Неопходно е подигање на свеста за безбедноста и здравјето при работа

 Потребно е подигање на свеста на работникот и на работодавачот за безбедноста и здравјето при работа.

Се уште во нашето општество тоа е тема која ја сметаме за маргинална, односно за неважна и на неа реагираме тогаш кога ќе се случи некоја повреда или смртен случај. Во рамки на колективните договори преовладува впечатокот дека тие се уште содржат премалку или воопшто не содржат никакви одредби што се однесуваат на безбедноста и здравјето при работа, што во иднина би требало да се менува кога ќе се преговара меѓу двете заинтересирани страни, работници и работодавачи и кога ќе се случуваат колективни договори.

Ова денеска го изјави адвокатот Владимир Бангиевски по отворањето на националната конференцијата на тема „Колективни договори – клуч за успешен систем на безбедност и здравје при работа", во организација на Асоцијација за правно – економски истражувања и едукација „Јуридика".

Тој посочи дека во одреден број на колективни договори нема никакви одредби што се однесуваат на здравјето и безбедноста при работа. Во некои колективни договори, пак, има одредби што упатуваат на Законот за безбедност и здравје при работа но, како што рече, детално материјата не ја разработуваат. Постојат колективни договори во кои се предвидени мерки и активности за безбедност и здравје при работа. Притоа тие мерки, како што појасни, се однесуваат на сите вработени или има посебни мерки што се однесуваат на посебна група на вработени.

Бангиевски порача дека освен на подигнување на свеста треба да се работи и на имплементација на мерките за безбедност и здравје при работа на самите работни места.

– И работникот и работодавачот првенствено треба да бидат заинтересирани за преземање пред се превентивни мерки во врска со заштитата на здравјето и почитување на безбедносните протоколи. И соодветните Инспекторати, државните органи треба да поведат малку повеќе сметка за тоа во какви услови од безбедносен и здравствен аспект работат вработените, рече Бангиевски. Додаде дека освен физичкото здравје на работниците, потребно е да се води грижа и за психичкото.

Професорот Лазар Јовевски од Правниот факултет „Јустинијан Први" – Скопје изјави дека „Јуридика" седум месеци интензивно работи на зајакнување на системот на колективно преговарање со вклучување на аспектите на безбедност и здравје при работа.

– Анализата од терен покажа дека многу малку е застапена безбедноста во македонското колективно преговарање, на сите нивоа, и во приватниот и во јавниот сектор. Многу малку одредби има во колективните договори за безбедност и здравје при работа. Сметаме дека е потребно во иднина многу повеќе преку колективните договори да се вклучуваат одредби, норми што ќе ги уредуваат овие прашања. Преку колективните договори што ги носат синдикатите и работодавачите во рамки на социјален дијалог, всушност на адекватен и на нив прифатлив начин да си ги уредат овие прашања што се поврзани со безбедноста и здравјето при работа, рече Јовевски.

Тој смета дека генерално во нашата држава не се посветува соодветно внимание на оваа тема и додаде оти тоа треба да се промени. Нашата земја, како што рече, не заостанува зад регионот, дури во некои работи и сме пред одредени земји, како Албанија, Косово, БиХ…Потенцира дека ни се потребни зајакнување на капацитетите на Инспекторатот во делот на надзорот, едукација и промовирање на системот кај работниците и работодавачите, да се гради превентивна култура за заштита…

На конференцијата во текот на денот излагања ќе имаат претставници од науката, синдикатите, работодавачите, претставници од МТСП, Инспекторатот и стручните лица од областа на безбедност и здравје при работа. 

Иранскиот престседател прогласи победа , убиени над сто демонстранти

Претседателот на Иран, Хасан Рохани денеска прогласи победа над демонстрантите, обвинувајќи ги странските сили за предизвикување протести поради цената на горивата.

Во исто време,  ирански официјален претставник ги отфрли како „шпекулативни“ обвинувањата за над 100 мртви демонстранти.

Илјадници луѓе денеска учествуваа на антивладините демонстрации, јавуваат иранските државни медиуми.

Ирански двојни државјани се меѓу уапсените демонстранти во северната провинција Алборц, според полу-официјалната новинска агенција Фарс.

Цитирајќи безбедносни извори, Фарс наведува дека германски, турски и авганистански државјани кои имаат и иранско државјанство се затворени и дека биле обучени и платени од странски служби за уништување на иранската инфраструктура и поттикнување граѓански немири.

Според Фарс, овие лица имале специјална опрема за саботажа.

„Иранскиот народ повторно успешно го положи испитот по историја и покажа дека нема да им дозволи на непријателите да профитираат од оваа ситуација, иако може да имаат забелешки за управување со земјата“, рече Рохани, објави државна телевизија ИРИБ на својата веб-страница.

Иранската мисија во ООН ги отфрли извештаите за над стотина мртви демонстранти, нарекувајќи ги „шпекулативни и несигурни“ освен ако не бидат потврдени од владата на Техеран.

„Неоснованите обвинувања и фабрикуваните бројки од пристрасни западни организации нема да ја разнишаат решеноста на владата да донесе прудентни економски одлуки, почитувајќи ги човековите права, вклучително и правото на мирен протест“, напиша портпаролот на Мисијата во ООН , Алиреза Мирјусефи на Твитер.

Техеран ги обвини странските непријатели - САД, Израел и Саудиска Арабија за предизвикување немири, што започнаа во петокот, откако цените на горивата се зголемија за најмалку 50 проценти и беше воведена рационализација.

Протестите наскоро станаа политички, при што Амнести Интернешнл тврдеше дека во 21 град биле убиени најмалку 106 лица.

Судијката Димишкова на распит кај Русковска за „Рекет“

Обвинителката Вилма Рускоска денеска ја продолжи истрагата за случајот Рекет, во Обвинителството повикана беше судијката Весна Димишкова, која беше споменувана во објавените аудио снимки од разговорите на Орце Камчев и Бојан Јовановски.

Неколкучасовното сослушување за случајот „Рекет“ на судијката од Кривичниот суд, Весна Димишкова, во Обвинителството за организиран криминал, заврши без да се дознаат голем број информации.

Ниту Димишкова, ниту Обвинителството предводено од Вилма Русковска не соопштија детали, па оттаму засега не е познато во кое својство судијката била повикана на распит и каква е нејзината поврзаност со аферата „Рекет“, односно нема одговор дали е сведок или пак осомничена. Таа утринава кај Русковска пристигнала околу 10 часот и иако распитот траел три часа, ниту една новинарска екипа, не успеа да ја регистрира како ја напушта зградата на Обвинителството до крајот на работното време, од каде пак не потврдуваат дали се шири истрагата за „Рекет“.

Инаку, името на Димишкова, можеше да се чуе во дел од разговорите меѓу првоосомничениот во делото Бојан Јовановски и бизнисменот Орце Камчев, кои ги објави италијанскиот медиум „Ла Верита“. Во случајот, според објавите во медиуми кои се повикуваат на записници од истрагата, улога имал братот на судијката, адвокатот Васил Димишков.

Интересно е што пред да пристигне во канцелариите на шефицата на Обвинителството за организиран криминал, токму Димишкова, како судија во претходна постапка од Основниот суд, ја потпишала одлуката да се одбие барањето на двајцата обвинети во случајот „Империја“, Орце Камчев и Цветан Панделевски, за издавање времен пасош.

Судијката, како што соопштија од Кривичен, при одлучувањето го ценела мислењето на обвинителот во „Империја“, односно Лиле Стефанова, која препорачала да се одбие барањето на Камчев. Стефанова остана надлежна за случајот и покрај тоа што оваa истрага, која ја започна во СЈО, премина во рацете на Обвинителството за организиран криминал.

Без струја утре дел од општините Чучер Сандево и Бутел

Без електрична енергија утре ќе бидат корисниците од дел од општините Чучер Сандево и Бутел.

Во периодот од 09:00 до 15:00 часот, без струја ќе останат корисниците од дел од селата Побожје и Бродец, како и селата Брест, Танушевци и Малино, а од 10:00 до 13:00 часот корисниците од дел од улицата „Хо Ши Мин".

Како што соопштува Центарот за управување со кризи, прекинот е заради технички зафати во дистрибутивната електро мрежа.

притисни ентер