Кисела Вода. Пациентите кои се вклучени во програмата за третман и превенција на зависности ќе бидат распределени согласно општината во која живеат и според локациите на кои ќе бидат пунктовите, соопшти денеска Министерството за здравство.

Од Министерството посочуваат дека дисперзијата ќе следи во општинските пунктови кои се наоѓаат во поликлиниките „Јане Сандански", во населба Ченто и Бардовци и во Градската општа болница „8 Септември" во Карпош.

-Министерството за здравство смета дека во интерес на пациентите е поддршката од лекарите да ја имаат во пункт во својата општина или општината која е најблиску до локацијата на која се наоѓа пунктот. Во овие пунктови, пациентите ќе добиваат метадонска терапија,  додека проценката за промена на терапија ќе ја прави психијатарот кој е одговорен за пациентот и истиот ќе утврди колку пати неделно пациентот треба да ја зема терапијата. Со оглед на тоа дека во пунктовите ќе бидат третирани околу 120 пациенти, кои се дел од програмата за лекување и третман, веќе нема да се создава метеж околу пунктовите и ќе се зајакне контролата на целиот процес, се вели во соопштението од Министерство за здравство.

На лекарите, сметаат од Министерството, ќе им биде олеснета работата бидејќи ќе имаат помал број на пациенти. Распределувањето на психијатрите е во рамки на внатрешната организација на јавната здравствена установа во која се вработени и во која ја извршуваат здравствената дејност во однос на лекување на зависностите, а тоа е Психијатриска болница–Скопје.

Во тек се административните подготовки на пунктовите кои се веќе просторно опремени. Штом завршат овие подготовки, пунктовите веднаш ќе бидат пуштени во функција. Министерството за здравство нагласува дека ниту еден пациент не смее да биде дискриминиран по ниту еден основ, и оти нивна обврска е да се грижиме за секој пациент подеднакво.

-Едно од основните човекови, загарантирани права е да добие здравствена заштита. Секој има право на достапна и квалитетна здравствена заштита и услуга. Дисперзијата е  системско решение кое Министерството за здравство успеа да го реши во полза, пред се на пациентите, потоа и на сите граѓани во земјава. Ваквите процеси треба да бидат поддржани од сите нас, само така ќе напредуваме, нема потреба од стигми и стравови. Целиот процес на лекување на овие пациенти ќе биде строго контролиран, а во него, покрај здравствените работници ќе бидат вклучени и сектори од други министерства, невладиниот сектор кој работи со оваа целна група на лица, но и семејствата на пациентите, се додава во соопштението од МЗ.

Од Министерството веруваат дека овој процес на дисперзија од Кисела Вода во другите општини на овие пациенти е во интерес на заедницата, на напредок на здравствениот систем и соодветен третман на пациентите. 

Џенифер Анистон покажа како изгледа без фотошоп и доби 5 милиони лајкови

Холивудската ѕвезда Џенифер Анистон се реши да им покаже на фановите како изгледа на едно снимање пред да настанат совршените , фотошопирани фотографии .

Анистон со оваа фотографија собра за самно неколку часа 5 милиони лајкови.

"Јас сум само девојка ... Со фризура и шминка. Со стилист. Фотограф. Тим за осветлување, вентилатор, реквизити и компјутер ... Кој сака да мислите дека таква се разбудила", напиша Џенифер за "несовршената" фотосесија.

Нејзиното искрено откривање воодушеви милиони. „Вие сте легенда“, „Само што го отворивте вашиот профил, а веќе сте експерт за Инстаграм“, „Те сакам“, ја пофалија.

Џенифер направи официјален профил на Инстаграм пред една недела и селфи со своите пријатели во серијата „Пријатели“, со што буквално го сруши Инстаграм за неколку секунди.

Среде концерт рапер фрли 50 000 долари во публиката (ВИДЕО)

Еден од најпознатите рапери , Пост Малоун фрли 50 000 долари во банкноти од по еден долар во публиката на својот концерт во ноќен клуб во Мајами.

24-годишниот рапер во клубот се појави со група соработници и пријатели кои во еден момент му подадоа куфер полн со банкноти што Пост започна да ги фрла . Кешот леташе низ клубот, додека „Пост“ ги изведуваше своите најголеми хитови како „Рокстар“ и „Психо“, со снимки и фотографии што ги преплавија социјалните мрежи.

 
 
 
 
 
 
 
 
 
 
 
 
 

| @postmalone on #E11EVENSOUND 🔈 #11Miami #SoldOut #NOSLEEP 📽 @mediamonsters

A post shared by E11EVEN MIAMI (@11miami) on

Посетителите откриле дека Пост и неговиот тим немилосрдно се забавувале по настапот и дека останале во клубот до пет часот наутро. „Тие беа премногу драги за сите“, рекоа посетителите.

„Најдобра ноќ досега“, „Сакам да се вратам“, „Забавно ми беше“, „Сè уште сум пијан од таа ноќ“, „Ова беше најдобрата претстава досега“, се само некои од коментарите на социјалните мрежи, додека оние кои не беа таму се пожалија  „Колку сум љeубоморен што не бев таму“, коментираат другите.

Македонката што возеше Мерцедес со 230 км/час со мало дете во автомобилот , оди во затвор

Австралијанката со македонско потекло , која и бегаше на полицијата во Мерцедес со брзина од 235 км/час , е осудена на година и пол затвор.

Минатиот ноември, 28-годишната Маргарита Томовска, позната на социјалните мрежи како „Мерцедес мама“ го возеше својот моќен мерцедес Е 63 С двапати побрзо отколку што смееше додека бегаше од полициска патрола , што се обидувала да ја запре. Пријавено е дека се движела дури и над 230 км на час. Да ги влоши работите, таа не беше сама во трката, туку заедно со нејзината тригодишна ќеркичка.

Адвокатот на обвинетата изјави дека Томовска била принудена да вози неодговорно , на што ја присилувал совозачот Кристопер Кинг. Тој додаде дека Кристопер е толку силен што на полицајците им биле потребни два комплети лисици за да го задржат при апсењето.

Судот не го прифати ова оправдување и ја осуди Маргарита на 18 месеци затвор.

"Може само да се замисли што би се случило кога би се судрила со полициското возило. Детето би летало со 150 км на час. Тешко е да се замисли поопасна полициска потера", ја коментирал судијата својата одлука.

Маргарита, инаку, е многу активна на социјалните мрежи каде често се фали со дизајнерска облека, луксузни автомобили и ексклузивни патувања. Дури и за судењето, таа се облече во колекција вредна над 10.000 американски долари.

Томовска вели дека не жали за целиот процес. Напротив, таа глумеше жртва и се обиде да собере 100.000 долари преку GoFundMe. „Знам дека не ме познавате, но не сум лоша личност“, ја започна својата приказна на GoFundMe. "Тие се лажговци и имаат нешто против мене без причина , а јас сум сигурна дека не сум единствената во ваква ситуација. Поради срамот што ми го направија, ми беа ограничени правата да ја гледам ќерка ми. “, напиша таа.

притисни ентер