Индија гори на 50 степени – починаа најмалку 36 лица од топлотен удар

Најмалку 36 лица починаа во Индија , меѓу кои најбројни се сиромашните работници кои од руралните подрачја работат тешка физичка работа во градовите.

Државната служба за катастрофи објави дека рекордно високи температури се измерени во повеќе индиски држави. Во главниот град на Индија , Делхи , се измерени рекордни 48 степени , што е историски највисока температура.

Во градот Чару во северозападната држава Раџастан се измерени рекордни 51 степен.

,,Ова е најстрашен топлотен удар досега. Во 2015 топлотниот бран беше забележан во девет држави , а сега зафати 23. “ , рече експертот за клима Ануп Кумар Сривастава.

Западните и јужните делови на Индија дополнително се соочуваат со недостиг на вода поради предолгиот сушен период.

Македонија гласа на десеттите парламентарни избори

Изборен ден во Македонија. Над еден милион и осумстотини илјади граѓани имаат право на глас на десеттите парламентарни избори.

Граѓаните на Македонија можат да гласаат за кандидатските листи на 15 коалиции и партии.

Гласањето почна во седум часот, а ќе трае ’ до 21 часот. Канал 5 утринава ги посети избирачките места на неколку локации.

Во Центар е Игор Манасиевски, а во Чаир Сунаи Сабриоски.

Прво се вклучуваме во центар Игор како тече изборниот процес ?

Во видеото погледнете го целиот извештај.

Отворени гласачките места во Куманово, Липково и Старо Нагоричане

Почна гласањето во Куманово, Липково и Старо Нагоричане, информираа денеска од општинските изборни комисии.

Право на глас во Куманово имаат 92.167 гласачи, информираше денеска претседателот на ОИК Куманово, Драган Јовановски. 167-те избирачки одбори се подготвени за спроведување на изборите.

Претседателот на ОИК Липково, Лирим Јашари информира дека во општината право на глас имаат 25.632 гласачи кои ќе гласаат на 36 избирачки места.

Од ОИК Старо Нагоричане право на глас имаат 3.322 лица кои гласаат на 36 избирачки места, а процесот ќе го спроведуваат 38 избирачки одбори.

Дежурни поликлиники: Јане Сандански, Чаир, Ченто, Шуто Оризари, Ѓорче Петров, Драчево и Бит пазар

Како што соопшти министерството за здравство, службата за итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

Денеска дежурните ординации ќе работат во скопските поликлиники согласно вообичаениот распоред за работа за недела и за празници, ќе функционираат ординации за здравствена заштита во трета смена, во поликлиниките Јане Сандански, Чаир, Ченто, Шуто Оризари, Ѓорче Петров, Драчево и Бит пазар, информираат од Здравствен дом-Скопје.

Како што соопшти министерството за здравство, службата за итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

притисни ентер